Canada News: ਕੈਨੇਡਾ ਦੀ ਪੀਲ ਪੁਲੀਸ ਵੱਲੋਂ ਪੁਲੀਸ ਅਧਿਕਾਰੀ ਨੂੰ 'ਕਲੀਨ ਚਿੱਟ'
ਬਰੈਂਪਟਨ, 15 ਨਵੰਬਰ
Canada News: ਪੀਲ ਰੀਜਨਲ ਪੁਲੀਸ ਨੇ 3 ਨਵੰਬਰ ਨੂੰ ਬਰੈਂਪਟਨ ਦੇ ਦ ਗੋਰ ਰੋਡ ’ਤੇ ਹਿੰਦੂ ਸਭਾ ਮੰਦਰ ਵਿਖੇ ਇੱਕ ਵਿਰੋਧ ਪ੍ਰਦਰਸ਼ਨ ਦੌਰਾਨ ਹੋਈ ਇੱਕ ਉਲੰਘਣਾ ਦੀ ਸ਼ਿਕਾਇਤ ਦਾ ਜਵਾਬ ਦਿੱਤਾ ਦਿੱਤਾ ਹੈ। ਇੱਕ ਅਧਿਕਾਰਤ ਪ੍ਰੈਸ ਰਿਲੀਜ਼ ਦੇ ਅਨੁਸਾਰ ਅਧਿਕਾਰੀਆਂ ਨੇ ਸਥਿਤੀ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ, ਪਰ ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀ ਇੱਕ ਵੀਡੀਓ ਵਿੱਚ ਇੱਕ ਅਧਿਕਾਰੀ ਅਤੇ ਇੱਕ ਪ੍ਰਦਰਸ਼ਨਕਾਰੀ ਵਿਚਕਾਰ ਝਗੜਾ ਸਾਹਮਣੇ ਆਇਆ ਸੀ। ਫੁਟੇਜ ਨੇ ਕਮਿਊਨਿਟੀ ਵਿੱਚ ਚਿੰਤਾ ਪੈਦਾ ਕਰ ਦਿੱਤੀ, ਜਿਸ ਨਾਲ ਪੀਲ ਰੀਜਨਲ ਪੁਲਿਸ ਨੇ ਘਟਨਾ ਦੀ ਸਮੀਖਿਆ ਕੀਤੀ।
ਇਸ ਬਾਰੇ ‘ਐਕਸ’ ’ਤੇ ਇੱਕ ਪੋਸਟ ਵਿੱਚ ਪੀਲ ਰੀਜਨਲ ਪੁਲੀਸ ਟਾਈਲਰ ਬੈੱਲ ਮੋਰੇਨਾ ਕ੍ਰਾਈਮ ਸਪਰੈਸ਼ਨ ਟੀਮ ਨੇ ਆਨਲਾਈਨ ਜਨਤਾ ਨਾਲ ਪ੍ਰੈਸ ਰਿਲੀਜ਼ ਸਾਂਝੀ ਕੀਤੀ।
Interaction with Officer During Brampton Protest
Read More: https://t.co/pRtjSrV19Q#PRPVNR pic.twitter.com/Gb9Zkh6VPC
— Peel Regional Police (@PeelPolice) November 14, 2024
"ਪੀਲ ਰੀਜਨਲ ਪੁਲੀਸ ਨੇ ਕਿਹਾ ਕਿ ਅਸੀਂ ਅਧਿਕਾਰੀ ਦੇ ਵਿਹਾਰ ਬਾਰੇ ਸਾਰੀਆਂ ਸ਼ਿਕਾਇਤਾਂ ਨੂੰ ਗੰਭੀਰਤਾ ਲੈਂਦਿਆਂ ਘਟਨਾ ਦੀ ਸਮੀਖਿਆ ਕੀਤੀ ਹੈ। ਇੱਕ ਜਾਂਚ ਤੋਂ ਬਾਅਦ, ਇਹ ਨਿਰਧਾਰਤ ਕੀਤਾ ਗਿਆ ਸੀ ਕਿ ਸ਼ਾਮਲ ਅਧਿਕਾਰੀ ਇੱਕ ਵਿਅਕਤੀ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਜਿਸ ਨੇ ਆਪਣਾ ਹਥਿਆਰ ਸਮਰਪਣ ਕਰਨ ਤੋਂ ਇਨਕਾਰ ਕਰ ਦਿੱਤਾ ਸੀ ।
ਪੁਲੀਸ ਨੇ ਸਪੱਸ਼ਟ ਕੀਤਾ ਕਿ ਅਧਿਕਾਰੀ ਨੇ ਆਪਣੇ ਫਰਜ਼ਾਂ ਲਈ ਕਾਨੂੰਨੀ ਪ੍ਰਕਿਰਿਆ ਦੇ ਅੰਦਰ ਕੰਮ ਕੀਤਾ। ਉਨ੍ਹਾਂ ਹੋਰ ਪਾਰਦਰਸ਼ਤਾ ਪ੍ਰਦਾਨ ਕਰਨ ਲਈ ਅਧਿਕਾਰੀ ਤੋਂ ਸਰੀਰ ਨਾਲ ਜੁੜੇ ਕੈਮਰੇ (body camera) ਦੀ ਫੁਟੇਜ ਜਾਰੀ ਕੀਤੀ ਹੈ। ਏਐੱਨਆਈ
