ਮਹਿਲਾ ਹਾਕੀ ਏਸ਼ੀਆ ਕੱਪ: ਨਵਰੀਤ ਦੇ ਗੋਲ ਸਦਕਾ ਭਾਰਤ ਨੇ ਜਪਾਨ ਨੂੰ 2-2 ਨਾਲ ਬਰਾਬਰੀ ’ਤੇ ਰੋਕਿਆ

India hold defending champions Japan to 2-2 draw in women's Asia Cup hockey; ਭਾਰਤੀ ਟੀਮ ਦਾ ਆਖਰੀ ਪੂਲ ਮੁਕਾਬਲਾ ਸਿੰਗਾਪੁਰ ਨਾਲ 8 ਨੂੰ

PTI

ਹਾਂਗਜ਼ੂ (ਚੀਨ), 07:50 PM Sep 06, 2025 IST

ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਅੱਜ ਇੱਥੇ ਮਹਿਲਾ ਹਾਕੀ ਏਸ਼ੀਆ ਕੱਪ ਦੇ ਆਪਣੇ ਦੂਜੇ ਮੈਚ ਵਿੱਚ ਮੌਜੂਦਾ ਚੈਂਪੀਅਨ ਜਪਾਨ ਨੂੰ 2-2 ਗੋਲਾਂ ਨਾਲ ਬਰਾਬਰੀ ’ਤੇ ਰੋਕ ਦਿੱਤਾ।

ਆਖਰੀ ਹੂਟਰ ਵੱਜਣ ਤੋਂ ਪਹਿਲਾਂ ਜਪਾਨ ਦੀ ਟੀਮ 2-1 ਨਾਲ ਅੱਗੇ ਸੀ ਪਰ ਨਵਰੀਤ ਕੌਰ ਨੇ ਆਖਰੀ ਮੈਚ ਖਤਮ ਹੋਣ ਤੋਂ ਕੁਝ ਸਕਿੰਟ ਪਹਿਲਾਂ ਪੈਨਲਟੀ ਕਾਰਨਰ ’ਤੇ ਗੋਲ ਦਾਗਦਿਆਂ ਸਕੋਰ 2-2 ਗੋਲਾਂ ਨਾਲ ਬਰਾਬਰ ਕਰ ਦਿੱਤਾ।

ਪੂਲ ਬੀ ਦੇ ਇਸ ਮੈਚ ਦੌਰਾਨ ਜਪਾਨ ਵੱਲੋਂ Hiroka Murayama ਨੇ 10ਵੇਂ ਮਿੰਟ ਅਤੇ Chiko Fujibayashi ਨੇ 58ਵੇਂ ਮਿੰਟ ’ਚ ਇੱਕ ਇੱਕ ਗੋਲ ਕੀਤਾ ਜਦਕਿ ਭਾਰਤ ਵਲੋਂ ਰੁਤੁਜਾ ਦਦਾਸੋ ਪਿਸਾਲ ਨੇ 30ਵੇਂ ਮਿੰਟ ’ਚ ਅਤੇ ਨਵਰੀਤ ਨੇ 60ਵੇਂ ਮਿੰਟ ’ਚ ਗੋਲ ਦਾਗਿਆ।

ਭਾਰਤ ਨੇ ਆਪਣੇ ਪਹਿਲੇ ਮੈਚ ਵਿੱਚ ਥਾਈਲੈਂਡ ਨੂੰ 11-0 ਗੋਲਾਂ ਨਾਲ ਹਰਾਇਆ ਸੀ। ਭਾਰਤ ਨੇ ਆਪਣਾ ਆਖਰੀ ਪੂਲ ਮੈਚ 8 ਸਤੰਬਰ ਨੂੰ ਸਿੰਗਾਪੁਰ ਵਿਰੁੱਧ ਖੇਡਣਾ ਹੈ। ਟੂਰਨਾਮੈਂਟ ਦਾ ਫਾਈਨਲ 14 ਸਤੰਬਰ ਨੂੰ ਖੇਡਿਆ ਜਾਣਾ ਹੈ।

ਇਸ Asia Cup ਦੀ ਜੇਤੂ ਹਾਕੀ ਟੀਮ Belgium and the Netherlands ਵਿੱਚ 2026 ਵਿੱਚ ਹੋਣ ਵਾਲੇ ਮਹਿਲਾ ਵਿਸ਼ਵ ਕੱਪ Women's World Cup ਲਈ ਕੁਆਲੀਫਾਈ ਕਰੇਗੀ।