ਸੜਕ ਹਾਦਸੇ ਵਿੱਚ ਮਾਂ-ਪੁੱਤ ਸਣੇ ਤਿੰਨ ਦੀ ਮੌਤ

ਇੱਥੇ ਬੀਤੀ ਰਾਤ ਸੜਕ ਹਾਦਸੇ ਵਿੱਚ ਔਰਤ ਸਣੇ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਨਹਿਰੂ ਕਲੋਨੀ ਵਾਸੀ ਸੰਨੀ (27), ਪਾਲ ਐਵੇਨਿਊ ਵਾਸੀ ਰਮਨ (22) ਅਤੇ ਉਸ ਦੀ ਮਾਂ ਗੀਤਾ (43) ਵਜੋਂ ਹੋਈ ਹੈ। ਪੁਲੀਸ ਅਧਿਕਾਰੀ ਨੇ ਦੱਸਿਆ...

Tribune News Service

ਅੰਮ੍ਰਿਤਸਰ, 05:49 AM Oct 05, 2025 IST

ਇੱਥੇ ਬੀਤੀ ਰਾਤ ਸੜਕ ਹਾਦਸੇ ਵਿੱਚ ਔਰਤ ਸਣੇ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਨਹਿਰੂ ਕਲੋਨੀ ਵਾਸੀ ਸੰਨੀ (27), ਪਾਲ ਐਵੇਨਿਊ ਵਾਸੀ ਰਮਨ (22) ਅਤੇ ਉਸ ਦੀ ਮਾਂ ਗੀਤਾ (43) ਵਜੋਂ ਹੋਈ ਹੈ। ਪੁਲੀਸ ਅਧਿਕਾਰੀ ਨੇ ਦੱਸਿਆ ਕਿ ਘਟਨਾ ਬੀਤੀ ਰਾਤ ਲਗਪਗ 11 ਵਜੇ ਅਜਨਾਲਾ ਬਾਈਪਾਸ ਫਲਾਈਓਵਰ ਨੇੜੇ ਰਾਮ ਤੀਰਥ ਰੋਡ ’ਤੇ ਵਾਪਰੀ। ਟਰੱਕ ਟ੍ਰੇਲਰ ਪਿੰਡ ਮਾਹਲ ਤੋਂ ਅਜਨਾਲਾ ਬਾਈਪਾਸ ਵੱਲ ਜਾ ਰਿਹਾ ਸੀ ਅਤੇ ਫਲਾਈਓਵਰ ’ਤੇ ਚੜ੍ਹਦੇ ਸਮੇਂ ਕੰਟਰੋਲ ਗੁਆ ਬੈਠਾ। ਇਸ ਕਾਰਨ ਟਰੱਕ ਨੇ ਪਿੱਛੇ ਆ ਰਹੇ ਮੋਟਰਸਾਈਕਲ ਨੂੰ ਆਪਣੀ ਲਪੇਟ ਵਿੱਚ ਲੈ ਲਿਆ। ਮੋਟਰਸਾਈਕਲ ’ਤੇ ਸੰਨੀ, ਰਮਨ ਤੇ ਉਸ ਦੀ ਮਾਤਾ ਸਵਾਰ ਸਨ। ਤਿੰਨੋਂ ਟਰੱਕ ਹੇਠ ਆ ਗਏ। ਪੁਲੀਸ ਨੇ ਟਰੱਕ ਡਰਾਈਵਰ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ ਅਤੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲੀਸ ਵਲੋਂ ਡਰਾਈਵਰ ਖ਼ਿਲਾਫ਼ ਕੇਸ ਦਰਜ ਕਰ ਲਿਆ ਗਿਆ ਹੈ।