ਸਲੈਬ ਟੁੱਟਣ ਕਾਰਨ ਬਜ਼ੁਰਗ ਦੀ ਮੌਤ

ਪੱਤਰ ਪ੍ਰੇਰਕ

ਫਰੀਦਾਬਾਦ, 24 ਜੂਨ

ਗ੍ਰੇਟਰ ਫਰੀਦਾਬਾਦ ਵਿੱਚ ਸਵਾਨਾ ਸੁਸਾਇਟੀ ਦੀ 14ਵੀਂ ਮੰਜ਼ਿਲ ਤੋਂ ਡਿੱਗਣ ਨਾਲ ਸੇਵਾਮੁਕਤ ਬੈਂਕ ਮੈਨੇਜਰ ਦੀ ਮੌਤ ਹੋ ਗਈ। ਇਹ ਹਾਦਸਾ ਉਸ ਸਮੇਂ ਵਾਪਰਿਆ ਜਦੋਂ ਬਜ਼ੁਰਗ ਸਕਾਈਵਾਕ ਦੇ ਕਿਨਾਰੇ ਰੱਖੇ ਗਮਲਿਆਂ ਵਿੱਚ ਪਾਣੀ ਪਾਉਣ ਜਾ ਰਿਹਾ ਸੀ। ਉਸੇ ਸਮੇਂ, ਸਲੈਬ ਹੇਠਾਂ ਤੋਂ ਟੁੱਟ ਗਈ। ਪੁਲੀਸ ਅਨੁਸਾਰ ਰਿਸ਼ਤੇਦਾਰਾਂ ਵੱਲੋਂ ਅਜੇ ਤੱਕ ਕੋਈ ਸ਼ਿਕਾਇਤ ਨਹੀਂ ਮਿਲੀ ਹੈ। ਐੱਸਬੀਆਈ ਬੈਂਕ ਤੋਂ ਸੇਵਾਮੁਕਤ ਕੁਲਵੰਤ ਸਿੰਘ, ਸੈਕਟਰ-86 ਦੀ ਸਵਾਨਾ ਸੁਸਾਇਟੀ ਦੇ ਟੀ-8 ਟਾਵਰ ਵਿੱਚ ਫਲੈਟ ਨੰਬਰ 1407 ਵਿੱਚ ਰਹਿੰਦਾ ਸੀ। ਕੁਲਵੰਤ ਦਾ ਪੁੱਤਰ ਹਰਸ਼ ਅਤੇ ਪਤਨੀ ਆਸ਼ਾ ਵੀ ਉਸ ਦੇ ਨਾਲ ਰਹਿੰਦੇ ਹਨ। ਉਸ ਦੇ ਰਿਸ਼ਤੇਦਾਰ ਸੁਨੀਲ ਕਪੂਰ ਅਨੁਸਾਰ, ਕੁਲਵੰਤ ਸਿੰਘ ਨੇ ਖੇਤੀਬਾੜੀ ਵਿੱਚ ਡਿਪਲੋਮਾ ਕੀਤਾ ਸੀ। ਇਸੇ ਲਈ ਉਸ ਨੂੰ ਪੌਦਿਆਂ ਦਾ ਸ਼ੌਕ ਸੀ। ਉਹ ਹਰ ਰੋਜ਼ ਸਕਾਈਵਾਕ ਵਿੱਚ ਰੱਖੇ ਛੋਟੇ ਗਮਲਿਆਂ ਨੂੰ ਪਾਣੀ ਦਿੰਦਾ ਸੀ। ਸਵੇਰੇ ਵੀ 8 ਵਜੇ, ਉਹ ਪੌਦਿਆਂ ਨੂੰ ਪਾਣੀ ਦੇਣ ਲਈ ਟੀ-8 ਟਾਵਰ ਤੋਂ ਟੀ-7 ਗਿਆ।