ਨੌਇਡਾ: ਬੀਐੱਮਡਬਲਿਊ ਕਾਰ ਨੇ ਸਕੂਟਰ ਨੂੰ ਟੱਕਰ ਮਾਰੀ, 5 ਸਾਲਾ ਲੜਕੀ ਦੀ ਮੌਤ

ਬੱਚੀ ਦਾ ਪਿਤਾ ਤੇ ਰਿਸ਼ਤੇਦਾਰ ਜ਼ਖ਼ਮੀ; ਕਾਰ ਦੇ ਚਾਲਕ ਸਮੇਤ ਦੋ ਜਣੇ ਗ੍ਰਿਫ਼ਤਾਰ

PTI

ਨੌਇਡਾ, 03:35 PM Jul 27, 2025 IST

ਸਕੂਟਰ ਨੂੰ ਟੱਕਰ ਮਾਰਨ ਵਾਲੀ ਬੀਐੱਮਡਬਲਿਊ ਕਾਰ।

ਨੌਇਡਾ ਦੇ ਸੈਕਟਰ 20 ਵਿਚ ਸ਼ਨਿੱਚਰਵਾਰ ਦੇਰ ਰਾਤ ਤੇਜ਼ ਰਫ਼ਤਾਰ ਬੀਐੱਮਡਬਲਿਊ ਕਾਰ ਨੇ ਸਕੂਟਰ ਨੂੰ ਜ਼ੋਰਦਾਰ ਟੱਕਰ ਮਾਰੀ। ਹਾਦਸੇ ਵਿਚ ਪੰਜ ਸਾਲਾ ਲੜਕੀ ਦੀ ਮੌਤ ਹੋ ਗਈ ਜਦੋਂਕਿ ਦੋ ਹੋਰ ਜਣੇ ਜ਼ਖ਼ਮੀ ਹੋ ਗਏ। ਇਹ ਹਾਦਸਾ ਸੈਕਟਰ 30 ਵਿਚ ਪੋਸਟ ਗਰੈਜੂਏਟ ਇੰਸਟੀਚਿਊਟ ਆਫ਼ ਚਾਈਲ ਹੈਲਥ ਦੇ ਬਾਹਰ ਵਾਪਰਿਆ।

ਪੀੜਤ ਲੜਕੀ ਆਪਣੇ ਪਿਤਾ ਤੇ ਇਕ ਹੋਰ ਰਿਸ਼ਤੇਦਾਰ ਨੇ ਇਲਾਜ ਲਈ ਹਸਪਤਾਲ ਆਈ ਸੀ। ਲੜਕੀ ਦੀ ਪਛਾਣ ਆਇਤ ਵਜੋਂ ਹੋਈ ਹੈ ਜਦੋਂਕਿ ਗੁਲ ਮੁਹੰਮਦ ਤੇ ਰਾਜਾ ਹਾਦਸੇ ਵਿਚ ਜ਼ਖ਼ਮੀ ਹੋ ਗਏ।

ਪੁਲੀਸ ਨੇ ਕਾਰ ਦੇ ਡਰਾਈਵਰ ਤੇ ਇਸ ਵਿਚ ਸਵਾਰ ਮੁਸਾਫ਼ਰ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਦੋਵਾਂ ਖਿਲਾਫ਼ ਸੈਕਟਰ 20 ਪੁਲੀਸ ਥਾਣੇ ਵਿੱਚ ਲਾਪਰਵਾਹੀ ਨਾਲ ਗੱਡੀ ਚਲਾਉਣ ਅਤੇ ਲਾਪਰਵਾਹੀ ਨਾਲ ਮੌਤ ਦੇ ਦੋਸ਼ਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਦੋਵਾਂ ਦੀ ਪਛਾਣ ਯਸ਼ ਸ਼ਰਮਾ (22) ਤੇ ਅਭਿਸ਼ੇਕ ਰਾਵਤ (22) ਵਾਸੀ ਸੈਕਟਰ 70 ਵਜੋਂ ਹੋਈ ਹੈ।