ਚਾਰ ਆੜ੍ਹਤੀਏ ਵੱਧ ਝੋਨਾ ਤੋਲਦੇ ਫੜੇ

ਇਸ ਮੌਕੇ ਕਿਸਾਨ ਆਗੂ ਰੁਪਿੰਦਰ ਸਿੰਘ ਭਿੰਦਾ ਨੇ ਕਿਹਾ ਕਿ ਜਥੇਬੰਦੀ ਵੱਲੋਂ ਸਾਰੀਆਂ ਮੰਡੀਆਂ ਵਿੱਚ ਕਿਸਾਨਾਂ ਦੀ ਝੋਨੇ ਦੀ ਸਮੱਸਿਆ ਦੇ ਹੱਲ ਅਤੇ ਕੰਡੇ ਚੈੱਕ ਕੀਤੇ ਜਾ ਰਹੇ ਹਨ ਜਿਸ ਤਹਿਤ ਭੋਤਨਾ ਮੰਡੀ ਵਿੱਚ ਚੈਕਿੰਗ ਦੌਰਾਨ ਕੁੱਝ ਆੜ੍ਹਤੀਆਂ ਦੇ ਤੋਲ ਸਹੀ ਮਿਲੇ ਜਦਕਿ ਚਾਰ ਆੜ੍ਹਤੀਆਂ ਦੇ ਤੋਲੇ ਵੱਧ ਝੋਨਾ ਤੋਲਦੇ ਮਿਲੇ। ਉਨ੍ਹਾਂ ਦੱਸਿਆ ਕਿ ਇੱਕ ਆੜ੍ਹਤੀ 400 ਗ੍ਰਾਮ, ਦੋ 600 ਗ੍ਰਾਮ ਅਤੇ ਇੱਕ ਆੜ੍ਹਤੀ 900 ਗ੍ਰਾਮ ਵੱਧ ਝੋਨਾ ਤੋਲਦੇ ਮਿਲੇ ਹਨ।‌ ਉਨ੍ਹਾਂ ਸੂਬਾ ਸਰਕਾਰ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਤੋਂ ਇਨ੍ਹਾਂ ਆੜ੍ਹਤੀਆਂ ਵਿਰੁੱਧ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ। ਇਸ ਮੌਕੇ ਇਕਾਈ ਪ੍ਰਧਾਨ ਸ਼ਹਿਣਾ ਗੁਰਜੰਟ ਸਿੰਘ ਬਦਰੇਵਾਲਾ, ਜਗਸੀਰ ਸਿੰਘ ਖਜ਼ਾਨਚੀ ਇਕਾਈ ਭੋਤਨਾ, ਜਸਪ੍ਰੀਤ ਸਿੰਘ, ਬੂਟਾ ਸਿੰਘ, ਜਗਸੀਰ ਸਿੰਘ, ਸੰਧੂਰਾ ਸਿੰਘ, ਨਿਰਪਾਲ ਸਿੰਘ, ਗੁਰਦੀਪ ਸਿੰਘ, ਟੋਨਾ ਸਿੰਘ, ਰਣਜੋਧ ਸਿੰਘ, ਜਗਰੂਪ ਸਿੰਘ ਰੂਪਾ, ਗੁਰਦੀਪ ਸਿੰਘ, ਸੰਦੀਪ ਸਿੰਘ, ਕੁਲਦੀਪ ਸਿੰਘ, ਚਮਕੌਰ ਸਿੰਘ ਤੇ ਬਹਾਦਰ ਸਿੰਘ ਹਾਜ਼ਰ ਸਨ।