TikTok ਵੀਡੀਓ ਲਈ ਵਿਅਕਤੀ ਨੇ 3 ਮਹੀਨੇ ਦੇ ਬੱਚੇ ਨਾਲ ਗੱਡੀ ਤੋਂ ਬਰਫ਼ ਸਾਫ ਕੀਤੀ

ਪੰਜਾਬੀ ਟ੍ਰਿਬਿਊਨ ਵੈੱਬ ਡੈੱਸਕ

ਚੰਡੀਗੜ੍ਹ, 30 ਜਨਵਰੀ

ਟੈਕਸਸ ਦਾ ਇੱਕ 25 ਸਾਲਾ ਵਿਅਕਤੀ ਇੱਕ ਵਾਇਰਲ TikTok ਵੀਡੀਓ ਵਿੱਚ ਇੱਕ ਕਾਰ ਤੋਂ ਬਰਫ਼ ਸਾਫ ਕਰਨ ਲਈ ਇੱਕ ਤਿੰਨ ਮਹੀਨੇ ਦੇ ਬੱਚੇ ਦੀ ਵਰਤੋਂ ਕਰਦਾ ਨਜ਼ਰ ਆ ਰਿਹਾ ਹੈ। ਪੋਰਟ ਆਰਥਰ ਦੇ ਪੁਲੀਸ ਮੁਖੀ ਟਿਮ ਡੂਰੀਸੋ ਨੇ ਕੇਐਫਡੀਐਮ/ਫੌਕਸ 4 ਨਿਊਜ਼ ਨੂੰ ਪੁਸ਼ਟੀ ਕੀਤੀ ਕਿ ਵਿਭਾਗ ਇਸ ਵੀਡੀਓ ਦੀ ਜਾਂਚ ਕਰ ਰਿਹਾ ਹੈ ਜਿਸ ਵਿਚ ਇੱਕ ਬੱਚੇ ਨਾਲ ਕਾਰ ਦੀ ਵਿੰਡਸ਼ੀਲਡ ਤੋਂ ਬਰਫ਼ ਪੂੰਝਦੇ ਹੋਏ ਇਕ ਵਿਅਕਤੀ ਨਜ਼ਰ ਆ ਰਿਹਾ ਹੈ।

ਹੈਰਾਨ ਕਰਨ ਵਾਲੀ ਇਸ ਵੀਡੀਓ ਨੇ ਲੋਕਾਂ ਵਿਚ ਗੁੱਸਾ ਭਰਿਆ

ਵੀਡੀਓ ਨੂੰ ਦੇਖਣ ਵਾਲੇ ਬਹੁਤ ਸਾਰੇ ਲੋਕਾਂ ਦਾ ਕਹਿਣਾ ਹੈ ਕਿ ਉਹ ਮੰਨਦੇ ਹਨ ਕਿ ਇਹ ਇੱਕ ਗੁੱਡੀ ਹੈ ਅਤੇ ਵੀਡੀਓ ਵਿੱਚ ਅਸਲੀ ਬੱਚਾ ਨਹੀਂ ਹੈ, ਪਰ ਜੋ ਵੀ ਹੋਵੇ, ਇਹ ਚੰਗਾ ਨਹੀਂ ਸੀ। ਇਸ ਹਫਤੇ ਦੇ ਸ਼ੁਰੂ ਵਿਚ ਸਰਦੀਆਂ ਦੇ ਤੂਫਾਨ ਕਾਰਨ ਖੇਤਰ ਵਿੱਚ ਬਹੁਤ ਜ਼ਿਆਦਾ ਬਰਫ ਡਿੱਗਣ ਤੋਂ ਬਾਅਦ ਵੀਡੀਓ ਨੂੰ ਸ਼ੂਟ ਕੀਤਾ ਗਿਆ ਸੀ।

ਸੋਸ਼ਲ ਮੀਡੀਆ ’ਤੇ ਵਾਇਰਲ ਵੀਡੀਓ

TikTok ’ਤੇ ਸ਼ੇਅਰ ਕੀਤੀ ਗਈ ਵੀਡੀਓ ਵਿਚ ਵਿਅਕਤੀ ਨੇ ਬੱਚੇ ਨੂੰ ਦੋ ਹੱਥਾਂ ਨਾਲ ਫੜਿਆ ਹੋਇਆ ਹੈ ਤਾਂ ਜੋ ਹੁੰਡਈ ਐਲਾਂਟਰਾ ਦੇ ਸ਼ੀਸ਼ੇ ਤੋਂ ਬਰਫ਼ ਸਾਫ਼ ਕੀਤੀ ਜਾ ਸਕੇ। ਇਸ ਦੌਰਾਨ ਬੱਚੇ ਦੀ ਵਰਤੋਂ ਕਰਦੇ ਹੋਏ ਵਿਅਕਤੀ ਵੀਡੀਓ ਵਿੱਚ ਹੱਸਦਾ ਨਜ਼ਰ ਆ ਰਿਹਾ ਹੈ। ਇਹ ਵੀਡੀਓ ਹਿਊਸਟਨ ਤੋਂ ਕਰੀਬ 90 ਮੀਲ ਦੂਰ ਪੋਰਟ ਆਰਥਰ ਵਿੱਚ ਲਈ ਗਈ ਸੀ।

ਨਿਊਯਾਰਕ ਪੋਸਟ ਨੇ ਇੱਕ ਅਧਿਕਾਰੀ ਦੇ ਹਵਾਲੇ ਨਾਲ ਕਿਹਾ ਕਿ ਇਹ ਇੱਕ ਦੁਖਦਾਈ ਸਥਿਤੀ ਹੈ। ਮੈਂ ਜਾਣਦਾ ਹਾਂ ਕਿ ਬਹੁਤ ਸਾਰੇ ਲੋਕ ਸੋਸ਼ਲ ਮੀਡੀਆ 'ਤੇ ਜਾਂਦੇ ਹਨ ਅਤੇ ਉਹ ਕਲਿੱਕ ਅਤੇ ਵਿਉ ਦੀ ਤਲਾਸ਼ ਕਰਦੇ ਹਨ... ਪਰ ਇਹ ਕੋਈ ਸੌਦਾ ਨਹੀਂ ਹੈ ਜਿੱਥੇ ਤੁਹਾਨੂੰ ਬੱਚੇ ਨੂੰ ਸੀਸ਼ੇ ’ਤੇ ’ਤੇ ਰੱਖਣਾ ਚਾਹੀਦਾ ਹੈ।

ਅਧਿਕਾਰੀ ਨੇ ਕਿਹਾ ਕਿ ਜਦੋਂ ਵੀਡੀਓ ਸ਼ੂਟ ਕੀਤਾ ਜਾ ਰਿਹਾ ਸੀ ਤਾਂ ਦੋ ਔਰਤਾਂ ਆਦਮੀ ਦੇ ਨਾਲ ਸਨ ਉਨ੍ਹਾਂ ਨੇ ਕਿਹਾ ਕਿ ਉਹ ਮੰਨਦਾ ਹੈ ਕਿ ਉਨ੍ਹਾਂ ਵਿੱਚੋਂ ਇੱਕ ਬੱਚੇ ਦੀ ਮਾਂ ਸੀ।