ਨਾਈਜੀਰੀਆ ਵਿੱਚ ਆਤਮਘਾਤੀ ਹਮਲੇ ਕਾਰਨ 12 ਹਲਾਕ

ਕਈਆਂ ਦੇ ਜ਼ਖਮੀ ਹੋਣ ਦਾ ਖਦਸ਼ਾ; ਭੀੜ ਵਾਲੀ ਜਗ੍ਹਾ ਨੂੰ ਬਣਾਇਆ ਗਿਆ ਨਿਸ਼ਾਨਾ

mediology

09:34 PM Jun 21, 2025 IST

ਮਾਈਡੁਗੁਰੀ (ਨਾਈਜੀਰੀਆ), 21 ਜੂਨ

ਨਾਈਜੀਰੀਆ ਦੇ ਉੱਤਰ-ਪੂਰਬੀ ਬੋਰਨੋ ਸੂਬੇ ’ਚ ਬੰਬ ਧਮਾਕਾ ਹੋਇਆ। ਇਹ ਪਤਾ ਲੱਗਿਆ ਹੈ ਕਿ ਮੱਛੀ ਬਾਜ਼ਾਰ ਵਿੱਚ ਇਹ ਧਮਾਕਾ ਮਹਿਲਾ ਆਤਮਘਾਤੀ ਹਮਲਾਵਰ ਨੇ ਕੀਤਾ ਹੈ ਜਿਸ ਨਾਲ ਲਗਪਗ 12 ਲੋਕ ਮਾਰੇ ਗਏ ਤੇ ਕਈ ਜ਼ਖਮੀ ਹੋ ਗਏ।

ਬੋਰਨੋ ਰਾਜ ਪੁਲੀਸ ਦੇ ਬੁਲਾਰੇ ਨਾਹੁਮ ਕੇਨੇਥ ਦਾਸੋ ਨੇ ਦੱਸਿਆ ਕਿ ਇੱਕ ਔਰਤ ਨੇ ਆਪਣੇ ਸਰੀਰ ਨਾਲ ਵਿਸਫੋਟਕ ਸਮੱਗਰੀ ਲਗਾਈ ਹੋਈ ਸੀ। ਫਿਰ ਉਸ ਨੇ ਮੱਛੀ ਬਾਜ਼ਾਰ ’ਚ ਆ ਕੇ ਧਮਾਕਾ ਕਰ ਦਿੱਤਾ।

ਉਨ੍ਹਾਂ ਦੱਸਿਆ ਕਿ ਜ਼ਖਮੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ। ਸਥਾਨਕ ਲੋਕਾਂ ਵੱਲੋਂ ਸਾਂਝੀ ਕੀਤੀ ਜਾਣਕਾਰੀ ਅਨੁਸਾਰ ਇਸ ਧਮਾਕੇ ਵਿੱਚ ਘੱਟੋ-ਘੱਟ 30 ਲੋਕ ਜ਼ਖਮੀ ਹੋਏ ਹਨ।

ਜ਼ਿਕਰਯੋਗ ਹੈ ਕਿ ਬੋਰਨੋ ਸੂਬਾ ਬਗਾਵਤ ਦਾ ਕੇਂਦਰ ਹੈ। ਇਸ ਖੇਤਰ ’ਤੇ ਮੁੱਖ ਤੌਰ ’ਤੇ ਇਸਲਾਮੀ ਹਥਿਆਰਬੰਦ ਸਮੂਹ ਬੋਕੋ ਹਰਮ ਦਾ ਦਬਦਬਾ ਹੈ।-ਰਾਇਟਰਜ਼