ਰੇਲ ਗੱਡੀ ਹੇਠਾਂ ਆਉਣ ਕਾਰਨ ਔਰਤ ਦੀਆਂ ਲੱਤਾਂ ਕੱਟੀਆਂ

ਮੁਕਤਸਰ ਵਿੱਚ ਐਤਵਾਰ ਦੁਪਹਿਰ ਸਮੇਂ ਰੇਲ ਗੱਡੀ ਹੇਠਾਂ ਆਉਣ ਕਾਰਨ ਇਕ ਔਰਤ ਦੀਆਂ ਲੱਤਾਂ ਕੱਟੀਆਂ ਗਈਆਂ। ਇਕੱਤਰ ਜਾਣਕਾਰੀ ਅਨੁਸਾਰ ਬਬੀਤਾ ਪਤਨੀ ਰਾਜ ਕੁਮਾਰ ਵਾਸੀ ਗਲੀ ਨੰਬਰ 2 ਗਾਂਧੀ ਨਗਰ ਨੇੜੇ ਡੇਰਾ ਬਾਬਾ ਬੱਗੂ ਭਗਤ ਜੋ ਕਿ ਰੇਲਵੇ ਸਟੇਸ਼ਨ ਦੇ ਸਾਹਮਣੇ...

nijji patar prerak

ਸ੍ਰੀ ਮੁਕਤਸਰ ਸਾਹਿਬ, 05:50 AM Oct 20, 2025 IST

ਮੁਕਤਸਰ ਵਿੱਚ ਐਤਵਾਰ ਦੁਪਹਿਰ ਸਮੇਂ ਰੇਲ ਗੱਡੀ ਹੇਠਾਂ ਆਉਣ ਕਾਰਨ ਇਕ ਔਰਤ ਦੀਆਂ ਲੱਤਾਂ ਕੱਟੀਆਂ ਗਈਆਂ। ਇਕੱਤਰ ਜਾਣਕਾਰੀ ਅਨੁਸਾਰ ਬਬੀਤਾ ਪਤਨੀ ਰਾਜ ਕੁਮਾਰ ਵਾਸੀ ਗਲੀ ਨੰਬਰ 2 ਗਾਂਧੀ ਨਗਰ ਨੇੜੇ ਡੇਰਾ ਬਾਬਾ ਬੱਗੂ ਭਗਤ ਜੋ ਕਿ ਰੇਲਵੇ ਸਟੇਸ਼ਨ ਦੇ ਸਾਹਮਣੇ ਚਾਹ ਦਾ ਕੰਮ ਕਰਦੀ ਸੀ। ਇੱਥੇ ਲੇਬਰ ਪੱਲੇਦਾਰਾਂ ਨੂੰ ਚਾਹ ਬਣਾ ਕੇ ਜਦੋਂ ਉਹ ਔਰਤ ਗੱਡੀ ਦੇ ਹੇਠਾਂ ਤੋਂ ਲੰਘਣ ਲੱਗੀ ਤਾਂ ਗੱਡੀ ਚੱਲ ਪਈ ਤੇ ਉਸ ਦੀਆਂ ਦੋਵੇਂ ਲੱਤਾਂ ਕੱਟੀਆਂ ਗਈਆਂ। ਇਸ ਦੌਰਾਨ ਉਸ ਨੂੰ ਜੀਪੀਆਰ ਨੇ ਸਰਕਾਰੀ ਹਸਪਤਾਲ ਪਹੁੰਚਾਇਆ, ਜਿੱਥੇ ਉਸਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਉੱਧਰ ਰੇਲਵੇ ਪੁਲਿਸ ਦੇ ਏ ਐੱਸ ਆਈ ਜਗਤਾਰ ਸਿੰਘ ਨੇ ਕਿਹਾ ਕਿ ਮਾਲ ਗੱਡੀ ਦੀ ਸਾਂਟਿੰਗ ਹੋ ਰਹੀ ਸੀ ਕਿ ਇਸ ਦੌਰਾਨ ਔਰਤ ਗੱਡੀ ਦੇ ਹੇਠੋਂ ਲੰਘ ਰਹੀ ਸੀ ਉਸ ਨੂੰ ਰੋਕਣ ਲਈ ਆਵਾਜ਼ਾਂ ਵੀ ਮਾਰੀਆਂ ਪਰ ਗੱਡੀ ਜਦ ਪਿੱਛੇ ਹੋਈ ਤਾਂ ਉਹ ਹੇਠਾਂ ਆ ਗਈ ਜਿਸ ਕਾਰਨ ਉਸਦੀਆਂ ਦੋਵੇਂ ਲੱਤਾਂ ਕੱਟੀਆਂ ਗਈਆਂ।