ਭਰੋਸੇਯੋਗ ਏਆਈ ਐਪਸ ਦੀ ਵਰਤੋਂ ਕੀਤੀ ਜਾਵੇ: ਪੁਲੀਸ
ਪਣਜੀ, 2 ਅਪ੍ਰੈਲ
ਮੌਜੂਦਾ ਸਮੇਂ ਵਿੱਚ ਏਆਈ ਐਪਲੀਕੇਸ਼ਨਾਂ ਦੀ ਵਧ ਰਹੀ ਵਰਤੋ ਦੇ ਚਲਦਿਆਂ ਪੁਲੀਸ ਨੇ ਸੋਸ਼ਲ ਮੀਡੀਆ ਉਪਭੋਗਤਾਵਾਂ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਐਪਸ ਰਾਹੀਂ ਗਿਬਲੀ (ਕਾਰਟੂਨ ਤਸਵੀਰਾਂ) ਤਿਆਰ ਕਰਨ ਲਈ ਨਿਜੀ ਤਸਵੀਰਾਂ ਅਪਲੋਡ ਕਰਨ ਤੋਂ ਪਹਿਲਾਂ ਨਿੱਜਤਾ ਦੇ ਜੋਖਮ 'ਤੇ ਵਿਚਾਰ ਕਰਨ। ਐਕਸ ਪੋਸਟ ਵਿਚ ਸੂਬਾਈ ਪੁਲੀਸ ਨੇ ਕਿਹਾ ਕਿ, "ਏਆਈ-ਜਨਰੇਟਿਡ ਗਿਬਲੀ ਰੁਝਾਨ ਵਿੱਚ ਸ਼ਾਮਲ ਹੋਣਾ ਮਜ਼ੇਦਾਰ ਹੈ, ਪਰ ਸਾਰੀਆਂ ਏਆਈ ਐਪਸ ਤੁਹਾਡੀ ਨਿੱਜਤਾ ਦੀ ਰੱਖਿਆ ਨਹੀਂ ਕਰਦੀਆਂ। ਕਿਸੇ ਵੀ ਐਪ ’ਤੇ ਪਰ ਨਿੱਜੀ ਫੋਟੋਆਂ ਅਪਲੋਡ ਕਰਨ ਤੋਂ ਪਹਿਲਾਂ ਹਮੇਸ਼ਾ ਸੋਚੋ ਅਤੇ ਸਿਰਫ਼ ਭਰੋਸੇਯੋਗ ਏਆਈ ਐਪਸ ਦੀ ਵਰਤੋਂ ਕਰੋ।’’
Joining the AI-generated Ghibli trend is fun, but not all AI apps protect your privacy!
Ghibli art is loved for its dreamy charm, but always think before uploading personal photos and use only trusted AI Apps to generate one.
Report cybercrime at 📞1930 or… pic.twitter.com/Z6QLUwUzs1
— Goa Police (@Goa_Police) April 1, 2025
ਪੋਸਟ ਵਿੱਚ ਸਾਈਬਰ ਕ੍ਰਾਈਮ ਦੀ ਰਿਪੋਰਟ ਕਰਨ ਲਈ ਫ਼ੋਨ ਨੰਬਰ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਓਪਨਏਆਈ ਨੇ ਪਿਛਲੇ ਹਫ਼ਤੇ ਚੈਟਜੀਪੀਟੀ ਦੇ ਗਿਬਲੀ-ਸ਼ੈਲੀ ਦੇ ਏਆਈ ਚਿੱਤਰ ਜਨਰੇਟਰ ਨੂੰ ਲਾਂਚ ਕੀਤਾ ਸੀ। ਉਦੋਂ ਤੋਂ ਸੋਸ਼ਲ ਮੀਡੀਆ ਗਿਬਲੀ ਦੇ ਦੰਤਕਥਾ ਹਯਾਓ ਮਿਆਜ਼ਾਕੀ ਦੀ ਸ਼ੈਲੀ ਵਿੱਚ ਏਆਈ-ਜਨਰੇਟਿਡ ਪੋਰਟਰੇਟ ਨਾਲ ਭਰ ਗਿਆ ਹੈ। -ਪੀਟੀਆਈ
