Punjab news ਪੰਜਾਬ ਦੇ ਥਰਮਲਾਂ ਨੂੰ ਕੋਲਾ ਸਪਲਾਈ ’ਤੇ ਕੋਈ ਰੋਕ ਨਹੀਂ

ਪੰਜਾਬ ਵਿਚ 25 ਦਿਨਾਂ ਦਾ ਕੋਲਾ ਭੰਡਾਰ; ਪਾਵਰਕੌਮ ਦੇ ਸੀਨੀਅਰ ਅਧਿਕਾਰੀ ਨੇ ਅਫ਼ਵਾਹਾਂ ਨੂੰ ਖਾਰਜ ਕੀਤਾ

Tribune News Service

12:14 PM May 09, 2025 IST

ਬਠਿੰਡਾ ਥਰਮਲ ਦੀ ਫਾਈਲ ਫੋਟੋ।

ਚਰਨਜੀਤ ਭੁੱਲਰ

ਚੰਡੀਗੜ੍ਹ, 9 ਮਈ

ਪੰਜਾਬ ਦੇ ਤਾਪ ਬਿਜਲੀ ਘਰਾਂ ਲਈ ਕਿਸੇ ਤਰ੍ਹਾਂ ਦੀ ਵੀ ਕੋਲਾ ਸਪਲਾਈ ਰੋਕੀ ਨਹੀਂ ਗਈ ਹੈ। ਪਾਵਰਕੌਮ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਇਹ ਅਫਵਾਹ ਹੈ ਕਿ ਰੇਲਵੇ ਨੇ ਤਿੰਨ ਦਿਨਾਂ ਲਈ ਥਰਮਲ ਪਲਾਂਟਾਂ ’ਚ ਕੋਲੇ ਦੀ ਲੋਡਿੰਗ ਰੋਕ ਦਿੱਤੀ ਹੈ।

ਰੇਲਵੇ ਦੇ ਇਹ ਹੁਕਮ ਤਾਪ ਬਿਜਲੀ ਘਰਾਂ ’ਤੇ ਲਾਗੂ ਨਹੀ ਹੁੰਦੇ ਹਨ। ਦੱਸਣਯੋਗ ਹੈ ਕਿ ਭਾਰਤ ਪਾਕਿਸਤਾਨ ਤਣਾਅ ਦੇ ਚੱਲਦਿਆਂ ਰੇਲਵੇ ਵਿਭਾਗ ਵੱਲੋਂ ਤਿੰਨ ਦਿਨਾਂ ਲਈ ਕੋਲੇ ਦੇ ਰੈਕ ਲੋਡ ਨਾ ਕਰਨ ਦੀ ਖ਼ਬਰ ਚੱਲ ਰਹੀ ਹੈ।

ਪੰਜਾਬ ਦੇ ਤਾਪ ਬਿਜਲੀ ਘਰਾਂ ਵਿੱਚ ਕੋਲੇ ਦਾ ਵਾਧੂ ਭੰਡਾਰ ਪਿਆ ਹੈ। ਜਾਣਕਾਰੀ ਮੁਤਾਬਕ ਪੰਜਾਬ ਵਿੱਚ ਔਸਤਨ 25 ਦਿਨਾਂ ਦਾ ਕੋਲੇ ਦਾ ਸਟਾਕ ਪਿਆ ਹੈ। ਲਹਿਰਾ ਥਰਮਲ ’ਚ 27 ਦਿਨਾਂ ਦਾ, ਰੋਪੜ ਥਰਮਲ ’ਚ 39 ਦਿਨਾਂ, ਗੋਇੰਦਵਾਲ ਥਰਮਲ ’ਚ 34 ਦਿਨਾਂ, ਰਾਜਪੁਰਾ ਥਰਮਲ ’ਚ 26 ਦਿਨਾਂ ਅਤੇ ਤਲਵੰਡੀ ਸਾਬੋ ਥਰਮਲ ’ਚ 13 ਦਿਨਾਂ ਦਾ ਕੋਲੇ ਦਾ ਸਟਾਕ ਪਿਆ ਹੈ।