ਬਿਹਾਰ ਦੀ ਆਖ਼ਰੀ ਵੋਟਰ ਸੂਚੀ ਅੱਜ ਹੋਵੇਗੀ ਪ੍ਰਕਾਸ਼ਿਤ

ਅਗਲੇ ਹਫ਼ਤੇ ਚੋਣ ਪ੍ਰੋਗਰਾਮ ਦਾ ਐਲਾਨ ਸੰਭਵ

PTI

ਨਵੀਂ ਦਿੱਲੀ, 04:27 AM Sep 30, 2025 IST

ਬਿਹਾਰ ਦੀ ਆਖਰੀ ਵੋਟਰ ਸੂਚੀ ਭਲਕੇ 30 ਸਤੰਬਰ ਨੂੰ ਪ੍ਰਕਾਸ਼ਿਤ ਕੀਤੀ ਜਾਵੇਗੀ ਅਤੇ ਚੋਣ ਕਮਿਸ਼ਨ ਅਗਲੇ ਹਫ਼ਤੇ ਇਸ ਅਹਿਮ ਰਾਜ ਦੇ ਚੋਣ ਪ੍ਰੋਗਰਾਮ ਦਾ ਐਲਾਨ ਕਰ ਸਕਦਾ ਹੈ।

ਚੋਣ ਅਧਿਕਾਰੀ ਚੋਣਾਂ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲੈਣ ਲਈ 4 ਤੇ 5 ਅਕਤੂਬਰ ਨੂੰ ਪਟਨਾ ਦਾ ਦੌਰਾ ਕਰਨਗੇ। ਸੂਤਰਾਂ ਅਨੁਸਾਰ ਵਿਧਾਨ ਸਭਾ ਚੋਣ ਪ੍ਰੋਗਰਾਮ ਦਾ ਐਲਾਨ ਅਗਲੇ ਹਫ਼ਤੇ ਹੋਣ ਦੀ ਸੰਭਾਵਨਾ ਹੈ। ਚੋਣਾਂ ਦਾ ਪਹਿਲਾ ਗੇੜ ਅਕਤੂਬਰ ਦੇ ਅਖੀਰ ’ਚ ਛਠ ਪੂਜਾ ਤੋਂ ਤੁਰੰਤ ਬਾਅਦ ਹੋਣ ਦੀ ਸੰਭਾਵਨਾ ਹੈ। ਚੋਣ ਕਮਿਸ਼ਨ ਬਿਹਾਰ ਤੇ ਕੁਝ ਵਿਧਾਨ ਸਭਾ ਉਪ ਚੁਣਾਂ ਲਈ 470 ਆਬਜ਼ਰਵਰ ਤਾਇਨਾਤ ਕਰ ਰਿਹਾ ਹੈ। ਆਮ, ਪੁਲੀਸ ਤੇ ਖਰਚਾ ਆਬਜ਼ਰਵਰਾਂ ਦੀ ਮੀਟਿੰਗ 3 ਅਕਤੂਬਰ ਨੂੰ ਹੋਵੇਗੀ। 243 ਮੈਂਬਰੀ ਬਿਹਾਰ ਵਿਧਾਨ ਸਭਾ ਦਾ ਕਾਰਜਕਾਲ 22 ਨਵੰਬਰ ਨੂੰ ਖਤਮ ਹੋ ਰਿਹਾ ਹੈ।