ਤੇਜਸਵੀ ਵਿਰੋਧੀ ਧਿਰ ਦੇ ਨੇਤਾ ਚੁਣੇ

ਬਿਹਾਰ ਵਿੱਚ ਵਿਰੋਧੀ ਧਿਰ ‘ਮਹਾਗੱਠਜੋੜ’ ਦੇ ਕਾਨੂੰਨਸਾਜ਼ਾਂ ਨੇ ਅੱਜ ਰਾਸ਼ਟਰੀ ਜਨਤਾ ਦਲ (ਆਰ ਜੇ ਡੀ) ਦੇ ਤੇਜਸਵੀ ਯਾਦਵ ਨੂੰ ਵਿਧਾਨ ਸਭਾ ਵਿੱਚ ਸਰਬਸੰਮਤੀ ਨਾਲ ਗੱਠਜੋੜ ਦਾ ਨੇਤਾ ਚੁਣ ਲਿਆ। ਇਹ ਫ਼ੈਸਲਾ ਸੋਮਵਾਰ ਤੋਂ ਸ਼ੁਰੂ ਹੋ ਰਹੇ ਵਿਧਾਨ ਸੈਸ਼ਨ ਤੋਂ ਪਹਿਲਾਂ...

PTI

ਪਟਨਾ, 05:00 AM Nov 30, 2025 IST

ਬਿਹਾਰ ਵਿੱਚ ਵਿਰੋਧੀ ਧਿਰ ‘ਮਹਾਗੱਠਜੋੜ’ ਦੇ ਕਾਨੂੰਨਸਾਜ਼ਾਂ ਨੇ ਅੱਜ ਰਾਸ਼ਟਰੀ ਜਨਤਾ ਦਲ (ਆਰ ਜੇ ਡੀ) ਦੇ ਤੇਜਸਵੀ ਯਾਦਵ ਨੂੰ ਵਿਧਾਨ ਸਭਾ ਵਿੱਚ ਸਰਬਸੰਮਤੀ ਨਾਲ ਗੱਠਜੋੜ ਦਾ ਨੇਤਾ ਚੁਣ ਲਿਆ। ਇਹ ਫ਼ੈਸਲਾ ਸੋਮਵਾਰ ਤੋਂ ਸ਼ੁਰੂ ਹੋ ਰਹੇ ਵਿਧਾਨ ਸੈਸ਼ਨ ਤੋਂ ਪਹਿਲਾਂ ਇੱਥੇ ਬੁਲਾਈ ਮੀਟਿੰਗ ਵਿੱਚ ਲਿਆ ਗਿਆ। ਬਿਹਾਰ ਦੀ 243 ਮੈਂਬਰੀ ਵਿਧਾਨ ਸਭਾ ਦਾ ਸੈਸ਼ਨ ਪੰਜ ਦਿਨ ਚੱਲੇਗਾ। ਇਸ ਦੌਰਾਨ ਚੁਣੇ ਗਏ ਸਾਰੇ ਮੈਂਬਰ ਹਲਫ਼ ਲੈਣਗੇ। ਮੀਟਿੰਗ ਮਗਰੋਂ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਆਰ ਜੇ ਡੀ ਦੇ ਵਿਧਾਇਕ ਭਾਈ ਵੀਰੇਂਦਰ ਨੇ ਕਿਹਾ, ‘‘ਤੇਜਸਵੀ ਯਾਦਵ ਨੂੰ ਸੂਬਾਈ ਵਿਧਾਨ ਸਭਾ ਵਿੱਚ ‘ਮਹਾਗੱਠਜੋੜ ਦਾ ਨੇਤਾ ਚੁਣਿਆ ਗਿਆ ਹੈ। ਇਹ ਫ਼ੈਸਲਾ ਸਰਬਸੰਮਤੀ ਨਾਲ ਲਿਆ ਗਿਆ। ਉਹ ਅਸੈਂਬਲੀ ਵਿੱਚ ਸਾਡੀ ਪਾਰਟੀ ਦੇ ਵੀ ਨੇਤਾ ਹੋਣਗੇ।’’