ਐਸ਼ਵਰੇ ਨੇ ਏਸ਼ੀਅਨ ਸ਼ੂਟਿੰਗ ਚੈਂਪੀਅਨਸ਼ਿਪ ਵਿੱਚ ਸੋਨ ਤਗਮਾ ਜਿੱਤਿਆ
ਭਾਰਤੀ ਨਿਸ਼ਾਨੇਬਾਜ਼ ਐਸ਼ਵਰੇ ਪ੍ਰਤਾਪ ਸਿੰਘ ਤੋਮਰ (Aishwary Pratap Singh Tomar) ਨੇ ਏਸ਼ੀਅਨ ਸ਼ੂਟਿੰਗ ਚੈਂਪੀਅਨਸ਼ਿਪ ਵਿੱਚ ਪੁਰਸ਼ਾਂ ਦੀ 50 ਮੀਟਰ ਰਾਈਫਲ 3 ਪੁਜੀਸ਼ਨ ਮੁਕਾਬਲੇ ਵਿੱਚ ਸੋਨ ਤਗਮਾ ਜਿੱਤਿਆ।
ਜੂਨੀਅਰ ਪੁਰਸ਼ਾਂ ਦੇ 3P ਮੁਕਾਬਲੇ ਵਿੱਚ ਐਸ਼ਵਰੇ ਨੇ 462.5 ਦਾ ਸਕੋਰ ਕਰਕੇ ਸਿਖਰ ’ਤੇ ਰਿਹਾ। ਚੀਨ ਦੇ ਵੇਨਯੂ ਝਾਓ (Wenyu Zhao) ਨੇ 462 ਅੰਕਾਂ ਨਾਲ ਚਾਂਦੀ ਦਾ ਤਗਮਾ ਜਿੱਤਿਆ, ਜਦੋਂ ਕਿ ਜਾਪਾਨ ਦੇ ਨਾਓਆ ਓਕਾਡਾ (Naoya Okada) ਨੇ 445.8 ਦੇ ਸਕੋਰ ਨਾਲ ਕਾਂਸੀ ਦਾ ਤਗਮਾ ਜਿੱਤਿਆ। ਐਡਰੀਅਨ ਕਰਮਾਕਰ (Adriyan Karmakar) ਨੇ ਫਾਈਨਲ ਵਿੱਚ 463.8 ਦੇ ਏਸ਼ੀਅਨ ਜੂਨੀਅਰ ਰਿਕਾਰਡ ਨਾਲ ਸੋਨ ਤਗਮਾ ਜਿੱਤਿਆ।
24 ਸਾਲਾ ਓਲੰਪੀਅਨ ਨੇ ਗੋਡੇ ਟੇਕਣ ਦੀ ਸਥਿਤੀ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹਾਲਾਂਕਿ ਉਹ ਪ੍ਰੋਨ ਵਿੱਚ ਇਸਨੂੰ ਦੁਹਰਾ ਨਹੀਂ ਸਕਿਆ। ਐਸ਼ਵਰੇ ਨੇ ਸਟੈਂਡਿੰਗ ਰਾਊਂਡ ਵਿੱਚ ਕਾਫ਼ੀ ਚੰਗਾ ਪ੍ਰਦਰਸ਼ਨ ਕੀਤਾ ਅਤੇ ਮੁਕਾਬਲੇ ਦੇ ਆਖਰੀ ਪੜਾਅ ਵਿੱਚ 1.5 ਅੰਕਾਂ ਤੋਂ ਵੱਧ ਦੀ ਬੜ੍ਹਤ ਨਾਲ ਪ੍ਰਵੇਸ਼ ਕਰਕੇ ਜੇਤੂ ਬਣ ਗਿਆ।
ਇਸ ਮੁਕਾਬਲੇ ਵਿੱਚ ਸ਼ਾਮਲ ਹੋਰ ਭਾਰਤੀ ਨਿਸ਼ਾਨੇਬਾਜ਼ ਚੈਨ ਸਿੰਘ (Chain Singh) ਚੌਥੇ ਸਥਾਨ ’ਤੇ ਰਹੇ, ਜਦੋਂ ਕਿ ਅਖਿਲ ਸ਼ਿਓਰਾਨ (Akhil Sheoran) ਫਾਈਨਲ ਵਿੱਚ ਪੰਜਵੇਂ ਸਥਾਨ ’ਤੇ ਰਹੇ। ਐਸ਼ਵਰੇ ਕੁਆਲੀਫੀਕੇਸ਼ਨ ਵਿੱਚ ਕੁੱਲ 584 ਅੰਕਾਂ ਨਾਲ ਤੀਜੇ ਸਥਾਨ ’ਤੇ ਰਹੇ।
ਇਸ ਤੋਂ ਪਹਿਲਾਂ ਐਸ਼ਵਰੇ, ਚੈਨ ਸਿੰਘ (Chain Singh) ਅਤੇ ਸ਼ਿਓਰਾਨ (Sheoran) ਦੀ ਭਾਰਤੀ ਤਿੱਕੜੀ ਨੇ 50 ਮੀਟਰ ਰਾਈਫਲ 3 ਪੁਜੀਸ਼ਨ ਟੀਮ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗਮਾ ਜਿੱਤਿਆ।
ਇਹ ਐਸ਼ਵਰੇ ਦਾ ਇਸੇ ਈਵੈਂਟ ਵਿੱਚ ਦੂਜਾ ਏਸ਼ੀਅਨ ਖਿਤਾਬ ਸੀ। ਜਿਸਨੇ 2023 ਵਿੱਚ ਵੀ ਸੋਨ ਤਮਗਾ ਜਿੱਤਿਆ ਸੀ। ਹਾਲਾਂਕਿ ਉਸਨੂੰ ਜਕਾਰਤਾ ਵਿੱਚ 2024 ਦੇ ਐਡੀਸ਼ਨ ਵਿੱਚ ਸ਼ੀਓਰਨ ਤੋਂ ਹਾਰਨ ਤੋਂ ਬਾਅਦ ਚਾਂਦੀ ਦੇ ਤਗਮੇ ਨਾਲ ਸਬਰ ਕਰਨਾ ਪਿਆ।
ਚੈਂਪੀਅਨਸ਼ਿਪ ਦੇ ਕਾਂਸੀ ਤਗਮਾ ਜੇਤੂ ਸ਼ੀਓਰਨ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 581 ਅੰਕਾਂ ਨਾਲ ਸੱਤਵਾਂ ਕੁਆਲੀਫਾਇੰਗ ਸਥਾਨ ਹਾਸਲ ਕੀਤਾ। ਚੀਨ ਨੇ ਆਪਣੇ ਤਿੰਨੋਂ ਨਿਸ਼ਾਨੇਬਾਜ਼ਾਂ ਨੂੰ ਵੀ ਕੁਆਲੀਫਾਈ ਕੀਤਾ ਬਾਕੀ ਦੋ ਸਥਾਨ ਕ੍ਰਮਵਾਰ ਜਾਪਾਨ ਅਤੇ ਕੋਰੀਆ ਗਏ।-ਪੀਟੀਆਈ
