Guillain-Barre Syndrome: ਪੁਣੇ ਡਰਾਈਵਰ ਦੀ GBS ਨਾਲ ਮੌਤ, 167 ਕੇਸ ਸਾਹਮਣੇ ਆਏ

ਪੁਣੇ, 11 ਫਰਵਰੀ

ਪੁਣੇ ਦੇ ਇੱਕ 37 ਸਾਲਾ ਡਰਾਈਵਰ, ਜੋ ਕਿ ਗਿਲੇਨ-ਬੈਰੇ ਸਿੰਡਰੋਮ (Guillain-Barre Syndrome) ਨਾਲ ਪੀੜਤ ਹੈ, ਦੀ ਪੁਣੇ ਦੇ ਇੱਕ ਹਸਪਤਾਲ ਵਿੱਚ ਮੌਤ ਹੋ ਗਈ ਹੈ। ਜਿਸ ਨਾਲ ਇੱਥੇ ਨਰਵ ਡਿਸਆਰਡਰ ਨਾਲ ਜੁੜੀਆਂ ਸ਼ੱਕੀ ਅਤੇ ਪੁਸ਼ਟੀ ਕੀਤੀਆਂ ਮੌਤਾਂ ਦੀ ਗਿਣਤੀ ਸੱਤ ਹੋ ਗਈ ਹੈ। ਇਸ ਤੋਂ ਇਲਾਵਾ ਅੱਠ ਹੋਰ ਸੰਕਰਮਣ ਦਰਜ ਕੀਤੇ ਜਾਣ ਤੋਂ ਬਾਅਦ ਸ਼ੱਕੀ ਜੀਬੀਐਸ (Guillain-Barre Syndrome) ਕੇਸਾਂ ਦੀ ਗਿਣਤੀ 192 ਹੋ ਗਈ ਹੈ।

ਅਧਿਕਾਰੀਆਂ ਅਨੁਸਾਰ ਪੁਸ਼ਟੀ ਕੀਤੇ ਕੇਸਾਂ ਦੀ ਗਿਣਤੀ 167 ਹੋ ਗਈ, ਜਦੋਂ ਕਿ 21 ਮਰੀਜ਼ ਵੈਂਟੀਲੇਟਰ ਸਪੋਰਟ ’ਤੇ ਸਨ। ਪੁਣੇ ਦੇ ਇੱਕ ਨਾਗਰਿਕ ਸਿਹਤ ਅਧਿਕਾਰੀ ਨੇ ਸੋਮਵਾਰ ਨੂੰ ਕਿਹਾ, "ਮ੍ਰਿਤਕ ਪੁਣੇ ਵਿੱਚ ਇੱਕ ਡਰਾਈਵਰ ਵਜੋਂ ਕੰਮ ਕਰਦਾ ਸੀ। ਉਸ ਨੂੰ ਸ਼ੁਰੂ ਵਿੱਚ ਸਰੀਰ ਦੇ ਅੰਗਾਂ ਵਿੱਚ ਕਮਜ਼ੋਰੀ ਦੀ ਸ਼ਿਕਾਇਤ ਤੋਂ ਬਾਅਦ ਸ਼ਹਿਰ ਦੇ ਇੱਕ ਹਸਪਤਾਲ ਵਿੱਚ ਲਿਆਂਦਾ ਗਿਆ ਸੀ।" ਅਧਿਕਾਰੀਆਂ ਨੇ ਦੱਸਿਆ ਕਿ ਡਰਾਈਵਰ ਦੇ ਕਰੀਬੀਆਂ ਨੇ ਉਸਨੂੰ ਪੁਣੇ ਦੇ ਹਸਪਤਾਲ ਵਿੱਚ ਦਾਖਲ ਨਹੀਂ ਕਰਵਾਇਆ ਅਤੇ ਇਸਦੀ ਬਜਾਏ 1 ਫਰਵਰੀ ਨੂੰ ਕਰਨਾਟਕ ਦੇ ਨਿਪਾਨੀ ਲੈ ਗਏ।

ਬਾਅਦ ਵਿੱਚ ਉਸਦੇ ਰਿਸ਼ਤੇਦਾਰਾਂ ਵੱਲੋਂ ਉਸਨੂੰ ਸਾਂਗਲੀ ਦੇ ਇੱਕ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਜਿੱਥੇ ਉਸਨੂੰ ਜੀਬੀਐਸ (Guillain-Barre Syndrome) ਦੇ ਇਲਾਜ ਲਈ IVIg (ਇੰਟਰਾਵੇਨਸ ਇਮਯੂਨੋਗਲੋਬੂਲਿਨ) ਟੀਕੇ ਲਗਾਏ ਗਏ। ਅਧਿਕਾਰੀਆਂ ਅਨੁਸਾਰ, "5 ਫਰਵਰੀ ਨੂੰ ਮਰੀਜ਼ ਦੇ ਰਿਸ਼ਤੇਦਾਰਾਂ ਨੇ ਡਾਕਟਰੀ ਸਲਾਹ ਦੇ ਵਿਰੁੱਧ (ਸਾਂਗਲੀ ਤੋਂ) ਛੁੱਟੀ ਲੈ ਲਈ ਅਤੇ ਉਸੇ ਦਿਨ ਉਸਨੂੰ ਪੁਣੇ ਨਗਰ ਨਿਗਮ ਦੁਆਰਾ ਸੰਚਾਲਿਤ ਕਮਲਾ ਨਹਿਰੂ ਹਸਪਤਾਲ ਦੇ ਇੰਟੈਂਸਿਵ ਕੇਅਰ ਯੂਨਿਟ (ਆਈਸੀਯੂ) ਵਿੱਚ ਦਾਖਲ ਕਰਵਾਇਆ।

ਅਧਿਕਾਰੀਆਂ ਅਨੁਸਾਰ 192 ਸ਼ੱਕੀ ਮਾਮਲਿਆਂ ਵਿੱਚੋਂ 167 ਮਰੀਜ਼ਾਂ ਨੂੰ ਜੀਬੀਐਸ 192 ਕੇਸਾਂ ਵਿੱਚੋਂ 39 ਮਰੀਜ਼ ਪੁਣੇ ਮਿਉਂਸਪਲ ਕਾਰਪੋਰੇਸ਼ਨ ਖੇਤਰ ਦੇ 91 ਸਿਵਲ ਖੇਤਰ ਵਿੱਚ ਨਵੇਂ ਸ਼ਾਮਲ ਕੀਤੇ ਗਏ। ਪਿੰਡਾਂ ਤੋਂ 29 ਪਿੰਪਰੀ ਚਿੰਚਵਾੜ ਨਗਰ ਨਿਗਮ ਦੇ, 25 ਪੁਣੇ ਪੇਂਡੂ ਖੇਤਰ ਦੇ ਅਤੇ ਅੱਠ ਹੋਰ ਜ਼ਿਲ੍ਹਿਆਂ ਦੇ ਸਨ। ਰਾਜ ਦੇ ਸਿਹਤ ਵਿਭਾਗ ਵੱਲੋਂ ਜਾਰੀ ਬਿਆਨ ਅਨੁਸਾਰ ਇਨ੍ਹਾਂ ਮਾਮਲਿਆਂ ਵਿੱਚੋਂ 91 ਮਰੀਜ਼ਾਂ ਨੂੰ ਛੁੱਟੀ ਦੇ ਦਿੱਤੀ ਗਈ ਹੈ, 48 ਆਈਸੀਯੂ ਵਿੱਚ ਸਨ ਅਤੇ 21 ਵੈਂਟੀਲੇਟਰ ’ਤੇ ਸਨ। -ਪੀਟੀਆਈ