ਕਾਂਗਰਸ ਦੇ ਰਾਜ ’ਚ ਸਨੌਰ ਦਾ ਵਿਕਾਸ ਹੋਇਆ: ਹੈਰੀਮਾਨ

ਹਰਿੰਦਰਪਾਲ ਸਿੰਘ ਹੈਰੀਮਾਨ ਨੇ ਕਿਹਾ ਕਿ 2022 ਤੋਂ ਪਹਿਲਾਂ ਕਾਂਗਰਸ ਦੀ ਸਰਕਾਰ ਸਮੇਂ ਉਨ੍ਹਾਂ ਨੇ ਇਸ ਇਲਾਕੇ ਵਿੱਚ ਪੈਂਦੇ ਘੱਗਰ ਦੇ ਪਿੰਡ ਸਿਰਕੱਪੜਾ ਨੇੜੇ ਪੁਲ ਲਈ 60 ਲੱਖ ਰੁਪਏ ਲਿਆ ਕੇ ਇਸ ਦੀ ਮੁਰੰਮਤ ਕਰਵਾਈ ਸੀ ਅਤੇ ਆਵਾਜਾਈ ਲਈ ਰੁਕੇ ਰਾਹ ਨੂੰ ਮੁੜ ਚਾਲੂ ਕਰਵਾਇਆ ਸੀ ਪਰ ਅੱਜ ਇਸ ਪੁਲ ਦੀ ਮੁੜ ਹੋਈ ਹਾਲਤ ਹੋ ਗਈ ਹੈ ਜੋ ਪਹਿਲਾਂ ਸੀ ਕਿਉਂਕਿ ‘ਆਪ’ ਸਰਕਾਰ ਦੇ ਨੁਮਾਇੰਦਿਆਂ ਨੇ ਇਸ ਪੁਲ ਦੀ ਮੁਰੰਮਤ ਲਈ ਸਿਰਫ ਲਾਰੇ ਹੀ ਲਾਏ ਪਰ ਪੈਸਾ ਕੋਈ ਨਹੀਂ ਲਿਆਂਦਾ। ਇਸ ਤੋਂ ਇਲਾਵਾ ਦੂਧਨਸਾਧਾਂ ਤਹਿਸੀਲ ਦੀ ਇਮਾਰਤ ਲਈ 5 ਕਰੋੜ ਵੀ ਉਨ੍ਹਾਂ ਨੇ ਕਾਂਗਰਸ ਰਾਜ ਸਮੇਂ ਹੀ ਲਿਆਂਦੇ ਸਨ ਅਤੇ ਬੱਸ ਅੱਡਾ ਦੇਵੀਗੜ੍ਹ ਲਈ ਵੀ 92 ਲੱਖ ਰੁਪਏ ਉਨ੍ਹਾਂ ਨੇ ਹੀ ਲਿਆਂਦੇ ਸਨ। ਇਸ ਮੌਕੇ ਬਲਾਕ ਭੁਨਰਹੇੜੀ ਕਾਂਗਰਸ ਦੇ ਪ੍ਰਧਾਨ ਹਰਵੀਰ ਸਿੰਘ ਥਿੰਦ, ਸਾਬਕਾ ਚੇਅਰਮੈਨ ਜੀਤ ਸਿੰਘ ਮੀਰਾਂਪੁਰ, ਅਸ਼ਵਨੀ ਬੱਤਾ ਪ੍ਰਧਾਨ ਬਲਾਕ ਕਾਂਗਰਸ ਸਨੌਰ, ਜਰਨੈਲ ਸਿੰਘ ਚੂਹਟ, ਦੇਬਣ ਹਾਜੀਪੁਰ ਤੇ ਮਹਿਕ ਗਰੇਵਾਲ ਨੈਣਾ ਆਦਿ ਹਾਜ਼ਰ ਸਨ।