ਏਜੀਟੀਐੱਫ ਤੇ ਬਰਨਾਲਾ ਪੁਲੀਸ ਦੀ ਸਾਂਝੀ ਕਾਰਵਾਈ ’ਚ ਬੰਬੀਹਾ ਗਰੋਹ ਦੇ ਦੋ ਗੁਰਗੇ ਹਥਿਆਰਾਂ ਸਣੇ ਕਾਬੂ

ਐਂਟੀ ਗੈਂਗਸਟਰ ਟਾਸਕ ਫੋਰਸ (AGTF) ਤੇ ਬਰਨਾਲਾ ਪੁਲੀਸ ਨੇ ਇਕ ਸਾਂਝੀ ਕਾਰਵਾਈ ਦੌਰਾਨ ਬੰਬੀਹਾ ਗਰੋਹ ਦੇ ਦੋ ਗੁਰਗਿਆਂ ਨੂੰ ਹਥਿਆਰਾਂ ਸਮੇਤ ਕਾਬੂ ਕੀਤਾ ਹੈ। ਪੁਲੀਸ ਨੇ ਇਨ੍ਹਾਂ ਦੇ ਕਬਜ਼ੇ ਵਿਚੋਂ ਛੇ ਪਿਸਤੌਲ ਬਰਾਮਦ ਕੀਤੇ ਹਨ। ਡੀਜੀਪੀ ਗੌਰਵ ਯਾਦਵ ਨੇ ਐਕਸ ’ਤੇ ਇਕ ਪੋਸਟ ਵਿਚ ਕਾਬੂ ਕੀਤੇ ਮੁਲਜ਼ਮਾਂ ਦੀ ਪਛਾਣ ਸੰਦੀਪ ਸਿੰਘ ਤੇ ਸ਼ੇਖਰ ਵਜੋਂ ਦੱਸੀ ਹੈ।

In a major breakthrough, the Anti-Gangster Task Force (#AGTF) Punjab, in a joint operation with @BarnalaPolice, arrests two associates of the Bambiha Gang — Sandeep Singh and Sekher — involved in illegal arms activities.

Recovers a total of six pistols (including one PX5, four… pic.twitter.com/oaqFyRp9y9

— DGP Punjab Police (@DGPPunjabPolice) October 12, 2025

ਪੁਲੀਸ ਮੁਖੀ ਕਿਹਾ, ‘‘ਇਨ੍ਹਾਂ ਦੇ ਕਬਜ਼ੇ ’ਚੋਂ ਕੁੱਲ ਛੇ ਪਿਸਤੌਲਾਂ (ਇਕ ਪੀਐੱਕਸ5, .32 ਬੋਰ ਦੇ ਚਾਰ ਤੇ .30 ਬੋਰ ਦਾ ਇਕ ਪਿਸਤੌਲ ਸਣੇ) ਤੇ 19 ਜ਼ਿੰਦਾ ਕਾਰਤੂਸ ਬਰਾਮਦ ਕੀਤੇ ਹਨ।’’ ਮੁੱਂਢਲੀ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਇਹ ਦੇਵੋੋਂ ਵਿਦੇਸ਼ ਬੈਠੇ ਆਪਣੇ ਆਕਾਵਾਂ ਦੀ ਹਦਾਇਤਾਂ ’ਤੇ ਇਹ ਹਥਿਆਰ ਅੱਗੇ ਬੰਬੀਹਾ ਗਰੋਹ ਦੇ ਗੁਰਗਿਆਂ ਨੂੰ ਸਪਲਾਈ ਕਰਨ ਜਾ ਰਹੇ ਸਨ ਤਾਂ ਕਿ ਸੂਬੇ ਵਿਚ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦਿੱਤਾ ਜਾ ਸਕੇ।’’ ਡੀਜੀਪੀ ਨੇ ਕਿਹਾ ਕਿ ਇਸ ਪੂਰੇ ਸਪਲਾਈ ਚੇਨ ਨੂੰ ਖ਼ਤਮ ਕਰਨ ਲਈ ਅਗਲੇਰੀ ਜਾਂਚ ਜਾਰੀ ਹੈ।