ਆਈਫੋਨ 17 ਖਰੀਦਣ ਲਈ ਦਿੱਲੀ ਤੇ ਮੁੰਬਈ ’ਚ ਲੱਗੀਆਂ ਕਤਾਰਾਂ

ਐਪਲ ਦੇ ਨਵੇਂ ਆਈਫੋਨ 17 ਦੀ ਅੱਜ ਤੋਂ ਪੂਰੇ ਭਾਰਤ ਵਿਚ ਵਿਕਰੀ ਸ਼ੁਰੂ ਹੋ ਗਈ ਹੈ। ਮੁੰਬਈ ਤੇ ਦਿੱਲੀ ਵਿੱਚ ਐਪਲ ਸਟੋਰ ਖੁੱਲ੍ਹਣ ਤੋਂ ਪਹਿਲਾਂ ਹੀ ਇਨ੍ਹਾਂ ਦੇ ਬਾਹਰ ਲੋਕਾਂ ਦੀਆਂ ਲੰਮੀਆਂ ਕਤਾਰਾਂ ਲੱਗ ਗਈਆਂ। ਕਈ ਲੋਕ ਮਹਾਰਾਸ਼ਟਰ ਦੇ ਬਾਹਰੋਂ...

PTI

ਮੁੰਬਈ, 04:07 AM Sep 20, 2025 IST

ਮੁੰਬਈ ਵਿੱਚ ਆਈਫੋਨ ਲੈਣ ਆਏ ਲੋਕ ਆਪਸ ’ਚ ਖਹਿਬੜਦੇ ਹੋਏ। -ਫੋਟੋ: ਪੀਟੀਆਈ

ਐਪਲ ਦੇ ਨਵੇਂ ਆਈਫੋਨ 17 ਦੀ ਅੱਜ ਤੋਂ ਪੂਰੇ ਭਾਰਤ ਵਿਚ ਵਿਕਰੀ ਸ਼ੁਰੂ ਹੋ ਗਈ ਹੈ। ਮੁੰਬਈ ਤੇ ਦਿੱਲੀ ਵਿੱਚ ਐਪਲ ਸਟੋਰ ਖੁੱਲ੍ਹਣ ਤੋਂ ਪਹਿਲਾਂ ਹੀ ਇਨ੍ਹਾਂ ਦੇ ਬਾਹਰ ਲੋਕਾਂ ਦੀਆਂ ਲੰਮੀਆਂ ਕਤਾਰਾਂ ਲੱਗ ਗਈਆਂ। ਕਈ ਲੋਕ ਮਹਾਰਾਸ਼ਟਰ ਦੇ ਬਾਹਰੋਂ ਫ਼ੋਨ ਖਰੀਦਣ ਆਏ ਸਨ।

ਅਹਿਮਦਾਬਾਦ ਤੋਂ ਆਈਫੋਨ ਖਰੀਦਣ ਮੁੰਬਈ ਆਏ ਇੱਕ ਨੌਜਵਾਨ ਨੇ ਕਿਹਾ ਕਿ ਉਹ ਹਰ ਵਾਰ ਨਵਾਂ ਆਈਫੋਨ ਲਾਂਚ ਹੋਣ ’ਤੇ ਇੱਥੇ ਆਉਂਦਾ ਹੈ। ਉਹ ਸਵੇਰੇ 5 ਵਜੇ ਤੋਂ ਫ਼ੋਨ ਖਰੀਦਣ ਲਈ ਕਤਾਰ ਵਿੱਚ ਖੜ੍ਹਾ ਹੈ। ਜ਼ਿਕਰਯੋਗ ਹੈ ਕਿ ਐਪਲ ਨੇ 9 ਸਤੰਬਰ ਨੂੰ ਆਈਫੋਨ 17 ਸੀਰੀਜ਼ ਲਾਂਚ ਕੀਤੀ ਸੀ। ਇਸ ਦੀ ਸ਼ੁਰੂਆਤੀ ਕੀਮਤ 82,900 ਰੁਪਏ ਹੈ।