ਅਬੋਹਰ ’ਚ 50 ਦਿਵਿਆਂਗਾਂ ਨੂੰ ਰੇਲਵੇ ਪਾਸ ਵੰਡੇ

ਪੱਤਰ ਪ੍ਰੇਰਕ

ਅਬੋਹਰ, 3 ਜੂਨ

ਹਰ ਹਫ਼ਤੇ ਸ਼ੁੱਕਰਵਾਰ ਨੂੰ, ਸਮਾਜ ਸੇਵੀ ਵਿਪਨ ਸ਼ਰਮਾ, ਜੋ ਦਿਵਿਆਂਗਾ ਦੀ ਸੇਵਾ ਵਿੱਚ ਲੱਗੇ ਹੋਏ ਹਨ ਤੇ ਉਹ ਉਨ੍ਹਾਂ ਲਈ ਬਣਾਏ ਗਏ ਸਰਟੀਫਿਕੇਟ ਅਤੇ ਰੇਲਵੇ ਪਾਸ ਪ੍ਰਾਪਤ ਕਰਦੇ ਹਨ। ਇਸ ਲੜੀ ਤਹਿਤ, ਵਿਪਨ ਸ਼ਰਮਾ ਨੇ ਸਮਾਜ ਸੇਵਕ ਵਿਜੈ ਲਕਸ਼ਮੀ ਭਾਦੂ ਅਤੇ ਰੇਲਵੇ ਅਧਿਕਾਰੀਆਂ ਨਾਲ ਮਿਲ ਕੇ ਲਗਪਗ 50 ਦਿਵਿਆਂਗਾਂ ਨੂੰ ਰੇਲਵੇ ਪਾਸ ਵੰਡੇ। ਵਿਪਨ ਸ਼ਰਮਾ ਨੇ ਕਿਹਾ ਕਿ ਉਨ੍ਹਾਂ ਦੀ ਇਹ ਸੇਵਾ ਪਿਛਲੇ ਦਸ ਸਾਲਾਂ ਤੋਂ ਨਿਰਸਵਾਰਥ ਚੱਲ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਜੇਕਰ ਕਿਸੇ ਵੀ ਵਿਅਕਤੀ ਨੂੰ ਸਰਟੀਫਿਕੇਟ ਪ੍ਰਾਪਤ ਕਰਨ, ਸਰਕਾਰੀ ਪੈਨਸ਼ਨ ਪ੍ਰਾਪਤ ਕਰਨ ਅਤੇ ਬੱਸ ਪਾਸ ਜਾਂ ਰੇਲਵੇ ਪਾਸ ਪ੍ਰਾਪਤ ਕਰਨ ਵਿੱਚ ਕੋਈ ਮੁਸ਼ਕਲ ਆ ਰਹੀ ਹੈ, ਤਾਂ ਉਹ ਉਨ੍ਹਾਂ ਨਾਲ ਸੰਪਰਕ ਕਰੇ। ਸਮਾਜ ਸੇਵਕ ਵਿਜੇਲਕਸ਼ਮੀ ਭਾਦੂ ਅਤੇ ਰੇਲਵੇ ਸਟੇਸ਼ਨ ਸੁਪਰਡੈਂਟ ਡੀਐਨ ਗੋਇਲ ਨੇ ਕਿਹਾ ਕਿ ਵਿਪਨ ਸ਼ਰਮਾ ਵੱਲੋਂ ਕੀਤੀ ਜਾ ਰਹੀ ਨਿਰਸਵਾਰਥ ਸੇਵਾ ਸ਼ਲਾਘਾਯੋਗ ਹੈ। ਇਸ ਮੌਕੇ ਰੇਲਵੇ ਪੁਲਿਸ ਸਟੇਸ਼ਨ ਦੇ ਕੌਂਸਲਰ ਪੁਨੀਤ ਅਰੋੜਾ ਸੋਨੂੰ, ਆਸ਼ੀਸ਼ ਵਰਮਾ ਆਸ਼ੂ, ਰਾਜੇਂਦਰ ਜੁਲਾਹਾ, ਬਿੱਟੂ ਤ੍ਰਿਖਾ, ਹੈਪੀ ਹਾਂਡਾ, ਪਵਨ ਚਰਨ ਆਦਿ ਮੌਜੂਦ ਸਨ।