ਬੀ ਡੀ ਪੀ ਓ ਦਫ਼ਤਰ ’ਚੋਂ ਜੈਨਰੇਟਰ ਚੋਰੀ

ਬਲਾਕ ਵਿਕਾਸ ਅਤੇ ਪੰਚਾਇਤ ਅਧਿਕਾਰੀ ਔਢਾਂ ਦੇ ਦਫ਼ਤਰ ਵਿੱਚੋਂ ਜਨਰੇਟਰ ਚੋਰੀ ਹੋ ਗਿਆ। ਥਾਣਾ ਔਢਾਂ ਦੇ ਇੰਚਾਰਜ ਆਨੰਦ ਕੁਮਾਰ ਬੇਨੀਵਾਲ ਨੇ ਦੱਸਿਆ ਕਿ ਉਸਾਰੀ ਏਜੰਸੀ ਦੇ ਪ੍ਰਬੰਧਕ ਪ੍ਰਹਿਲਾਦ ਕੁਮਾਰ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਅਣਪਛਾਤੇ ਵਿਅਕਤੀ ਵਿਰੁੱਧ ਜੈਨਰੇਟਰ ਚੋਰੀ ਦਾ...

Pattar Parerak

ਕਾਲਾਂਵਾਲੀ, 04:29 AM Nov 30, 2025 IST

ਬਲਾਕ ਵਿਕਾਸ ਅਤੇ ਪੰਚਾਇਤ ਅਧਿਕਾਰੀ ਔਢਾਂ ਦੇ ਦਫ਼ਤਰ ਵਿੱਚੋਂ ਜਨਰੇਟਰ ਚੋਰੀ ਹੋ ਗਿਆ। ਥਾਣਾ ਔਢਾਂ ਦੇ ਇੰਚਾਰਜ ਆਨੰਦ ਕੁਮਾਰ ਬੇਨੀਵਾਲ ਨੇ ਦੱਸਿਆ ਕਿ ਉਸਾਰੀ ਏਜੰਸੀ ਦੇ ਪ੍ਰਬੰਧਕ ਪ੍ਰਹਿਲਾਦ ਕੁਮਾਰ ਦੀ ਸ਼ਿਕਾਇਤ ਦੇ ਆਧਾਰ ’ਤੇ ਅਣਪਛਾਤੇ ਵਿਅਕਤੀ ਵਿਰੁੱਧ ਜੈਨਰੇਟਰ ਚੋਰੀ ਦਾ ਕੇਸ ਦਰਜ ਕੀਤਾ ਗਿਆ ਹੈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਸ਼ਿਕਾਇਤ ਵਿੱਚ ਹਿਮਾਨੀ ਕੋ-ਆਪਰੇਟਿਵ ਏ ਐੱਲ ਐਂਡ ਸੀ ਸੁਸਾਇਟੀ ਲਿਮਟਿਡ ਦੇ ਸੰਚਾਲਕ ਪ੍ਰਹਿਲਾਦ ਕੁਮਾਰ ਨੇ ਦੱਸਿਆ ਕਿ ਕੁਝ ਸਮਾਂ ਪਹਿਲਾਂ ਉਸਦੀ ਏਜੰਸੀ ਨੂੰ ਔਢਾਂ ਦੇ ਬੀ ਡੀ ਪੀ ਓ ਦਫ਼ਤਰ ਵਿੱਚ ਉਸਾਰੀ ਦੇ ਕੰਮ ਲਈ ਪੰਚਾਇਤੀ ਰਾਜ ਵਿਭਾਗ ਤੋਂ ਇੱਕ ਟੈਂਡਰ ਮਿਲਿਆ ਸੀ। ਉਦੋਂ ਤੋਂ ਉਸਦੀ ਉਸਾਰੀ ਸਮੱਗਰੀ ਦਫ਼ਤਰ ਵਿੱਚ ਪਈ ਸੀ। ਕੰਮ ਪੂਰਾ ਕਰਨ ਤੋਂ ਬਾਅਦ ਉਸ ਨੇ ਕਿਤੇ ਹੋਰ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਕੁਝ ਸਮੇਂ ਬਾਅਦ ਜਦੋਂ ਉਹ ਆਪਣੀ ਸਮੱਗਰੀ ਇਕੱਠੀ ਕਰਨ ਲਈ ਔਢਾਂ ਵਿੱਚ ਬੀ ਡੀ ਪੀ ਓ ਦਫ਼ਤਰ ਵਾਪਸ ਆਇਆ ਤਾਂ ਉਸਦਾ ਇੱਕ ਜਨਰੇਟਰ ਗਾਇਬ ਸੀ ਜਿਸ ਤੋਂ ਬਾਅਦ ਵਿੱਚ ਉਸਨੇ ਸ਼ਿਕਾਇਤ ਦਰਜ ਕਰਵਾਈ। ਜਾਂਚ ਅਧਿਕਾਰੀ ਏ ਐੱਸ ਆਈ ਲੱਖਾ ਰਾਮ ਨੇ ਦੱਸਿਆ ਕਿ ਸ਼ਿਕਾਇਤ ਦੇ ਆਧਾਰ ’ਤੇ ਕੇਸ ਦਰਜ ਕਰ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।