punjab news: ਜ਼ਿਲ੍ਹਾ ਪਠਾਨਕੋਟ ’ਚ ਹੜ੍ਹ ਵਾਲੇ ਹਾਲਾਤ ਬਣੇ; ਪ੍ਰਸ਼ਾਸਨ ਨੇ ਪਠਾਨਕੋਟ ਦੇ ਚੱਕੀ ਪੁਲ ਤੋਂ ਆਵਾਜਾਈ ਬੰਦ ਕੀਤੀ

ਇਸ ਦੇ ਇਲਾਵਾ ਰਣਜੀਤ ਸਾਗਰ ਡੈਮ ਦੀ ਝੀਲ ਵਿੱਚ ਹਿਮਾਚਲ ਦੇ ਚਮੇਰਾ ਪ੍ਰਾਜੈਕਟ ਦੀ ਤਰਫੋਂ ਭਾਰੀ ਮਾਤਰਾ ਵਿੱਚ ਤੇਜ਼ੀ ਨਾਲ ਪਾਣੀ ਦੀ ਆਮਦ ਹੋਣ ਨਾਲ ਇੱਕ ਦਿਨ ਵਿੱਚ ਹੀ ਸਾਢੇ 22 ਕਿਲੋਮੀਟਰ ਲੰਬਾਈ ਵਾਲੀ ਝੀਲ ਵਿੱਚ ਪਾਣੀ ਦਾ ਪੱਧਰ ਪੌਣੇ 2 ਮੀਟਰ ਤੋਂ ਵੱਧ ਵਧ ਗਿਆ। ਅੱਜ ਸ਼ਾਮ ਨੂੰ ਝੀਲ ਦਾ ਪੱਧਰ 526.156 ਮੀਟਰ ਤੱਕ ਪੁੱਜ ਗਿਆ ਜੋ ਖਤਰੇ ਦੇ ਨਿਸ਼ਾਨ ਤੋਂ ਸਿਰਫ 1.75 ਮੀਟਰ ਹੇਠਾਂ ਹੈ। ਜੇਕਰ ਇਸੇ ਤਰ੍ਹਾਂ ਪਾਣੀ ਦੀ ਆਮਦ ਹੁੰਦੀ ਰਹੀ ਤਾਂ ਕਿਸੇ ਵੀ ਸਮੇਂ ਡੈਮ ਦੇ ਸਪਿੱਲ ਵੇਅ ਦੇ ਫਲੱਡ ਗੇਟ ਖੋਲ੍ਹੇ ਜਾ ਸਕਦੇ ਹਨ। ਡੈਮ ਪ੍ਰਸ਼ਾਸਨ ਨੇ ਸਾਇਰਨ ਵਜਾ ਕੇ ਲੋਕਾਂ ਨੂੰ ਚੌਕਸ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਡੈਮ ਦੇ ਐਕਸੀਅਨ ਗਗਨਦੀਪ ਨੇ ਦੱਸਿਆ ਕਿ ਡੈਮ ਦੇ ਉਪਰ ਵਾਲੇ ਪਾਸੇ ਹਿਮਾਚਲ ਪ੍ਰਦੇਸ਼ ਦੇ ਚਮੇਰਾ ਪ੍ਰਾਜੈਕਟ ਤੋਂ ਰੇਡੀਅਲ ਗੇਟ ਖੋਲ੍ਹ ਕੇ 80 ਹਜ਼ਾਰ 219 ਕਿਊਸਿਕ ਪਾਣੀ ਝੀਲ ਦੀ ਤਰਫ ਭੇਜਿਆ ਜਾ ਰਿਹਾ ਹੈ। ਇਸ ਕਰਕੇ ਡੈਮ ਦੇ ਚਾਰੇ ਯੂਨਿਟ ਚਲਾ ਕੇ 600 ਮੈਗਾਵਾਟ ਬਿਜਲੀ ਉਤਪਾਦਨ ਪੈਦਾ ਕੀਤਾ ਜਾ ਰਿਹਾ ਹੈ ਅਤੇ 20 ਹਜ਼ਾਰ 334 ਕਿਊਸਿਕ ਪਾਣੀ ਹੀ ਹੇਠਾਂ ਦੀ ਤਰਫ ਮਾਧੋਪੁਰ ਹੈਡਵਰਕਸ ਵੱਲ ਛੱਡਿਆ ਜਾ ਰਿਹਾ ਹੈ। ਸਪਿੱਲ ਵੇਅ ਦੇ ਗੇਟਾਂ ਦੇ ਖੋਲ੍ਹਣ ਸਬੰਧੀ ਪੁੱਛੇ ਸਵਾਲ ਦੇ ਜਵਾਬ ਵਿੱਚ ਉਨ੍ਹਾਂ ਕਿਹਾ ਕਿ ਅਧਿਕਾਰੀਆਂ ਦੀਆਂ ਮੀਟਿੰਗਾਂ ਚੱਲ ਰਹੀਆਂ ਹਨ ਅਤੇ ਜਦ ਵੀ ਉਪਰੋਂ ਕੋਈ ਆਦੇਸ਼ ਆਵੇਗਾ ਤਾਂ ਗੇਟ ਖੋਲ੍ਹ ਦਿੱਤੇ ਜਾਣਗੇ।