ਘੁੰਨਸ ਡਰੇਨ ’ਚ ਜੰਗਲੀ ਬੂਟੀ ਕਾਰਨ 39 ਪਸ਼ੂਆਂ ਦੀ ਮੌਤ

ਰੋਹਿਤ ਗੋਇਲ/ ਸੀ.ਮਾਰਕੰਡਾ ਇੱਥੇ ਨੇੜੇ ਘੁੰਨਸ ਡਰੇਨ ਵਿੱਚ ਡੁੱਬਣ ਕਾਰਨ 39 ਪਸ਼ੂਆਂ ਦੀ ਮੌਤ ਹੋ ਗਈ। ਇਹ ਪਸ਼ੂ ਡਰੇਨ ਵਿੱਚ ਪਾਣੀ ਲਈ ਉਤਰੇ ਸਨ। ਇਸ ਘਟਨਾ ਕਾਰਨ ਗੁੱਜਰਾਂ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। ਗੁੱਜਰ ਬਰਾਦਰੀ ਨਾਲ ਸਬੰਧਤ ਸ਼ਰੀਫ...

.

ਤਪਾ ਮੰਡੀ, 05:04 AM Aug 28, 2025 IST

ਰੋਹਿਤ ਗੋਇਲ/ ਸੀ.ਮਾਰਕੰਡਾ

ਇੱਥੇ ਨੇੜੇ ਘੁੰਨਸ ਡਰੇਨ ਵਿੱਚ ਡੁੱਬਣ ਕਾਰਨ 39 ਪਸ਼ੂਆਂ ਦੀ ਮੌਤ ਹੋ ਗਈ। ਇਹ ਪਸ਼ੂ ਡਰੇਨ ਵਿੱਚ ਪਾਣੀ ਲਈ ਉਤਰੇ ਸਨ। ਇਸ ਘਟਨਾ ਕਾਰਨ ਗੁੱਜਰਾਂ ਦਾ ਲੱਖਾਂ ਰੁਪਏ ਦਾ ਨੁਕਸਾਨ ਹੋ ਗਿਆ। ਗੁੱਜਰ ਬਰਾਦਰੀ ਨਾਲ ਸਬੰਧਤ ਸ਼ਰੀਫ ਮੁਹੰਮਦ ਅਤੇ ਗਾਮੀ ਵਾਸੀ ਰਾਏਕੋਟ ਨੇ ਦੱਸਿਆ ਕਿ ਉਨ੍ਹਾਂ ਆਰਜ਼ੀ ਰਿਹਾਇਸ਼ ਪਿੰਡ ਖੁੱਡੀ ਕਲਾਂ ਵਿੱਚ ਕੀਤੀ ਹੋਈ ਹੈ।

ਉਹ ਇੱਥੇ ਪਿਛਲੇ ਕਰੀਬ ਡੇਢ ਦੋ ਮਹੀਨੇ ਤੋਂ ਰਹਿ ਰਹੇ ਹਨ ਅਤੇ ਰੋਜ਼ਾਨਾ ਹੀ ਘੁੰਨਸ ਡਰੇਨ ਨੇੜੇ ਪਸ਼ੂ ਚਰਾਉਣ ਲਈ ਆਉਂਦੇ ਹਨ। ਅੱਜ ਦੁਪਹਿਰ ਸਮੇਂ ਉਹ ਆਪਣੇ 56 ਦੇ ਕਰੀਬ ਦੁਧਾਰੂ ਮੱਝਾਂ, ਝੋਟੀਆਂ ਅਤੇ ਕੱਟੀਆਂ ਨੂੰ ਲੈ ਕੇ ਘੁੰਨਸ ਡਰੇਨ ਨੇੜੇ ਪੁੱਜੇ ਤਾਂ ਉਨ੍ਹਾਂ ਪਸ਼ੂ ਡਰੇਨ ਵਿਚ ਪਾਣੀ ਪੀਣ ਲਈ ਉਤਾਰ ਦਿੱਤੇ।‌ ਇਸ ਦੌਰਾਨ ਅਚਾਨਕ ਪਿੱਛੋਂ ਪਾਣੀ ਦੇ ਵਹਾਅ ਨਾਲ ਵੱਡੀ ਮਾਤਰਾ ਵਿੱਚ ਜੰਗਲੀ ਬੂਟੀ ਆ ਗਈ, ਜਿਸ ਨੇ ਪਸ਼ੂਆਂ ਨੂੰ ਆਪਣੀ ਲਪੇਟ ‘ਚ ਲੈ ਲਿਆ।