ਅਧਿਆਪਕ ਦੀ ਲਾਸ਼ ਮਿਲੀ

ਸਤਪਾਲ ਰਾਮਗੜ੍ਹੀਆ ਪਿਹੋਵਾ, 13 ਜੁਲਾਈ ਇੱਥੇ ਅੰਮ੍ਰਿਤਸਰੀ ਫਾਰਮ ਵਿੱਚ ਕਿਰਾਏ ਦੇ ਮਕਾਨ ਵਿੱਚੋਂ ਇੱਕ ਅਧਿਆਪਕ ਦੀ ਲਾਸ਼ ਲਟਕਦੀ ਮਿਲੀ। ਮ੍ਰਿਤਕ ਦੀ ਪਛਾਣ ਅਸ਼ਰਫ (45) ਵਜੋਂ ਹੋਈ ਹੈ। ਉਹ ਕੈਥਲ ਦੇ ਜੰਡੋਲਾ ਪਿੰਡ ਦੇ ਪ੍ਰਾਇਮਰੀ ਸਰਕਾਰੀ ਸਕੂਲ ਵਿੱਚ ਅਧਿਆਪਕ ਸੀ। ਅਸ਼ਰਫ...

Gopal Chand

05:11 AM Jul 14, 2025 IST

ਸਤਪਾਲ ਰਾਮਗੜ੍ਹੀਆ

ਪਿਹੋਵਾ, 13 ਜੁਲਾਈ

ਇੱਥੇ ਅੰਮ੍ਰਿਤਸਰੀ ਫਾਰਮ ਵਿੱਚ ਕਿਰਾਏ ਦੇ ਮਕਾਨ ਵਿੱਚੋਂ ਇੱਕ ਅਧਿਆਪਕ ਦੀ ਲਾਸ਼ ਲਟਕਦੀ ਮਿਲੀ। ਮ੍ਰਿਤਕ ਦੀ ਪਛਾਣ ਅਸ਼ਰਫ (45) ਵਜੋਂ ਹੋਈ ਹੈ। ਉਹ ਕੈਥਲ ਦੇ ਜੰਡੋਲਾ ਪਿੰਡ ਦੇ ਪ੍ਰਾਇਮਰੀ ਸਰਕਾਰੀ ਸਕੂਲ ਵਿੱਚ ਅਧਿਆਪਕ ਸੀ। ਅਸ਼ਰਫ ਆਪਣੇ ਪਰਿਵਾਰ ਨਾਲ ਪਿਹੋਵਾ ਦੇ ਅੰਮ੍ਰਿਤਸਰੀ ਫਾਰਮ ਵਿੱਚ ਕਿਰਾਏ ਦੇ ਮਕਾਨ ਵਿੱਚ 3 ਸਾਲਾਂ ਤੋਂ ਰਹਿ ਰਿਹਾ ਸੀ। ਉਸ ਦਾ ਘਰ ਬੰਦ ਸੀ।

ਕੱਲ੍ਹ ਰਾਤ ਉਸ ਦੀ ਪਤਨੀ ਨੇ ਆਪਣੇ ਗੁਆਂਢੀ ਨੂੰ ਫੋਨ ਕੀਤਾ ਅਤੇ ਸਥਿਤੀ ਜਾਨਣ ਲਈ ਕਿਹਾ। ਜੂਨ ਵਿੱਚ ਗਰਮੀਆਂ ਦੀਆਂ ਛੁੱਟੀਆਂ ਦੌਰਾਨ ਪੂਰਾ ਪਰਿਵਾਰ ਘਰ ਬੰਦ ਕਰਕੇ ਆਪਣੇ ਪਿੰਡ ਚਲਾ ਗਿਆ ਸੀ। ਛੁੱਟੀਆਂ ਖਤਮ ਹੋਣ ਤੋਂ ਬਾਅਦ ਅਸ਼ਰਫ ਡਿਊਟੀ ਕਾਰਨ ਵਾਪਸ ਪਿਹੋਵਾ ਆਇਆ, ਪਰ ਉਸ ਦਾ ਪਰਿਵਾਰ ਵਾਪਸ ਨਹੀਂ ਆਇਆ। ਜਾਂਚ ਅਧਿਕਾਰੀ ਦਵਿੰਦਰ ਸਿੰਘ ਨੇ ਕਿਹਾ ਕਿ ਪਰਿਵਾਰਕ ਮੈਂਬਰਾਂ ਦੇ ਬਿਆਨ ਦੇ ਆਧਾਰ ’ਤੇ ਕਾਰਵਾਈ ਕੀਤੀ ਗਈ ਹੈ।