DT
PT
Subscribe To Print Edition About The Punjabi Tribune Code Of Ethics Download App Advertise with us Classifieds
search-icon-img
search-icon-img
Advertisement

ਲਾੜੇ ਦੀ ਤਾਈ ਦਾ 15 ਤੋਲੇ ਸੋਨੇ ਦਾ ਹਾਰ ਝਪਟਿਆ

ਫਿਰੋਜ਼ਪੁਰ ਰੋਡ ’ਤੇ ਹੋਟਲ ਬਾਹਰ ਘਟਨਾ ਵਾਪਰੀ; ਪੁਲੀਸ ਨੇ ਸੀ ਸੀ ਟੀ ਵੀ ਫੁਟੇਜ ਦੇ ਆਧਾਰ ’ਤੇ ਜਾਂਚ ਆਰੰਭੀ

  • fb
  • twitter
  • whatsapp
  • whatsapp
Advertisement

ਫਿਰੋਜ਼ਪੁਰ ਰੋਡ ’ਤੇ ਸਥਿਤ ਪੰਜ ਤਾਰਾ ਹੋਟਲ ਦੇ ਬਾਹਰ ਵਿਆਹ ਸਮਾਗਮ ਦੌਰਾਨ ਲੁਟੇਰਿਆਂ ਨੇ ਔਰਤ ਦੇ ਗਲੇ ’ਚੋਂ 15 ਤੋਲੇ ਸੋਨੇ ਦਾ ਹਾਰ ਝਪਟ ਲਿਆ। ਇਹ ਵਾਰਦਾਤ ਉਸ ਵੇਲੇ ਵਾਪਰੀ ਜਦੋਂ ਪੀੜਤ ਔਰਤ ਆਪਣੇ ਭਤੀਜੇ ਦੇ ਵਿਆਹ ਦੀਆਂ ਰਸਮਾਂ ਵਿੱਚ ਸ਼ਾਮਲ ਹੋਣ ਲਈ ਉੱਥੇ ਖੜ੍ਹੀ ਸੀ। ਪੁਲੀਸ ਨੇ ਸੀ ਸੀ ਟੀ ਵੀ ਫੁਟੇਜ ਦੇ ਆਧਾਰ ’ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪਿੰਡ ਦਾਦ ਦੇ ਵਾਸੀ ਵਿਕਰਮ ਮਹਿਰਾ ਨੇ ਪੁਲੀਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਨ੍ਹਾਂ ਆਪਣੇ ਭਤੀਜੇ ਦੇ ਵਿਆਹ ਲਈ ਹੋਟਲ ਹਯਾਤ ਬੁੱਕ ਕਰਵਾਇਆ ਸੀ। ਜਦੋਂ ਸਾਰਾ ਪਰਿਵਾਰ ਹੋਟਲ ਦੇ ਬਾਹਰ ਕੁਝ ਰਸਮਾਂ ਨਿਭਾ ਰਿਹਾ ਸੀ, ਤਾਂ ਅਚਾਨਕ ਪਿੱਛੋਂ ਇੱਕ ਮੋਟਰਸਾਈਕਲ ’ਤੇ ਸਵਾਰ ਦੋ ਨੌਜਵਾਨ ਆਏ ਅਤੇ ਭੀੜ ਦਾ ਫਾਇਦਾ ਚੁੱਕਦਿਆਂ ਉਨ੍ਹਾਂ ਦੀ ਰਿਸ਼ਤੇਦਾਰ ਰਮਿਲਾ ਮਹਿਰਾ ਦੇ ਗਲੇ ਵਿੱਚ ਪਾਇਆ 15 ਤੋਲੇ ਸੋਨੇ ਦਾ ਹਾਰ ਝਪਟ ਕੇ ਫਰਾਰ ਹੋ ਗਏ। ਇਸ ਤੋਂ ਬਾਅਦ ਪੀੜਤ ਪਰਿਵਾਰ ਨੇ ਤੁਰੰਤ ਪੁਲੀਸ ਨੂੰ ਸੂਚਨਾ ਦਿੱਤੀ। ਸੂਚਨਾ ਮਿਲਦਿਆਂ ਹੀ ਥਾਣਾ ਸਰਾਭਾ ਨਗਰ ਦੀ ਪੁਲੀਸ ਮੌਕੇ ’ਤੇ ਪਹੁੰਚ ਗਈ। ਪੁਲੀਸ ਨੇ ਵਿਕਰਮ ਮਹਿਰਾ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਅਣਪਛਾਤੇ ਲੁਟੇਰਿਆਂ ਖਿਲਾਫ਼ ਕੇਸ ਦਰਜ ਕਰਕੇ ਮਾਮਲੇ ਦੀ ਪੜਤਾਲ ਸ਼ੁਰੂ ਕਰ ਦਿੱਤੀ ਹੈ।

Advertisement
Advertisement
×