ਔਲਖ ਬਣੇ ਸਰਕਲ ਬਲਬੇੜਾ ਦਫ਼ਤਰ ਦੇ ਇੰਚਾਰਜ

Pattar Parerak

ਦੇਵੀਗਡ਼੍ਹ, 04:46 AM Aug 28, 2025 IST

ਦਫ਼ਤਰ ਇੰਚਾਰਜ ਜੈਮਲ ਸਿੰਘ ਔਲਖ ਨੂੰ ਸਨਮਾਨਦੇ ਹੋਏ ਬੀਬੀ ਸਿਮਰਨਜੀਤ ਕੌਰ ਪਠਾਣਮਾਜਰਾ। -ਫੋਟੋ: ਨੌਗਾਵਾਂ

ਹਲਕਾ ਸਨੌਰ ਦੇ ਵਿਧਾਇਕ ਹਰਮੀਤ ਸਿੰਘ ਪਠਾਣਮਾਜਰਾ ਵੱਲੋਂ ਪਾਰਟੀ ਪ੍ਰਤੀ ਸੇਵਾਵਾਂ ਨੂੰ ਦੇਖਦਿਆਂ ਜੈਮਲ ਸਿੰਘ ਔਲਖ ਨੂੰ ਸਰਕਲ ਬਲਬੇੜਾ ਦਫ਼ਤਰ ਦਾ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ। ਸਮਾਗਮ ਦੌਰਾਨ ਬੀਬੀ ਸਿਮਰਨਜੀਤ ਕੌਰ ਪਠਾਣਮਾਜਰਾ, ਅਮਰ ਸਿੰਘ ਸੰਘੇੜਾ ਜ਼ਿਲ੍ਹਾ ਯੂਥ ਪ੍ਰਧਾਨ, ਹਨੀ ਮਾਹਲਾ ਚੇਅਰਮੈਨ, ਨਰਿੰਦਰ ਸਿੰਘ ਤੱਖਰ, ਹੈਪੀ ਪਹਾੜੀਪੁਰ, ਸਤਪਾਲ ਸਿੰਘ ਪੂਨੀਆਂ, ਮਨਜੀਤ ਸਿੰਘ ਨੰਬਰਦਾਰ ਬਲਬੇੜਾ ਤੇ ਗੁਰਪ੍ਰੀਤ ਸਿੰਘ ਬਲਬੇੜਾ ਨੇ ਵਿਸ਼ੇਸ਼ ਤੌਰ ’ਤੇ ਸ਼ਮੂਲੀਅਤ ਕੀਤੀ। ਬੀਬੀ ਸਿਮਰਨਜੀਤ ਕੌਰ ਪਠਾਣਮਾਜਰਾ ਨੇ ਜੈਮਲ ਸਿੰਘ ਔਲਖ ਨੂੰ ਸਿਰੋਪਾਓ ਪਾ ਕੇ ਵਿਧਾਇਕ ਪਠਾਣਮਾਜਰਾ ਵੱਲੋਂ ਉਨ੍ਹਾਂ ਨੂੰ ਸੌਂਪੀ ਸੇਵਾ ਸੰਭਾਲਦਿਆਂ ਕਿਹਾ ਕਿ ਸਰਕਲ ਬਲਬੇੜਾ ਵਾਸੀਆਂ ਦੇ ਕੰਮ-ਕਾਜ ਲਈ ਆਮ ਆਦਮੀ ਪਾਰਟੀ ਵੱਲੋਂ ਕਸਬੇ ’ਚ ਪਿਛਲੇ ਸਮੇਂ ਦਫ਼ਤਰ ਖੋਲ੍ਹਿਆ ਗਿਆ ਸੀ, ਜਿੱਥੇ ਅੱਜ ਤੋਂ ਇੰਚਾਰਜ ਵਜੋਂ ਜੈਮਲ ਸਿੰਘ ਸੇਵਾਵਾਂ ਨਿਭਾਉਣਗੇ। ਇਸ ਮੌਕੇ ਗੁਰਮੇਲ ਸਿੰਘ ਆੜ੍ਹਤੀ, ਵਲੈਤੀ ਰਾਮ ਪੰਜੋਲਾ, ਗੁਰਸ਼ੇਰ ਸਿੰਘ ਸਰਪੰਚ ਪੰਜੋਲਾ, ਪ੍ਰਧਾਨ ਗੁਰਜੰਟ ਸਿੰਘ ਨੰਨਾਨਸੂ, ਪ੍ਰਧਾਨ ਪ੍ਰਮਿੰਦਰ ਸਿੰਘ ਵੜੈਚ, ਕੁਲਦੀਪ ਸਿੰਘ ਸਰਪੰਚ ਦੁੱਲਬਾ ਤੋਂ ਇਲਾਵਾ ਪਾਰਟੀ ਵਾਲੰਟੀਅਰ ਮੌਜੂਦ ਸਨ।