ਦਿਲਜੀਤ ਨੇ ਪੰਜਾਬ ’ਚ ਬਿਤਾਏ ਖ਼ੁਸ਼ੀ ਦੇ ਪਲ

ਮੁੰਬਈ: ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਨੇ ਪੰਜਾਬ ’ਚ ਬਿਤਾਏ ਇੱਕ ਦਿਨ ਦੀ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਖਾਣਾ ਬਣਾਉਂਦਾ ਅਤੇ ਕ੍ਰਿਕਟ ਖੇਡਦਾ ਨਜ਼ਰ ਆ ਰਿਹਾ ਹੈ। ਇਸ ਸਬੰਧੀ ਇੰਸਟਾਗ੍ਰਾਮ ’ਤੇ ਉਸ ਨੇ ਇੱਕ ਵੀਡੀਓ ਸਾਂਝੀ ਕੀਤੀ...

joginder kumar

06:09 AM Dec 07, 2024 IST

ਮੁੰਬਈ:

ਪੰਜਾਬੀ ਗਾਇਕ ਤੇ ਅਦਾਕਾਰ ਦਿਲਜੀਤ ਦੋਸਾਂਝ ਨੇ ਪੰਜਾਬ ’ਚ ਬਿਤਾਏ ਇੱਕ ਦਿਨ ਦੀ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਹ ਖਾਣਾ ਬਣਾਉਂਦਾ ਅਤੇ ਕ੍ਰਿਕਟ ਖੇਡਦਾ ਨਜ਼ਰ ਆ ਰਿਹਾ ਹੈ। ਇਸ ਸਬੰਧੀ ਇੰਸਟਾਗ੍ਰਾਮ ’ਤੇ ਉਸ ਨੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ ਜਿਸ ਵਿੱਚ ਉਹ ਦਿਨ ਦੀ ਸ਼ੁਰੂਆਤ ਕਸਰਤ ਤੋਂ ਕਰਦਾ ਹੈ। ਇਸ ਮਗਰੋਂ ਉਹ ਨਾਸ਼ਤੇ ’ਚ ਪਰੌਂਠਾ ਤੇ ਫਲ ਖਾਂਦਾ, ਮਗਰੋਂ ਚੁੱਲ੍ਹੇ ’ਤੇ ਚਿਕਨ ਬਣਾਉਂਦਾ ਨਜ਼ਰ ਆਉਂਦਾ ਹੈ। ਇਸ ਵੀਡੀਓ ਨੂੰ ਦਿਲਜੀਤ ਵੱਲੋਂ ਪੰਜਾਬੀ ਵਿੱਚ ਕੀਤੀ ਕੁਮੈਂਟਰੀ ਹੋਰ ਵੀ ਖਾਸ ਬਣਾਉਂਦੀ ਹੈ। ਇਸ ਰੀਲ ਨਾਲ ਉਸ ਨੇ ਲਿਖਿਆ ਹੈ ਕਿ ‘ਇੱਕ ਦਿਨ ਪੰਜਾਬ ਵਿੱਚ’। ਇਸ ਦੇ ਨਾਲ ਹੀ ਅੱਜ ਦਿਲਜੀਤ ਨੇ ਬੰਗਲੂਰੂ ਵਿੱਚ ਅਤੇ ਇਸ ਤੋਂ ਬਾਅਦ ਚੰਡੀਗੜ੍ਹ ਵਿੱਚ ਸ਼ੋਅ ਕਰਨੇ ਹਨ। ਉਸ ਦਾ ਇਹ ਟੂਰ ਗੁਹਾਟੀ ’ਚ 29 ਦਸੰਬਰ ਦੇ ਸ਼ੋਅ ਨਾਲ ਖ਼ਤਮ ਹੋਵੇਗਾ। -ਆਈਏਐੱਨਐੱਸ