ਝਾਰਖੰਡ: ਗ੍ਰਿਫ਼ਤਾਰ ਕੀਤੇ ਬੀ ਐੱਸ ਐੱਫ ਜਵਾਨ ਵੱਲੋਂ ਥਾਣੇ ਅੰਦਰ ਖ਼ੁਦਕੁਸ਼ੀ

ਝਾਰਖੰਡ ਦੇ ਖੁੰਟੀ ਜ਼ਿਲ੍ਹੇ ’ਚ ਨਾਬਾਲਗ ਨਾਲ ਜਬਰ-ਜਨਾਹ ਦੀ ਕੋਸ਼ਿਸ਼ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤੇ ਬੀ ਐੱਸ ਐੱਫ ਦੇ 32 ਸਾਲਾ ਜਵਾਨ ਨੇ ਅੱਜ ਥਾਣੇ ਅੰਦਰ ਕਥਿਤ ਤੌਰ ’ਤੇ ਖ਼ੁਦਕੁਸ਼ੀ ਕਰ ਲਈ ਹੈ। ਖੁੰਟੀ ਦੇ ਐੱਸ ਪੀ ਮਨੀਸ਼ ਟੋਪੋ ਨੇ...

PTI

ਖੁੰਟੀ, 03:00 AM Oct 01, 2025 IST

ਝਾਰਖੰਡ ਦੇ ਖੁੰਟੀ ਜ਼ਿਲ੍ਹੇ ’ਚ ਨਾਬਾਲਗ ਨਾਲ ਜਬਰ-ਜਨਾਹ ਦੀ ਕੋਸ਼ਿਸ਼ ਦੇ ਦੋਸ਼ ਹੇਠ ਗ੍ਰਿਫ਼ਤਾਰ ਕੀਤੇ ਬੀ ਐੱਸ ਐੱਫ ਦੇ 32 ਸਾਲਾ ਜਵਾਨ ਨੇ ਅੱਜ ਥਾਣੇ ਅੰਦਰ ਕਥਿਤ ਤੌਰ ’ਤੇ ਖ਼ੁਦਕੁਸ਼ੀ ਕਰ ਲਈ ਹੈ। ਖੁੰਟੀ ਦੇ ਐੱਸ ਪੀ ਮਨੀਸ਼ ਟੋਪੋ ਨੇ ਦੱਸਿਆ ਕਿ ਮੁੜੂ ਥਾਣੇ ਅਧੀਨ ਪੈਂਦੇ ਮੇਰਾਲ ਪਿੰਡ ਦੇ ਵਸਨੀਕ ਜਵਾਨ ਨੇ ਮਾਹਿਲ ਪਿੰਡ ਦੀ 14 ਸਾਲਾ ਲੜਕੀ ਨਾਲ ਕਥਿਤ ਤੌਰ ’ਤੇ ਜਬਰ-ਜਨਾਹ ਦੀ ਕੋਸ਼ਿਸ਼ ਕੀਤੀ ਸੀ। ਲੜਕੀ ਨੇ ਜਦੋਂ ਰੌਲਾ ਪਾਇਆ ਤਾਂ ਮੁਲਜ਼ਮ ਮੌਕੇ ਤੋਂ ਭੱਜ ਗਿਆ। ਬਾਅਦ ਵਿੱਚ ਲੜਕੀ ਦੇ ਪਰਿਵਾਰਕ ਮੈਂਬਰਾਂ ਨੇ ਮੁਲਜ਼ਮ ਨੂੰ ਦਰੱਖਤ ਨਾਲ ਬੰਨ੍ਹ ਕੇ ਕੁੱਟਿਆ ਤੇ ਪੁਲੀਸ ਹਵਾਲੇ ਕਰ ਦਿੱਤਾ। ਅੱਜ ਸਵੇਰੇ ਮੁਲਜ਼ਮ ਨੇ ਥਾਣੇ ਦੇ ਪਖਾਨੇ ਅੰਦਰ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ। ਮੁੜੂ ਥਾਣੇ ਦੇ ਇੰਚਾਰਜ ਰਾਮਦੇਵ ਯਾਦਵ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।