ਪਟੇਲ ਕਾਲਜ ਵਿੱਚ ਗਣਿਤ ਬਾਰੇ ਕੁਇਜ਼ ਕਰਵਾਏ

darshan singh mitha

ਰਾਜਪੁਰਾ, 05:27 AM Sep 02, 2025 IST

ਜੇਤੂਆਂ ਦੀ ਹੌਸਲਾ-ਅਫ਼ਜ਼ਾਈ ਕਰਦੇ ਹੋਏ ਕਾਲਜ ਪ੍ਰਬੰਧਕ।

ਪਟੇਲ ਮੈਮੋਰੀਅਲ ਨੈਸ਼ਨਲ ਕਾਲਜ ਦੇ ਗਣਿਤ ਵਿਭਾਗ ਵੱਲੋਂ ਪ੍ਰਿੰਸੀਪਲ ਡਾ. ਚੰਦਰ ਪ੍ਰਕਾਸ਼ ਗਾਂਧੀ ਦੀ ਅਗਵਾਈ ਹੇਠ ਇੰਟਰਨਲ ਕੁਆਲਿਟੀ ਐਸ਼ੋਰੈਂਸ ਸੈੱਲ ਦੇ ਸਹਿਯੋਗ ਨਾਲ ‘ਅਸਲ ਦੁਨੀਆ ਵਿੱਚ ਗਣਿਤ ਦੀ ਪੜਚੋਲ’ ਸਿਰਲੇਖ ਵਾਲਾ ਪ੍ਰੋਗਰਾਮ ਕੀਤਾ ਗਿਆ। ਇਸ ਪ੍ਰੋਗਰਾਮ ਦਾ ਉਦੇਸ਼ ਪੇਪਰ ਅਤੇ ਪਾਵਰ ਪੁਆਇੰਟ ਪੇਸ਼ਕਾਰੀਆਂ ਰਾਹੀਂ ਕਲਾਸ-ਰੂਮ ਤੋਂ ਬਾਹਰ ਗਣਿਤ ਦੇ ਵਿਹਾਰਕ ਉਪਯੋਗਾਂ ਨੂੰ ਪ੍ਰਦਰਸ਼ਿਤ ਕਰਨਾ ਸੀ। ਆਪਣੇ ਸੰਬੋਧਨ ਵਿੱਚ ਪ੍ਰਿੰਸੀਪਲ ਡਾ. ਚੰਦਰ ਪ੍ਰਕਾਸ਼ ਗਾਂਧੀ ਨੇ ਵਿਦਿਆਰਥੀਆਂ ਨੂੰ ਪ੍ਰੇਰਿਤ ਕੀਤਾ ਅਤੇ ਗਣਿਤ ਦੀ ਮਹੱਤਤਾ ’ਤੇ ਚਾਨਣਾ ਪਾਇਆ। ਸਟੇਜ ਦਾ ਪ੍ਰਬੰਧਨ ਪ੍ਰੋ. ਦੀਪਿਕਾ ਕਥੂਰੀਆ ਦੁਆਰਾ ਕੀਤਾ ਗਿਆ। ਪੇਸ਼ਕਾਰੀਆਂ ਦਾ ਮੁਲਾਂਕਣ ਡਾ. ਗੁਰਿੰਦਰ ਸਿੰਘ, ਡਾ. ਗਗਨਦੀਪ ਕੌਰ ਅਤੇ ਡਾ. ਹਰਪ੍ਰੀਤ ਕੌਰ ਦੀ ਇੱਕ ਉੱਘੀ ਜਿਊਰੀ ਦੁਆਰਾ ਕੀਤਾ ਗਿਆ। ਪ੍ਰੋ. ਗੀਤਿਕਾ ਗੁਡਵਾਨੀ ਅਤੇ ਪ੍ਰੋ. ਦੀਪਿਕਾ ਚੌਧਰੀ ਨੇ ਟਾਈਮ ਕੀਪਿੰਗ ਟੀਮ ਦਾ ਸੰਚਾਲਨ ਕੀਤਾ। ਵੱਖ-ਵੱਖ ਵਿਸ਼ਿਆਂ ਦੀਆਂ 17 ਟੀਮਾਂ ਨੇ ਮੁਕਾਬਲੇ ਵਿੱਚ ਹਿੱਸਾ ਲਿਆ। ਬੀਐਸਸੀ (ਸੀਐਸ) ਪਹਿਲੇ ਸਾਲ ਦੀਆਂ ਮਨਜੀਤ ਅਤੇ ਕਨਿਕਾ ਨੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ, ਬੀਏ ਤੀਜੇ ਸਾਲ ਦੀਆਂ ਅਨੁਸ਼ਕਾ ਅਤੇ ਕੋਮਲ ਨੇ ਦੂਜਾ ਸਥਾਨ ਪ੍ਰਾਪਤ ਕੀਤਾ ਅਤੇ ਬੀਏ ਪਹਿਲੇ ਸਾਲ ਦੀ ਸਿਮਰਤ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਇਸ ਤੋਂ ਇਲਾਵਾ, ਜਸ਼ਨਪ੍ਰੀਤ, ਰੇਣੂ, ਅੰਕਿਤਾ, ਕ੍ਰਿਤਿਕਾ ਅਤੇ ਪ੍ਰਿੰਸ ਨੂੰ ਹੌਸਲਾ ਵਧਾਉਣ ਵਾਲੇ ਇਨਾਮ ਮਿਲੇ। ਇਸ ਮੌਕੇ ਡਾ. ਜੈਦੀਪ ਸਿੰਘ, ਡਾ. ਸ਼ੇਰ ਸਿੰਘ, ਡਾ. ਤਰਨਜੀਤ ਸਿੰਘ ਤੇ ਡਾ. ਦਲਵੀਰ ਕੌਰ ਆਦਿ ਹਾਜ਼ਰ ਸਨ।