ਸੀ ਪੀ ਆਈ (ਮਾਓਵਾਦੀ) ਦੀ ਸੁਰਜੀਤੀ ’ਚ ਮੁਲਜ਼ਮ ਖ਼ਿਲਾਫ਼ ਚਾਰਜਸ਼ੀਟ ਦਾਇਰ

ਕੌਮੀ ਜਾਂਚ ਏਜੰਸੀ (ਐੱਨ ਆਈ ਏ) ਨੇ ਪਾਬੰਦੀਸ਼ੁਦਾ ਸੀ ਪੀ ਆਈ (ਮਾਓਵਾਦੀ) ਦੇ ਪ੍ਰਭਾਵ ਵਾਲੇ ਉੱਤਰ-ਪੂਰਬੀ ਸੂਬਿਆਂ ਵਿੱਚ ਸੰਗਠਨ ਨੂੰ ਸੁਰਜੀਤ ਕਰਨ ਦੀਆਂ ਕੋਸ਼ਿਸ਼ਾਂ ਸਬੰਧੀ ਮਾਮਲੇ ’ਚ ਮੁਲਜ਼ਮ ਖ਼ਿਲਾਫ਼ ਦੋਸ਼ ਪੱਤਰ ਦਾਇਰ ਕੀਤਾ ਹੈ। ਐੱਨ ਆਈ ਏ ਨੇ ਬਿਆਨ ’ਚ ਕਿਹਾ ਕਿ ਗ੍ਰਿਫ਼ਤਾਰ ਮੁਲਜ਼ਮ ਵਿਸ਼ਾਲ ਸਿੰਘ ਉਰਫ਼ ਸੂਰਜ ਵਾਸੀ ਮਥੁਰਾ (ਉੱਤਰ ਪ੍ਰਦੇਸ਼) ਦਾ ਨਾਮ ਲਖਨਊ ਦੀ ਅਦਾਲਤ ’ਚ ਦਾਖਲ ਕੀਤੀ ਚਾਰਜਸ਼ੀਟ ਵਿੱਚ ਹੈ। ਇਸ ਮਾਮਲੇ ’ਚ ਉਹ ਦੂਜਾ ਮੁਲਜ਼ਮ ਹੈ, ਜਿਸ ਖ਼ਿਲਾਫ਼ ਚਾਰਜਸ਼ੀਟ ਦਾਇਰ ਕੀਤੀ ਗਈ ਹੈ। ਵਿਸ਼ਾਲ ਸੀ ਪੀ ਆਈ (ਮਾਓਵਾਦੀ) ਦੇ ਆਗੂਆਂ, ਕਾਰਕੁਨਾਂ ਤੇ ਸਮਰਥਕਾਂ ਜਾਂ ਸਰਗਰਮ ਵਰਕਰਾਂ ਵੱਲੋਂ ਉੱਤਰ ਪ੍ਰਦੇਸ਼, ਉੱਤਰਾਖੰਡ, ਦਿੱਲੀ, ਪੰਜਾਬ, ਹਰਿਆਣਾ ਤੇ ਹਿਮਾਚਲ ਪ੍ਰਦੇਸ਼ ਵਰਗੇ ਉੱਤਰੀ ਖੇਤਰੀ ਬਿਊਰੋ (ਐੱਨ ਆਰ ਬੀ) ਸੂਬਿਆਂ ਵਿੱਚ ਸੰਗਠਨ ਨੂੰ ਮੁੜ ਮਜ਼ਬੂਤ ਕਰਨ ਦੀਆਂ ਕੋਸ਼ਿਸ਼ ’ਚ ਸ਼ਾਮਲ ਸੀ। ਐੱਨ ਆਈ ਏ ਨੇ ਇਸ ਮਾਮਲੇ ’ਚ ਫਰਵਰੀ ਮਹੀਨੇ ਅਜੈ ਸਿੰਘ ਉਰਫ਼ ਅਮਨ ਖ਼ਿਲਾਫ਼ ਚਾਰਜਸ਼ੀਟ ਦਾਇਰ ਕੀਤੀ ਸੀ।