ਵਿਸ਼ਵ ਜੂਨੀਅਰ ਚੈਂਪੀਅਨਸ਼ਿਪ ਵਿੱਚ ਅਨਿਆਪਤ ਨੇ ਤਨਵੀ ਨੂੰ ਹਰਾ ਕੇ ਸੋਨ ਤਗਮਾ ਜਿੱਤਿਆ

ਭਾਰਤੀ ਬੈਡਮਿੰਟਨ ਖਿਡਾਰਨ ਸਿੱਧੇ ਸੈੱਟਾਂ ਵਿੱਚ ਹਾਰੀ

PTI

ਗੁਹਾਟੀ, 07:17 PM Oct 19, 2025 IST

Tanvi's run ends with a silver at World Junior Championshipਭਾਰਤੀ ਸ਼ਟਲਰ ਤਨਵੀ ਸ਼ਰਮਾ ਦਾ ਬੀਡਬਲਯੂਐਫ ਵਿਸ਼ਵ ਜੂਨੀਅਰ ਚੈਂਪੀਅਨਸ਼ਿਪ ਵਿੱਚ ਸੋਨ ਤਗਮਾ ਜਿੱਤ ਕੇ ਇਤਿਹਾਸ ਰਚਣ ਦਾ ਸੁਪਨਾ ਪੂਰਾ ਨਾ ਹੋਇਆ। ਇੱਥੇ ਅੱਜ ਮਹਿਲਾ ਸਿੰਗਲਜ਼ ਫਾਈਨਲ ਵਿੱਚ ਥਾਈਲੈਂਡ ਦੀ ਅਨਿਆਪਤ ਫਿਚਿਤਪ੍ਰੀਚਾਸਕ ਨੇ ਤਨਵੀ ਨੂੰ ਸਿੱਧੇ ਸੈਟਾਂ ਵਿੱਚ ਹਰਾ ਦਿੱਤਾ। ਭਾਰਤ ਨੂੰ 17 ਸਾਲਾਂ ਬਾਅਦ ਇਸ ਟੂਰਨਾਮੈਂਟ ਵਿਚ ਸੋਨ ਤਗਮਾ ਜਿੱਤਣ ਦੀ ਉਮੀਦ ਸੀ ਪਰ ਭਾਰਤੀ ਖਿਡਾਰਨ ਨੂੰ ਥਾਈ ਖਿਡਾਰਨ ਨੇ 7-15, 12-15 ਨਾਲ ਹਰਾ ਦਿੱਤਾ।

ਇਸ ਤਰ੍ਹਾਂ ਤਨਵੀ ਨੂੰ ਚਾਂਦੀ ਦੇ ਤਗਮੇ ਨਾਲ ਸਬਰ ਕਰਨਾ ਪਿਆ। ਤਨਵੀ ਨੇ ਕਿਹਾ, ‘ਮੈਂ ਮੈਚ ਵਿਚ ਸਹਿਜ ਨਹੀਂ ਸੀ। ਮੈਂ ਮੈਚ ਦੀ ਸ਼ੁਰੂਆਤ ਤੋਂ ਹੀ ਬਹੁਤ ਸਾਰੀਆਂ ਗਲਤੀਆਂ ਕੀਤੀਆਂ।’ ਇਸ ਤੋਂ ਪਹਿਲਾਂ ਸਾਇਨਾ ਨੇਹਵਾਲ ਨੇ ਸਾਲ 2008 ਵਿੱਚ ਸੋਨ ਤਗਮਾ ਅਤੇ 2006 ਵਿੱਚ ਚਾਂਦੀ ਅਤੇ ਅਪਰਣਾ ਨੇ 1996 ਵਿੱਚ ਚਾਂਦੀ ਦਾ ਤਗਮਾ ਹਾਸਲ ਕੀਤਾ ਸੀ। ਪੀਟੀਆਈ