Attack in Colombia: ਕੋਲੰਬੀਆ ਵਿਚ ਕਾਰ ਬੰਬ ਧਮਾਕਾ, ਹੈਲੀਕਾਪਟਰ ਹਮਲੇ ’ਚ 17 ਮੌਤਾਂ
Attack in Colombia: ਕੋਲੰਬੀਆ ਵਿੱਚ ਇੱਕ ਕਾਰ ਬੰਬ ਧਮਾਕੇ ਅਤੇ ਪੁਲੀਸ ਹੈਲੀਕਾਪਟਰ ’ਤੇ ਹਮਲੇ ਵਿੱਚ ਘੱਟੋ-ਘੱਟ 17 ਲੋਕ ਮਾਰੇ ਗਏ ਹਨ। ਰਾਸ਼ਟਰਪਤੀ ਗੁਸਤਾਵੋ ਪੈਟਰੋ ਨੇ ਵੀਰਵਾਰ ਨੂੰ ਦੋਵਾਂ ਘਟਨਾਵਾਂ ਲਈ ਕੋਲੰਬੀਆ ਦੇ ਰੈਵੋਲਿਊਸ਼ਨਰੀ ਆਰਮਡ ਫੋਰਸਿਜ਼, ਜਿਸ ਨੂੰ ਆਮ ਤੌਰ ’ਤੇ...
Advertisement
Attack in Colombia: ਕੋਲੰਬੀਆ ਵਿੱਚ ਇੱਕ ਕਾਰ ਬੰਬ ਧਮਾਕੇ ਅਤੇ ਪੁਲੀਸ ਹੈਲੀਕਾਪਟਰ ’ਤੇ ਹਮਲੇ ਵਿੱਚ ਘੱਟੋ-ਘੱਟ 17 ਲੋਕ ਮਾਰੇ ਗਏ ਹਨ। ਰਾਸ਼ਟਰਪਤੀ ਗੁਸਤਾਵੋ ਪੈਟਰੋ ਨੇ ਵੀਰਵਾਰ ਨੂੰ ਦੋਵਾਂ ਘਟਨਾਵਾਂ ਲਈ ਕੋਲੰਬੀਆ ਦੇ ਰੈਵੋਲਿਊਸ਼ਨਰੀ ਆਰਮਡ ਫੋਰਸਿਜ਼, ਜਿਸ ਨੂੰ ਆਮ ਤੌਰ ’ਤੇ FARC ਵਜੋਂ ਜਾਣਿਆ ਜਾਂਦਾ ਹੈ, ਦੇ ਬਾਗੀਆਂ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਪੈਟਰੋ ਨੇ X ’ਤੇ ਕਿਹਾ ਕਿ ਹੈਲੀਕਾਪਟਰ ਹਮਲੇ ਵਿੱਚ 12 ਪੁਲੀਸ ਅਧਿਕਾਰੀ ਮਾਰੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਜਹਾਜ਼ ਉੱਤਰੀ ਕੋਲੰਬੀਆ ਦੇ ਐਂਟੀਓਕੀਆ ਖੇਤਰ ਵਿੱਚ ਕੋਕਾ ਪੱਤਿਆਂ ਦੀਆਂ ਫਸਲਾਂ ਨੂੰ ਤਬਾਹ ਕਰਨ ਲਈ ਕਰਮਚਾਰੀਆਂ ਨੂੰ ਲੈ ਕੇ ਜਾ ਰਿਹਾ ਸੀ, ਜਿਸ ਦੀ ਵਰਤੋਂ ਕੋਕੀਨ ਲਈ ਕੱਚੇ ਮਾਲ ਵਜੋਂ ਕੀਤੀ ਜਾਂਦੀ ਹੈ।
ਐਂਟੀਓਕੀਆ ਦੇ ਗਵਰਨਰ ਐਂਡਰੇਸ ਜੂਲੀਅਨ ਨੇ X ’ਤੇ ਕਿਹਾ ਕਿ ਇੱਕ ਡਰੋਨ ਨੇ ਹੈਲੀਕਾਪਟਰ ’ਤੇ ਹਮਲਾ ਕੀਤਾ ਜਦੋਂ ਇਹ ਕੋਕਾ ਪੱਤਿਆਂ ਦੀਆਂ ਫਸਲਾਂ ਉੱਤੇ ਉੱਡ ਰਿਹਾ ਸੀ। ਕੋਲੰਬੀਆ ਦੇ ਰੱਖਿਆ ਮੰਤਰੀ ਪੇਡਰੋ ਸਾਂਚੇਜ਼ ਨੇ ਕਿਹਾ ਕਿ ਸ਼ੁਰੂਆਤੀ ਜਾਣਕਾਰੀ ਤੋਂ ਪਤਾ ਲੱਗਾ ਹੈ ਕਿ ਹਮਲੇ ਕਾਰਨ ਜਹਾਜ਼ ਨੂੰ ਅੱਗ ਲੱਗ ਗਈ। ਇਸ ਦੌਰਾਨ, ਦੱਖਣ-ਪੱਛਮੀ ਸ਼ਹਿਰ ਕੈਲੀ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਵਿਸਫੋਟਕਾਂ ਨਾਲ ਭਰੀ ਇੱਕ ਗੱਡੀ ਇੱਕ ਫੌਜੀ ਹਵਾਬਾਜ਼ੀ ਸਕੂਲ ਦੇ ਨੇੜੇ ਫਟ ਗਈ, ਜਿਸ ਵਿੱਚ ਪੰਜ ਲੋਕ ਮਾਰੇ ਗਏ ਅਤੇ 30 ਤੋਂ ਵੱਧ ਜ਼ਖਮੀ ਹੋ ਗਏ।
Advertisement
ਪੈਟਰੋ ਨੇ ਸ਼ੁਰੂ ਵਿੱਚ ਹੈਲੀਕਾਪਟਰ ਹਮਲੇ ਲਈ ਦੇਸ਼ ਦੇ ਸਭ ਤੋਂ ਵੱਡੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਕਰਨ ਵਾਲੇ ਗਰੋਹ, ਗਲਫ ਕਲੈਨ ਨੂੰ ਜ਼ਿੰਮੇਵਾਰ ਠਹਿਰਾਇਆ। FARC ਦੇ ਬਾਗ਼ੀ ਅਤੇ ਗਲਫ ਕਲੈਨ ਦੇ ਮੈਂਬਰ ਐਂਟੀਓਕੀਆ ਵਿੱਚ ਸਰਗਰਮ ਹਨ। FARC ਨੇ 2016 ਵਿੱਚ ਸਰਕਾਰ ਨਾਲ ਸ਼ਾਂਤੀ ਸਮਝੌਤੇ ਨੂੰ ਰੱਦ ਕਰ ਦਿੱਤਾ ਸੀ।
Advertisement
Copyright @2025 Punjabi Tribune
Designed and developed by : 