ਏਸ਼ੀਆ ਕੱਪ : ਭਾਰਤ ਬਨਾਮ ਸ੍ਰੀਲੰਕਾ; ਭਾਰਤ ਨੇ ਸ੍ਰੀਲੰਕਾ ਨੂੰ ਦਿੱਤਾ 203 ਦੌੜਾਂ ਦਾ ਟੀਚਾ

ASIA CUP: ਆਖਰੀ ਸੁਪਰ -4 ਮੈਚ ਭਾਰਤ ਅਤੇ ਸ੍ਰੀਲੰਕਾ ਵਿਚਕਾਰ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਖੇਡਿਆ ਜਾ ਰਿਹਾ

PTI

ਦੁਬਈ, 08:01 PM Sep 26, 2025 IST

ਦੁਬਈ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿਖੇ ਖੇਡਿਆ ਜਾ ਰਿਹਾ ਏਸ਼ੀਆ ਕੱਪ। ਫੋਟੋ: ਪੀਟੀਆਈ

ASIA CUP:ਭਾਰਤ ਨੇ ਏਸ਼ੀਆ ਕੱਪ 2025 ਦੇ ਆਖਰੀ ਸੁਪਰ ਫੋਰ ਮੈਚ ਵਿੱਚ ਸ੍ਰੀਲੰਕਾ ਲਈ 203 ਦੌੜਾਂ ਦਾ ਟੀਚਾ ਰੱਖਿਆ ਹੈ। ਜਵਾਬ ਵਿੱਚ ਸ਼੍ਰੀਲੰਕਾ ਨੇ ਪਹਿਲੇ ਓਵਰ ਵਿੱਚ ਇੱਕ ਵਿਕਟ ਗੁਆ ਦਿੱਤੀ। ਕੁਸਲ ਮੈਂਡਿਸ ਪਹਿਲੀ ਗੇਂਦ 'ਤੇ ਆਊਟ ਹੋ ਗਏ। ਹਾਰਦਿਕ ਨੇ ਉਨ੍ਹਾਂ ਨੂੰ ਪਵੇਲੀਅਨ ਵਾਪਸ ਭੇਜ ਦਿੱਤਾ।

ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ ਵਿੱਚ ਟਾਸ ਹਾਰ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਤੋਂ ਬਾਅਦ, ਭਾਰਤੀ ਟੀਮ ਨੇ 20 ਓਵਰਾਂ ਵਿੱਚ 5 ਵਿਕਟਾਂ ’ਤੇ 202 ਦੌੜਾਂ ਬਣਾਈਆਂ। ਇਹ ਪਹਿਲੀ ਵਾਰ ਹੈ ਜਦੋਂ ਮੌਜੂਦਾ ਏਸ਼ੀਆ ਕੱਪ ਵਿੱਚ 200 ਤੋਂ ਵੱਧ ਦੌੜਾਂ ਦਾ ਸਕੋਰ ਬਣਾਇਆ ਗਿਆ ਹੈ।

ਭਾਰਤੀ ਸਲਾਮੀ ਬੱਲੇਬਾਜ਼ ਅਭਿਸ਼ੇਕ ਸ਼ਰਮਾ ਨੇ 31 ਗੇਂਦਾਂ ’ਤੇ 61 ਦੌੜਾਂ ਬਣਾਈਆਂ। ਤਿਲਕ ਵਰਮਾ ਨੇ 49 ਦੌੜਾਂ ਦੀ ਅਜੇਤੂ ਪਾਰੀ ਖੇਡੀ। ਸੰਜੂ ਸੈਮਸਨ ਨੇ 39 ਦੌੜਾਂ ਬਣਾਈਆਂ ਅਤੇ ਅਕਸ਼ਰ ਪਟੇਲ ਨੇ ਅਜੇਤੂ 21 ਦੌੜਾਂ ਬਣਾਈਆਂ।

ਸ੍ਰੀਲੰਕਾ ਦੇ ਪੰਜ ਗੇਂਦਬਾਜ਼ਾਂ ਨੇ ਇੱਕ-ਇੱਕ ਵਿਕਟ ਲਈ। ਇਨ੍ਹਾਂ ਵਿੱਚ ਮਹੇਸ਼ ਤਿਕਸ਼ਾਨਾ, ਦੁਸ਼ਮੰਥਾ ਚਮੀਰਾ, ਵਾਨਿੰਦੂ ਹਸਰੰਗਾ, ਦਾਸੁਨ ਸ਼ਨਾਕਾ ਅਤੇ ਚਰਿਥ ਅਸਾਲੰਕਾ ਸ਼ਾਮਲ ਸਨ।

India end with the highest total of the tournament so far, with 2️⃣0️⃣2️⃣ on the board.
Will 🇮🇳 bowlers display their might or will 🇱🇰 flex their muscles to hunt down the target?#INDvSL #DPWorldAsiaCup2025 #ACC pic.twitter.com/CUArRIvjYg
— AsianCricketCouncil (@ACCMedia1) September 26, 2025

ਭਾਰਤ ਲਗਾਤਾਰ ਦੋ ਮੈਚ ਜਿੱਤਣ ਤੋਂ ਬਾਅਦ ਪਹਿਲਾਂ ਹੀ ਫਾਈਨਲ ਲਈ ਕੁਆਲੀਫਾਈ ਕਰ ਚੁੱਕਾ ਹੈ। ਇਸ ਦੌਰਾਨ, ਸ੍ਰੀਲੰਕਾ ਲਗਾਤਾਰ ਦੋ ਮੈਚ ਹਾਰਨ ਤੋਂ ਬਾਅਦ ਦੌੜ ਤੋਂ ਬਾਹਰ ਹੋ ਗਿਆ ਹੈ।

Tags :