ਗਿੱਲ ਦਾ ਦੂਜੇ ਟੈਸਟ ਵਿੱਚ ਖੇਡਣਾ ਸ਼ੱਕੀ

ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਦਾ ਦੱਖਣੀ ਅਫਰੀਕਾ ਖ਼ਿਲਾਫ਼ ਦੂਜੇ ਟੈਸਟ ਵਿੱਚ ਖੇਡਣਾ ਸ਼ੱਕੀ ਹੈ ਕਿਉਂਕਿ ਬੰਗਾਲ ਕ੍ਰਿਕਟ ਸੋਸੀਏਸ਼ਨ ਦੇ ਸੂਤਰਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਬੁੱਧਵਾਰ ਨੂੰ ਟੀਮ ਨਾਲ ਗੁਹਾਟੀ ਨਹੀਂ ਜਾ ਰਿਹਾ। ਭਾਰਤੀ ਟੀਮ ਮੰਗਲਵਾਰ ਨੂੰ ਸਿਖਲਾਈ ਸੈਸ਼ਨ...

PTI

ਕੋਲਕਾਤਾ, 05:01 AM Nov 18, 2025 IST

ਭਾਰਤੀ ਕਪਤਾਨ ਸ਼ੁਭਮਨ ਗਿੱਲ ਦਾ ਦੱਖਣੀ ਅਫਰੀਕਾ ਖ਼ਿਲਾਫ਼ ਦੂਜੇ ਟੈਸਟ ਵਿੱਚ ਖੇਡਣਾ ਸ਼ੱਕੀ ਹੈ ਕਿਉਂਕਿ ਬੰਗਾਲ ਕ੍ਰਿਕਟ ਸੋਸੀਏਸ਼ਨ ਦੇ ਸੂਤਰਾਂ ਨੇ ਪੁਸ਼ਟੀ ਕੀਤੀ ਹੈ ਕਿ ਉਹ ਬੁੱਧਵਾਰ ਨੂੰ ਟੀਮ ਨਾਲ ਗੁਹਾਟੀ ਨਹੀਂ ਜਾ ਰਿਹਾ। ਭਾਰਤੀ ਟੀਮ ਮੰਗਲਵਾਰ ਨੂੰ ਸਿਖਲਾਈ ਸੈਸ਼ਨ ਵਿੱਚ ਹਿੱਸਾ ਲਵੇਗੀ। ਸੂਤਰ ਨੇ ਦੱਸਿਆ, ‘‘ਉਸ ਦੀ ਗਰਦਨ ਵਿੱਚ ਕਾਫ਼ੀ ਦਰਦ ਹੈ ਅਤੇ ਸਾਨੂੰ ਸੱਟ ਬਾਰੇ ਹੋਰ ਜ਼ਿਆਦਾ ਦੱਸਣ ਦੀ ਇਜਾਜ਼ਤ ਨਹੀਂ ਹੈ। ਉਸ ਨੂੰ ਗਰਦਨ ਵਿੱਚ ਕਾਲਰ ਪਾ ਕੇ ਰੱਖਣਾ ਹੋਵੇਗਾ।’’ ਸੂਤਰਾਂ ਨੇ ਦੱਸਿਆ, ‘‘ਉਸ ਨੂੰ ਤਿੰਨ-ਚਾਰ ਦਿਨ ਦੇ ਆਰਾਮ ਅਤੇ ਹਵਾਈ ਯਾਤਰਾ ਨਾ ਕਰਨ ਦੀ ਸਲਾਹ ਦਿੱਤੀ ਗਈ ਹੈ। ਹਾਲਾਂਕਿ, ਅਸੀਂ ਉਸ ਦੀ ਪ੍ਰਗਤੀ ’ਤੇ ਲਗਾਤਾਰ ਨਜ਼ਰ ਰੱਖ ਰਹੇ ਹਾਂ ਅਤੇ ਮੰਗਲਵਾਰ ਤੱਕ ਸਥਿਤੀ ਸਪਸ਼ਟ ਹੋ ਜਾਵੇਗੀ।’’ ਭਾਰਤੀ ਟੀਮ ਸ਼ਨਿਚਰਵਾਰ ਤੋਂ ਸ਼ੁਰੂ ਹੋਣ ਵਾਲੇ ਦੂਜੇ ਅਤੇ ਆਖ਼ਰੀ ਟੈਸਟ ਮੈਚ ਲਈ ਬੁੱਧਵਾਰ ਨੂੰ ਗੁਹਾਟੀ ਰਵਾਨਾ ਹੋਵੇਗੀ।