ਕੰਬਾਈਨ ਤੇ ਮੋਟਰ ਸਾਈਕਲ ਦੀ ਟੱਕਰ ਦੌਰਾਨ ਪਿਉ-ਧੀ ਦੀ ਮੌਤ

ਸ੍ਰੀ ਹਰਗੋਬਿੰਦਪੁਰ ਤੋਂ ਗੁਰਦਾਸਪੁਰ ਸੜ੍ਹਕ ਤੇ ਲਾਈਟਾਂ ਵਾਲੇ ਚੌਂਕ ’ਚ ਕੰਬਾਇਨ ਵਿੱਚ ਵੱਜਣ ਨਾਲ ਮੋਟਰ ਸਾਈਕਲ ਸਵਾਰ ਪਿਉ-ਧੀ ਦੀ ਮੌਤ ਹੋ ਗਈ। ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਨੌਜਵਾਨ ਚਰਨਜੀਤ ਸਿੰਘ ਪੁੱਤਰ ਸੰਤੋਂਖ ਸਿੰਘ ਆਪਣੀ ਬੇਟੀ ਤਰਨਪ੍ਰੀਤ ਕੌਰ ਦੇ ਨਾਲ...

Gurbhej Singh Rana

ਸ੍ਰੀ ਹਰਗੋਬਿੰਦਪੁਰ, 05:36 PM Oct 21, 2025 IST

ਹਾਦਸੇ ਵਾਲੀ ਜਗ੍ਹਾ ਮੌਜੂਦ ਕੰਬਾਇਨ ਤੇ ਮ੍ਰਿਤਕ ਦੀ ਤਸਵੀਰ। ਫੋਟੋ:ਗੁਰਭੇਜ ਸਿੰਘ ਰਾਣਾ

ਸ੍ਰੀ ਹਰਗੋਬਿੰਦਪੁਰ ਤੋਂ ਗੁਰਦਾਸਪੁਰ ਸੜ੍ਹਕ ਤੇ ਲਾਈਟਾਂ ਵਾਲੇ ਚੌਂਕ ’ਚ ਕੰਬਾਇਨ ਵਿੱਚ ਵੱਜਣ ਨਾਲ ਮੋਟਰ ਸਾਈਕਲ ਸਵਾਰ ਪਿਉ-ਧੀ ਦੀ ਮੌਤ ਹੋ ਗਈ।

ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਨੌਜਵਾਨ ਚਰਨਜੀਤ ਸਿੰਘ ਪੁੱਤਰ ਸੰਤੋਂਖ ਸਿੰਘ ਆਪਣੀ ਬੇਟੀ ਤਰਨਪ੍ਰੀਤ ਕੌਰ ਦੇ ਨਾਲ ਹਰਚੋਵਾਲ ਤੋਂ ਸ੍ਰੀ ਹਰਗੋਬਿੰਦਪੁਰ ਵੱਲ ਆ ਰਹੇ ਸਨ ਤਾਂ ਇਨ੍ਹਾਂ ਦੀ ਟੱਕਰ ਸਾਹਮਣੇ ਤੋਂ ਆ ਰਹੀ ਕੰਬਾਇਨ ਨਾਲ ਹੋ ਗਈ ਜਿਸ ਵਿੱਚ ਪਿਉ-ਧੀ ਦੀ ਮੌਤ ਹੋ ਗਈ।

ਜ਼ਿਕਰਯੋਗ ਹੈ ਕਿ ਪ੍ਰਸਾਸ਼ਨ ਵੱਲੋਂ ਕੰਬਾਇਨ ਦੇ ਅੱਗੇ ਬਲੇਡ ਲਗਾ ਕਿ ਸੜ੍ਹਕ ਤੇ ਕੰਬਾਇਨ ਚਲਾਉਣ ’ਤੇ ਪਾਬੰਦੀ ਲਗਾਈ ਹੋਈ ਹੈ ਪਰ ਕੰਬਾਇਨ ਮਾਲਕ ਪ੍ਰਸਾਸ਼ਨ ਦੇ ਹੁੱਕਮਾਂ ਨੂੰ ਟਿੱਚ ਜਾਣ ਕੇ ਕੰਬਾਇਨ ਦੇ ਅੱਗੇ ਬਲੇਡ ਲਗਾ ਕੇ ਸੜ੍ਹਕ ਤੇ ਚਲਦੇ ਹਨ।

ਇਸ ਨਾਲ ਅਨੇਕਾਂ ਹਾਦਸੇ ਪਹਿਲਾਂ ਵਾਪਰ ਚੁੱਕੇ ਹਨ ਤੇ ਅੱਜ ਫਿਰ ਇਹ ਹਾਦਸਾ ਕੰਬਾਇਨ ਦੇ ਅੱਗੇ ਲੱਗੇ ਬਲੇਡ ਕਾਰਨ ਵਾਪਰਿਆ ਹੈ। ਪੁਲੀਸ ਪਾਰਟੀ ਵੱਲੋਂ ਮੌਕੇ ’ਤੇ ਪਹੁੰਚ ਕੇ ਕਾਰਵਾਈ ਕੀਤੀ ਜਾ ਰਹੀ ਹੈ।