ਮੰਦਰ ਦੀ ਉਸਾਰੀ 4 ਤੋਂ

ਇੱਥੇ 4 ਦਸੰਬਰ ਨੂੰ ਸ੍ਰੀ ਸ਼ਿਆਮ ਸੇਵਾ ਟਰੱਸਟ ਅਤੇ ਸ਼ਹਿਰੀ ਵਾਸੀਆਂ ਦੇ ਸਹਿਯੋਗ ਨਾਲ ਸ੍ਰੀ ਸ਼ਿਆਮ ਬਾਬਾ ਖਾਟੂ ਵਾਲੇ ਦੇ ਵਿਸ਼ਾਲ ਮੰਦਰ ਦੀ ਉਸਾਰੀ ਸ਼ੁਰੂ ਹੋ ਰਹੀ ਹੈ। ਇਸ ਸਮੇਂ ਸ਼ਹਿਰ ਦੇ ਰੈਸਟ ਹਾਊਸ ਰੋਡ ਡੀ ਡੀ ਫੋਰਟ ਪੈਲੇਸ ਦੇ...

Pattar Parerak

ਮਾਨਸਾ, 04:46 AM Nov 30, 2025 IST

ਇੱਥੇ 4 ਦਸੰਬਰ ਨੂੰ ਸ੍ਰੀ ਸ਼ਿਆਮ ਸੇਵਾ ਟਰੱਸਟ ਅਤੇ ਸ਼ਹਿਰੀ ਵਾਸੀਆਂ ਦੇ ਸਹਿਯੋਗ ਨਾਲ ਸ੍ਰੀ ਸ਼ਿਆਮ ਬਾਬਾ ਖਾਟੂ ਵਾਲੇ ਦੇ ਵਿਸ਼ਾਲ ਮੰਦਰ ਦੀ ਉਸਾਰੀ ਸ਼ੁਰੂ ਹੋ ਰਹੀ ਹੈ। ਇਸ ਸਮੇਂ ਸ਼ਹਿਰ ਦੇ ਰੈਸਟ ਹਾਊਸ ਰੋਡ ਡੀ ਡੀ ਫੋਰਟ ਪੈਲੇਸ ਦੇ ਨਾਲ ਮੰਦਰ ਦੀ ਉਸਾਰੀ ਦਾ ਸ਼ੁਭ ਆਰੰਭ ਭੂਮੀ ਪੂਜਨ ਅਤੇ ਭੂਮੀ ਦਾਨ ਕਰ ਕੇ ਕੀਤਾ ਜਾਵੇਗਾ।ਇਸ ਮੌਕੇ ਭੂਮੀ ਪੂਜਨ ਸਮਾਗਮ ਵਿਚ ਵੱਖ-ਵੱਖ ਭਜਨ ਮੰਡਲੀਆਂ ਵੱਲੋਂ ਪ੍ਰਭੂ ਦਾ ਗੁਣਗਾਣ ਕੀਤਾ ਜਾਵੇਗਾ। ਇਸ ਮੌਕੇ ਭਜਨ ਗਾਇਕ ਬਬਲੀ ਸ਼ਰਮਾ ਬਠਿੰਡਾ ਪਹੁੰਚਣਗੇ ਜਦੋਂਕਿ ਜੋਤੀ ਪ੍ਰਚੰਡ ਆਰਵ ਡਿਵੈਲਪਰ ਗਰੁੱਪ ਚੰਡੀਗੜ੍ਹ ਦੇ ਅਰੁਣਦੀਪ ਸਿੰਗਲਾ, ਅਮਨਦੀਪ ਸਿੰਗਲਾ ਅਤੇ ਚਿਮਨ ਲਾਲ ਸਿੰਗਲਾ (ਭੀਮ) ਕਰਨਗੇ। ਸ੍ਰੀ ਸ਼ਿਆਮ ਰਸੋਈ ਤੋਂ ਅੰਮ੍ਰਿਤਮਈ ਭੰਡਾਰਾ ਵੀ ਵਰਤਾਇਆ ਜਾਵੇਗਾ। ਸ੍ਰੀ ਸ਼ਿਆਮ ਬਾਬਾ ਜੀ ਦੀ ਪਾਲਕੀ ਅਤੇ ਨਿਸ਼ਾਨ ਯਾਤਰਾ 3 ਦਸੰਬਰ ਕੱਢੀ ਜਾਵੇਗੀ, ਜੋ ਸ੍ਰੀ ਲਕਸ਼ਮੀ ਨਾਰਾਇਣ ਮੰਦਰ ਤੋਂ ਸਵੇਰੇ 9:30 ਵਜੇ ਆਰੰਭ ਹੋ ਕੇ ਸ਼ਹਿਰ ਦੀ ਪਰਿਕਰਮਾ ਕਰਦੀ ਹੋਈ ਗੀਤਾ ਭਵਨ ਮੰਦਰ ਜਵਾਹਰਕੇ ਰੋਡ ਵਿਖੇ ਪੁੱਜੇਗੀ।