ਇੱਥੇ 14 ਮਹੀਨਿਆਂ ਦੀ ਬੱਚੀ ਦੀ ਪਾਣੀ ਵਾਲੇ ਟੱਬ ਵਿੱਚ ਡਿੱਗਣ ਕਾਰਨ ਮੌਤ ਹੋ ਗਈ। ਬੱਚੀ ਕੀਰਤ ਕੌਰ ਪੁੱਤਰੀ ਭੁਪਿੰਦਰ ਸਿੰਘ ਲੰਘੀ ਸ਼ਾਮ ਖੇਡਦੀ-ਖੇਡਦੀ ਪਾਣੀ ਦੇ ਭਰੇ ਟੱਬ ’ਚ ਡਿੱਗ ਗਈ ਸੀ। ਉਸ ਸਮੇਂ ਬੱਚੀ ਦੀ ਮਾਂ ਜਸਪ੍ਰੀਤ ਕੌਰ ਕੱਪੜੇ ਧੋ ਰਹੀ ਸੀ। ਇਸੇ ਦੌਰਾਨ ਜਸਪ੍ਰੀਤ ਦੀ ਵੱਡੀ ਧੀ ਨੇ ਆਪਣੀ ਮਾਂ ਨੂੰ ਦੱਸਿਆ ਕਿ ਕੀਰਤ ਪਾਣੀ ਨਾਲ ਭਰੇ ਟੱਬ ਵਿੱਚ ਡਿੱਗ ਗਈ ਹੈ। ਇਸ ਬਾਰੇ ਪਤਾ ਲੱਗਦਿਆਂ ਹੀ ਜਸਪ੍ਰੀਤ ਨੇ ਆਪਣੀ ਬੱਚੀ ਨੂੰ ਤੁਰੰਤ ਟੱਬ ’ਚੋਂ ਬਾਹਰ ਕੱਢਿਆ ਤੇ ਪਰਿਵਾਰ ਦੇ ਹੋਰਨਾਂ ਮੈਂਬਰਾਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਪਰਿਵਾਰਕ ਮੈਂਬਰ ਕੀਰਤ ਨੂੰ ਤੁਰੰਤ ਪ੍ਰਾਈਵੇਟ ਕਲੀਨਿਕ ਵਿੱਚ ਲੈ ਗਏ ਜਿੱਥੇ ਡਾਕਟਰ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।
