ਅਧਿਆਪਕਾ ਨੇ 5 ਸਾਲ ਦੇ ਬੱਚੇ ਨੂੰ ‘ਅਨੁਸ਼ਾਸਿਤ’ ਕਰਨ ਲਈ ਦਰਖਤ ਨਾਲ ਲਟਕਾਇਆ

ਛੱਤੀਸਗੜ੍ਹ ਦੇ ਸੂਰਜਪੁਰ ਵਿੱਚ, ਇੱਕ ਨਿੱਜੀ ਸਕੂਲ ਦੇ ਅਧਿਆਪਕ ਨੇ 5 ਸਾਲ ਦੇ ਕੇਜੀ-2 ਦੇ ਵਿਦਿਆਰਥੀ ਨੂੰ ਆਪਣਾ ਘਰ ਦਾ ਕੰਮ (HOMEWORK) ਨਾ ਕਰਨ ’ਤੇ ਘੰਟਿਆਂ ਤੱਕ ਦਰੱਖਤ ਨਾਲ ਟੰਗ ਦਿੱਤਾ।

ਇਸ ਘਟਨਾ ਦਾ ਇੱਕ ਵੀਡੀਓ ਸਾਹਮਣੇ ਆਇਆ, ਜਿਸ ਨਾਲ ਮਾਪਿਆਂ ਵਿੱਚ ਰੋਸ ਫੈਲ ਗਿਆ। ਵੱਡੀ ਗਿਣਤੀ ਵਿੱਚ ਪਰਿਵਾਰਕ ਮੈਂਬਰਾਂ ਨੇ ਸਕੂਲ ਦੇ ਬਾਹਰ ਹੰਗਾਮਾ ਕੀਤਾ।

ਇਸ ਦੌਰਾਨ ਸਕੂਲ ਦੇ ਡਾਇਰੈਕਟਰ ਸੁਭਾਸ਼ ਸ਼ਿਵਹਰੇ ਨੇ ਇਸ ਘਟਨਾ ਨੂੰ ਮਾਮੁੂਲੀ ਦੱਸ ਕੇ ਖਾਰਜ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਬੱਚਾ ਪੜ੍ਹਾਈ ਵਿੱਚ ਕਮਜ਼ੋਰ ਸੀ ਅਤੇ ਅਜਿਹਾ ਉਸਨੂੰ ਆਪਣੀ ਪੜ੍ਹਾਈ ’ਤੇ ਧਿਆਨ ਕੇਂਦਰਿਤ ਕਰਨ ਤੋਂ ਡਰਾਉਣ ਲਈ ਕੀਤਾ ਗਿਆ ਸੀ ਅਤੇ ਇਸ ਤਰ੍ਹਾਂ ਉਸ ਬੱਚੇ ਨੂੰ ਸਿਰਫ਼ ਅਨੁਸ਼ਾਸਿਤ ਕਰਨ ਦੀ ਕੋਸ਼ਿਸ਼ ਕੀਤੀ ਸੀ।

ਇੱਕ ਪਿੰਡ ਵਾਸੀ ਨੇ ਇਸ ਘਟਨਾ ਦੀ ਵੀਡੀਓ ਬਣਾਈ ਜਦੋਂ ਬੱਚਾ ਦਰੱਖਤ ਨਾਲ ਲਟਕ ਰਿਹਾ ਸੀ। ਇਹ ਵੀਡੀਓ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਿਆ, ਜਿਸ ਨਾਲ ਮਾਪਿਆਂ ਦਾ ਗੁੱਸਾ ਭੜਕ ਗਿਆ। ਵੱਡੀ ਗਿਣਤੀ ਵਿੱਚ ਮਾਪੇ ਸਕੂਲ ਦੇ ਬਾਹਰ ਇਕੱਠੇ ਹੋ ਗਏ ਅਤੇ ਵਿਰੋਧ ਪ੍ਰਦਰਸ਼ਨ ਕੀਤਾ।