Delhi Assembly Budget Session: ਦਿੱਲੀ ਬਜਟ ਸੈਸ਼ਨ: 'ਖੀਰ' ਸਮਾਰੋਹ ਨਾਲ ਸ਼ੁਰੂ ਹੋਇਆ ਸੈਸ਼ਨ; ਭਾਜਪਾ ਆਗੂਆਂ ਨੇ ਕਿਹਾ ‘ਮਿੱਠਾ ਤਰੱਕੀ ਦਾ ਪ੍ਰਤੀਕ’
ਨਵੀਂ ਦਿੱਲੀ, 24 ਮਾਰਚ
Delhi Assembly Budget Session: ਦਿੱਲੀ ਵਿਧਾਨ ਸਭਾ ਦਾ ਪੰਜ ਦਿਨਾਂ ਬਜਟ ਸੈਸ਼ਨ ਸੋਮਵਾਰ ਨੂੰ 'ਖੀਰ' ਸਮਾਰੋਹ ਨਾਲ ਸ਼ੁਰੂ ਹੋਇਆ। ਇਸ ਮੌਕੇ ਭਾਜਪਾ ਆਗੂਆਂ ਨੇ ਕਿਹਾ ਕਿ 'ਮਿੱਠਾ ਤਰੱਕੀ ਦਾ ਪ੍ਰਤੀਕ ਹੈ'। ਮੁੱਖ ਮੰਤਰੀ ਰੇਖਾ ਗੁਪਤਾ, ਜਿਨ੍ਹਾਂ ਕੋਲ ਵਿੱਤ ਵਿਭਾਗ ਵੀ ਹੈ, ਬਜਟ ਪੇਸ਼ ਕਰਨਗੇ। ਮੰਤਰੀ ਕਪਿਲ ਮਿਸ਼ਰਾ ਨੇ ਕਿਹਾ ਕਿ ਬਜਟ ਸੈਸ਼ਨ ਦਾ ਇਤਿਹਾਸਕ ਮਹੱਤਵ ਹੈ। ਉਨ੍ਹਾਂ ਕਿਹਾ ‘‘ਅੱਜ, ਵਪਾਰੀ, ਆਟੋ ਡਰਾਈਵਰ, ਦਲਿਤ ਭਰਾ ਅਤੇ ਭੈਣਾਂ ਸਮੇਤ ਵੱਖ-ਵੱਖ ਪਿਛੋਕੜ ਵਾਲੇ ਲੋਕ 'ਖੀਰ' (ਹਲਵਾ) ਇਕੱਠੇ ਸਾਂਝਾ ਕਰਨਗੇ। ਬਜਟ ਕੱਲ੍ਹ ਪੇਸ਼ ਕੀਤਾ ਜਾਵੇਗਾ।’’
ਭਾਜਪਾ ਆਗੂ ਸਤੀਸ਼ ਉਪਾਧਿਆਏ ਨੇ ਮੁੱਖ ਮੰਤਰੀ ਨੂੰ ਸ਼ੁਭਕਾਮਨਾਵਾਂ ਦਿੱਤੀਆਂ ਅਤੇ ਕਿਹਾ ਕਿ ਬਜਟ ਦਿੱਲੀ ਲਈ ਤਰੱਕੀ ਦਾ ਸੰਦੇਸ਼ ਦਿੰਦਾ ਹੈ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਮੁੱਖ ਮੰਤਰੀ ਗੁਪਤਾ ਨੇ ਔਰਤਾਂ ਅਤੇ ਨੌਜਵਾਨਾਂ ਤੋਂ ਲੈ ਕੇ ਕਾਰੋਬਾਰੀ ਮਾਲਕਾਂ ਅਤੇ ਕਲੋਨੀਆਂ ਦੇ ਵਸਨੀਕਾਂ ਤੱਕ, ਲੋਕਾਂ ਦੇ ਇਕ ਵਿਸ਼ਾਲ ਵਰਗ ਨਾਲ ਜੁੜੇ ਬਜਟ ਨੂੰ ਆਕਾਰ ਦੇਣ ਲਈ ਸੁਝਾਅ ਇਕੱਠੇ ਕੀਤੇ ਹਨ।
ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਇਹ ਸੁਨੇਹਾ ਦੇ ਰਹੇ ਹਨ ਕਿ ਦਿੱਲੀ ਵਿਕਾਸ ਦੀ ਲੀਹ ’ਤੇ ਹੈ। ਇਹ ਬਜਟ ਔਰਤਾਂ, ਨੌਜਵਾਨਾਂ, ਕਾਰੋਬਾਰੀਆਂ ਅਤੇ ਇੱਥੋਂ ਤੱਕ ਕਿ ਕਲੋਨੀ ਨਿਵਾਸੀਆਂ ਦੀਆਂ ਆਵਾਜ਼ਾਂ ਨੂੰ ਦਰਸਾਉਂਦਾ ਹੈ, ਇਹ ਯਕੀਨੀ ਬਣਾਉਂਦਾ ਹੈ ਕਿ ਉਨ੍ਹਾਂ ਦੇ ਵਿਚਾਰ ਇਸ ਪ੍ਰਕਿਰਿਆ ਦਾ ਹਿੱਸਾ ਹੋਣ। -ਪੀਟੀਆਈ
