ਪੀਜੀਆਈ ਵਿਚ ਹੜਤਾਲ, ਮਰੀਜ਼ ਬੇਹਾਲ
ਟ੍ਰਿਬਿਊਨ ਨਿਉਜ਼ ਸਰਵਿਸ
ਚੰਡੀਗੜ੍ਹ, 14 ਅਕਤੂਬਰ
ਪੀਜੀਆਈ ਵਿਚ ਪਿਛਲੇ ਚਾਰ ਦਿਨਾਂ ਤੋਂ ਜਾਰੀ ਲਗਾਤਾਰ ਹੜਤਾਲ ਕਾਰਨ ਮਰੀਜ਼ ਬਿਨਾਂ ਇਲਾਜ ਮੁੜ ਰਹੇ ਹਨ। ਮਰੀਜ਼ਾਂ ਦਾ ਕਹਿਣਾ ਹੈ ਕਿ ਹਸਪਤਾਲ ਪ੍ਰਸ਼ਾਸਨ ਅਤੇ ਕਰਮਚਾਰੀਆਂ ਵਿਚਲੇ ਮਾਮਲੇ ਵਿਚ ਉਹ ਪਿਸ ਰਹੇ ਹਨ। ਉਥੇ ਮੌਜੂਦ ਮਰੀਜ਼ਾਂ ਨੇ ਕਿਹਾ ਕਿ ਉਨ੍ਹਾਂ ਦਾ ਕੀ ਕਸੂਰ ਹੈ ਜੋ ਉਹਨ੍ਹਾਂ ਨੂੰ ਇਲਾਜ ਨਹੀਂ ਮਿਲ ਰਿਹਾ।
ਜ਼ਿਕਰਯੋਗ ਹੈ ਕਿ ਪੀਜੀਆਈ ਚੰਡੀਗੜ੍ਹ ਵਿਚ ਕਰੀਬ ਸੱਤ ਸੂਬਿਆਂ ਦੇ ਲੋਕ ਇਲਾਜ ਦੀ ਆਸ ਲੈ ਕੇ ਆਉਂਦੇ ਹਨ। ਪਰ ਇਥੇ ਚੱਲ ਰਹੀ ਹੜਤਾਲ ਕਾਰਨ ਇਲਾਜ ਲਈ ਆਏ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
#WATCH | Chandigarh | President of PGI Contractual Workers' Union, Rajesh Chauhan says, "This protest has been going on since October 10. The court ordered under Rule 25, in our favour to provide us with increased wages since November 2018. But we have not been provided with it… pic.twitter.com/uh7pjYNBPj
— ANI (@ANI) October 14, 2024
ਗੰਭੀਰ ਹਾਲਤ ਵਿੱਚ ਆਪਣੇ ਪਤੀ ਨੂੰ ਇਲਾਜ ਲਈ ਇਥੇ ਲੈ ਕੇ ਆਈ ਬਜ਼ੁਰਗ ਮਹਿਲਾ ਨੇ ਨਿਰਾਸ਼ ਸ਼ਬਦਾਂ ਵਿਚ ਕਿਹਾ ਕਿ ਉਹ ਇਥੇ ਇਲਾਜ ਦੀ ਉਮੀਦ ਲੈ ਕੇ ਆਏ ਸਨ, ਪਰ ਬਿਨ੍ਹਾਂ ਇਲਾਜ ਮੁੜ ਰਹੇ ਹਨ। ਮਹਿਲਾ ਨੇ ਕਿਹਾ ਕਿ ਉਸਨੂੰ ਸਮਝ ਨਹੀਂ ਆ ਰਿਹਾ ਉਹ ਹੁਣ ਕਿੱਥੇ ਜਾਵੇ।
#WATCH | Chandigarh | President of PGI Contractual Workers' Union, Rajesh Chauhan says, "This protest has been going on since October 10. The court ordered under Rule 25, in our favour to provide us with increased wages since November 2018. But we have not been provided with it… pic.twitter.com/uh7pjYNBPj
— ANI (@ANI) October 14, 2024
ਪੀਜੀਆਈ ਵਿਚ ਠੇਕੇ ’ਤੇ ਕੰਮ ਕਰਨ ਵਾਲੇ ਕਰੀਬ 1600 ਕਰਮਚਾਰੀ ਆਪਣੀਆਂ ਤਨਖ਼ਾਹਾਂ ਦੇ ਵਾਧੇ ਦੀ ਮੰਗ ਕਰਦਿਆਂ ਹੜਤਾਲ ’ਤੇ ਹਨ। ਜਾਣਾਕਰੀ ਅਨੁਸਾਰ ਪਹਿਲਾਂ ਹੜਤਾਲ ਅਟੈਂਡੇਟ ਯੂਨੀਅਨ ਵੱਲੋਂ ਕੀਤੀ ਗਈ ਸੀ ਪਰ ਬਾਅਦ ਵਿਚ ਸੈਨੀਟੇਸ਼ਟਨ, ਅਤੇ ਰਸੋਈ ਵਿਭਾਗ ਦੇ ਕਰਮਚਾਰੀ ਵੀ ਉਨ੍ਹਾਂ ਦੇ ਸਹਿਯੋਗ ਵਿਚ ਆ ਗਏ। ਜਿਸ ਕਾਰਨ ਪੀਜੀਆਈ ਵਿਚ ਸਫਾਈ ਅਤੇ ਮਰੀਜ਼ਾਂ ਦੀ ਦੇਖਭਾਲ ਵੱਡੇ ਪੱਧਰ ’ਤੇ ਪ੍ਰਭਾਵਿਤ ਹੋ ਰਹੀ ਹੈ। ਓਪੀਡੀ ਸੇਵਾਵਾਂ ਲੱਗਭੱਗ ਬੰਦ ਹੋ ਚੁੱਕੀਆਂ ਹਨ, ਜਿਸ ਕਾਰਨ ਮਰੀਜ਼ਾਂ ਦੀ ਰਜਿਸਟ੍ਰੇਸ਼ਨ ਨਹੀਂ ਹੋ ਰਹੀ।
