Harbhajan Singh ਤੇ ਐਕਸ ਯੂਜ਼ਰ ਵਿਚਾਲੇ ਬਹਿਸ, ਸਾਬਕਾ ਕ੍ਰਿਕਟਰ ਨੇ ਐੱਫਆਈਆਰ ਦਰਜ ਕਰਵਾਈ
ਪੰਜਾਬੀ ਟ੍ਰਿਬਿਊਨ ਵੈੱਡ ਡੈਸਕ
ਚੰਡੀਗੜ੍ਹ, 26 ਫਰਵਰੀ
ਸਾਬਕਾ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਘ ਤੇ ‘ਰੈਂਡਮਸੇਨਾ’ ਨਾਂ ਹੇਠ ਐਕਸ ਖਾਤਾ ਚਲਾਉਂਦੇ ਯੂਜ਼ਰ ਵਿਚਾਲੇ ਆਨਲਾਈਨ ਬਹਿਸ ਛਿੜਨ ਮਗਰੋਂ ਸਾਬਕਾ ਸਪਿੰਨਰ ਨੇ ਯੂਜ਼ਰ ਖਿਲਾਫ਼ ਐਫਆਈਆਰ ਦਰਜ ਕਰਵਾਈ ਹੈ। ਹਰਭਜਨ ਨੇ ਯੂਜ਼ਰ ਵੱਲੋਂ ਹਿੰਦੀ ਵਿੱਚ ਕੀਤੀਆਂ ਤਲਖ਼ ਟਿੱਪਣੀਆਂ ਦਾ ਜਵਾਬ ਦਿੰਦਿਆਂ ਉਸ ਨੂੰ ‘ਮਾਨਸਿਕ ਤੌਰ ’ਤੇ ਦੀਵਾਲੀਆ’ ਵੀ ਦੱਸਿਆ। ਜਵਾਬ ਵਿੱਚ, ਯੂਜ਼ਰ ਨੇ ਹਰਭਜਨ ਤੋਂ ‘ਖਾਲਿਸਤਾਨ ਮੁਰਦਾਬਾਦ’ ਕਹਿਣ ਦੀ ਮੰਗ ਵੀ ਕੀਤੀ।
ਸਾਬਕਾ ਕ੍ਰਿਕਟਰ ਤੇ ਐਕਸ ਯੂਜ਼ਰ ਦਰਮਿਆਨ ਟਕਰਾਅ, ਹਰਭਜਨ ਵੱਲੋਂ ਇੰਸਟਾਗ੍ਰਾਮ ’ਤੇ ਇਕ ਸਟੋਰੀ ਸ਼ੇਅਰ ਕਰਨ ਨਾਲ ਸ਼ੁਰੂ ਹੋਇਆ। ਜਦੋਂ ਐਕਸ ਯੂਜ਼ਰ ਨੇ ਹਰਭਜਨ ਨੂੰ ‘ਖਾਲਿਸਤਾਨ ਮੁਰਦਾਬਾਦ’ ਕਹਿਣ ਲਈ ਕਿਹਾ ਅਤੇ ਦੂਜਿਆਂ ਨੂੰ ਸਾਬਕਾ ਕ੍ਰਿਕਟਰ ਦੇ ਜਵਾਬ ਤੱਕ ਰੀਟਵੀਟ ਕਰਦੇ ਰਹਿਣ ਲਈ ਉਤਸ਼ਾਹਿਤ ਕੀਤਾ।
100 बात की 1 बात, अगर हरभजन सिंह सच्चा देशभक्त है तो वो एक बार खालिस्तान मुर्दाबाद ट्वीट कर दे, मैं उससे माफ़ी मांग लूंगा।
लेकिन वो बात को घुमायेगा लेकिन खालिस्तान मुर्दाबाद नहीं बोलेगा।
जब तक ये ट्वीट @harbhajan_singh ना पढ ले तब तक रीट्वीट करते रहो pic.twitter.com/FpaQ8C7mvC
— Randomsena (@randomsena) February 25, 2025
ਯੂਜ਼ਰ ਨੇ ਮਗਰੋਂ ਹਰਭਜਨ ’ਤੇ ਪਾਕਿਸਤਾਨ ਦੀ ਹਮਾਇਤ ਕਰਨ ਦਾ ਦੋਸ਼ ਲਗਾਇਆ ਤੇ ਮੁੜ ਮੰਗ ਕੀਤੀ ਕਿ ਉਹ ‘ਖਾਲਿਸਤਾਨ ਮੁਰਦਾਬਾਦ’ ਕਹੇ। ਹਰਭਜਨ ਨੇ ਬਾਅਦ ਵਿਚ ਦੱਸਿਆ ਕਿ ਬਦਸਲੂਕੀ ਲਈ ਯੂਜ਼ਰ ਦੇ ਖਾਤੇ ਵਿਰੁੱਧ ਐੱਫਆਈਆਰ ਦਰਜ ਕਰਵਾਈ ਗਈ ਹੈ।
तेरी यह गंदी भाषा से यह बात तो पक्की है तू कोई घुसपैठिया है । क्योंकि हमारे यहाँ ऐसे बात नहीं करते। बाकी जो तूने कूल बनने के लिए गालियाँ मुझे बकी है उसकी रिकार्डिंग कर ली गई थी । और FIR करवा दी गई है https://t.co/kQ5F7mKRIf
— Harbhajan Turbanator (@harbhajan_singh) February 25, 2025
ਐਕਸ ਯੂਜ਼ਰ ਦੀ ਪਛਾਣ ਬਿਹਾਰ ਦੇ ਅਭਿਸ਼ੇਕ ਸਿੰਘ ਵਜੋਂ ਹੋਈ ਹੈ। ਫ਼੍ਰੀਪ੍ਰੈੱਸਜਰਨਲ ਦੀ ਰਿਪੋਰਟ ਮੁਤਾਬਕ ਅਭਿਸ਼ੇਕ ਨੇ ਕਥਿਤ ਪ੍ਰਤੀ ਮਹੀਨਾ 50,000 ਰੁਪਏ ਕਮਾਏ, ਪਰ ਫਿਰ ਉਸ ਨੇ ਇਕ ਹੋਰ ਕੰਮ ਜਿਸ ਨੂੰ ਉਹ ‘ਰੇਡ’ ਦੱਸਦਾ ਸੀ, ਲਈ ਆਪਣੀ ਨੌਕਰੀ ਛੱਡ ਦਿੱਤੀ। ਰਿਪੋਰਟ ਮੁਤਾਬਕ ਉੁਹ ਕਿਸੇ ਕਾਨੂੰਨ ਏਜੰਸੀ ਲਈ ਕੰਮ ਨਹੀਂ ਕਰਦਾ ਸੀ ਅਤੇ ਮੁੱਖ ਤੌਰ ’ਤੇ ਉਨ੍ਹਾਂ ਲੋਕਾਂ ਨੂੰ ਨਿਸ਼ਾਨਾ ਬਣਾਉਂਦਾ ਸੀ, ਜੋ ਹਿੰਦੂ ਦੇਵੀ ਦੇਵਤਿਆਂ ਜਾਂ ਹਿੰਦੂਆਂ ਦੀ ਨੁਕਤਾਚੀਨੀ ਲਈ ਕੋਈ ਟਵੀਟ ਕਰਦੇ ਸਨ ਅਤੇ ਪੁਲੀਸ ਨੂੰ ਅਜਿਹੇ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰਨ ਲਈ ਹੱਲਾਸ਼ੇਰੀ ਦਿੰਦਾ ਸੀ।
ਉਸ ਦਾ ਇੰਸਟਾਗ੍ਰਾਮ ਖਾਤਾ ਮੁਅੱਤਲ ਕੀਤੇ ਜਾਣ ਮਗਰੋਂ ਉਸ ਨੇ ਇਕ ਟਵੀਟ ਟੈਗ ਕਰਕੇ ਕੇਂਦਰੀ ਮੰਤਰੀ ਅਨੁਰਾਗ ਠਾਕੁਰ ਦਾ ਦਖ਼ਲ ਮੰਗਿਆ ਸੀ। ਉਸ ਦਾ ਇਹ ਖਾਤਾ ਫਰਵਰੀ 2020 ਵਿਚ ਨਾਗਰਿਕਤਾ ਸੋਧ ਐਕਟ ਖਿਲਾਫ਼ ਰੋਸ ਮੁਜ਼ਾਹਰਿਆਂ ਦੌਰਾਨ ਬਣਿਆ ਸੀ। ਉਸ ਨੇ ਸੋਸ਼ਲ ਮੀਡੀਆ ’ਤੇ ਕਈ ਭੜਕਾਊ ਪੋਸਟਾਂ ਵੀ ਪਾਈਆਂ।
