Trump-Putin Meeting: ਅਗਲੇ ਹਫ਼ਤੇ ਹੋ ਸਕਦੀ ਹੈ ਟਰੰਪ ਤੇ ਪੂਤਿਨ ਦੀ ਮੁਲਾਕਾਤ

ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੂਤਿਨ (Russian President Vladimir Putin) ਨੇ ਵੀਰਵਾਰ ਨੂੰ ਕਿਹਾ ਕਿ ਅਮਰੀਕੀ ਸਦਰ ਡੋਨਲਡ ਟਰੰਪ (US President Donald Trump) ਨਾਲ ਉਨ੍ਹਾਂ ਦੀ ਮੁਲਾਕਾਤ ਲਈ ਸੰਯੁਕਤ ਅਰਬ ਅਮੀਰਾਤ (United Arab Emirates - UAE) ਇੱਕ ਸੰਭਾਵਿਤ ਸਥਾਨ ਹੈ।

ਪੂਤਿਨ ਨੇ ਯੂਏਈ ਦੇ ਰਾਸ਼ਟਰਪਤੀ ਸ਼ੇਖ ਮੁਹੰਮਦ ਬਿਨ ਜ਼ਾਇਦ ਅਲ ਨਾਹਯਾਨ (Sheikh Mohammed bin Zayed Al Nahyan) ਨਾਲ ਮੁਲਾਕਾਤ ਤੋਂ ਬਾਅਦ ਕ੍ਰੇਮਲਿਨ ਵਿੱਚ ਇਹ ਐਲਾਨ ਕੀਤਾ।

ਇਸ ਤੋਂ ਪਹਿਲਾਂ ਕ੍ਰੇਮਲਿਨ ਦੇ ਇੱਕ ਅਧਿਕਾਰੀ ਨੇ ਕਿਹਾ ਸੀ ਕਿ ਟਰੰਪ ਤੇ ਪੂਤਿਨ ਦੀ ਮੁਲਾਕਾਤ ਅਗਲੇ ਹਫ਼ਤੇ ਦੇ ਸ਼ੁਰੂ ਵਿੱਚ ਹੋ ਸਕਦੀ ਹੈ, ਹਾਲਾਂਕਿ ਹਾਲੇ ਇਸ ਲਈ ਕੋਈ ਤਾਰੀਖ ਤੈਅ ਨਹੀਂ ਕੀਤੀ ਗਈ ਹੈ।

ਦੋਵੇਂ ਆਲਮੀ ਆਗੂਆਂ ਦੇ ਇਸ ਸਿਖਰ ਸੰਮੇਲਨ ਦਾ ਐਲਾਨ ਮਾਸਕੋ ਲਈ ਯੂਕਰੇਨ ਵਿੱਚ ਆਪਣੀ 3 ਸਾਲ ਪੁਰਾਣੀ ਜੰਗ ਨੂੰ ਖਤਮ ਕਰਨ ਵੱਲ ਪੇਸ਼ਕਦਮੀ ਦਿਖਾਉਣ ਲਈ ਵ੍ਹਾਈਟ ਹਾਊਸ ਵੱਲੋਂ ਦਿੱਤੀ ਮਿਆਦ ਤੋਂ ਐਨ ਪਹਿਲਾਂ ਆਇਆ ਹੈ।