ਔਲਖ ’ਚ ਜ਼ਿਲ੍ਹਾ ਪੱਧਰੀ ਕਿਸਾਨ ਮੇਲਾ

ਮੁਕਤਸਰ ਲਾਗਲੇ ਪਿੰਡ ਔਲਖ ਵਿੱਚ ਜ਼ਿਲ੍ਹਾ ਪੱਧਰੀ ਕਿਸਾਨ ਮੇਲਾ ਲਾਇਆ ਗਿਆ ਜਿਸ ਵਿੱਚ ਮੁਕਤਸਰ, ਫਰੀਦਕੋਟ, ਫਿਰੋਜ਼ਪੁਰ ਅਤੇ ਫਾਜ਼ਿਲਕਾ ਜ਼ਿਲਿ੍ਹਆਂ ਦੇ ਕਰੀਬ 500 ਕਿਸਾਨਾਂ ਨੇ ਹਿੱਸਾ ਲਿਆ। ਇਸ ਮੌਕੇ ਖੇਤੀ ਅਧਿਕਾਰੀ ਬਲਜਿੰਦਰ ਸੈਣੀ, ਕੁਲਬੀਰ ਸਿੰਘ ਬਰਾੜ, ਡਾ. ਜਗਸੀਰ ਸਿੰਘ, ਡਾ. ਕਰਨਰਜੀਤ...

Nijji Pattar Parerak

ਸ੍ਰੀ ਮੁਕਤਸਰ ਸਾਹਿਬ, 04:07 AM Oct 31, 2025 IST

ਮੁਕਤਸਰ ਲਾਗਲੇ ਪਿੰਡ ਔਲਖ ਵਿੱਚ ਜ਼ਿਲ੍ਹਾ ਪੱਧਰੀ ਕਿਸਾਨ ਮੇਲਾ ਲਾਇਆ ਗਿਆ ਜਿਸ ਵਿੱਚ ਮੁਕਤਸਰ, ਫਰੀਦਕੋਟ, ਫਿਰੋਜ਼ਪੁਰ ਅਤੇ ਫਾਜ਼ਿਲਕਾ ਜ਼ਿਲਿ੍ਹਆਂ ਦੇ ਕਰੀਬ 500 ਕਿਸਾਨਾਂ ਨੇ ਹਿੱਸਾ ਲਿਆ। ਇਸ ਮੌਕੇ ਖੇਤੀ ਅਧਿਕਾਰੀ ਬਲਜਿੰਦਰ ਸੈਣੀ, ਕੁਲਬੀਰ ਸਿੰਘ ਬਰਾੜ, ਡਾ. ਜਗਸੀਰ ਸਿੰਘ, ਡਾ. ਕਰਨਰਜੀਤ ਸਿੰਘ, ਸੋਹਨਗੜ੍ਹ ਫਾਰਮਵਰਸਿਟੀ ਦੇ ਕਮਲਜੀਤ ਸਿੰਘ ਹੇਅਰ, ਡਾ. ਕੁਲਦੀਪ ਸਿੰਘ ਮੌਜੂਦ ਸਨ। ਕਿਸਾਨਾਂ ਨੂੰ ਹਾੜੀ ਦੀਆਂ ਫਸਲਾਂ ਤੇ ਪਰਾਲੀ ਪ੍ਰਬੰਧਨ ਵਿੱਚ ਵਰਤੀ ਜਾਂਦੀ ਸੀ ਆਰ ਐੱਮ ਮਸ਼ੀਨਰੀ, ਕਣਕ ਦੇ ਬੀਜਾਂ ਅਤੇ ਬਿਮਾਰੀਆਂ ਬਾਰੇ ਜਾਣਕਾਰੀ ਦਿੱਤੀ ਗਈ ਤੇ ਵਾਤਾਵਰਨ ਸੰਭਾਲ ਸਬੰਧੀ ਨੁੱਕੜ ਨਾਟਕ ਵੀ ਪੇਸ਼ ਕੀਤਾ ਗਿਆ। ਸੋਹਨਗੜ੍ਹ ਫਾਰਮਵਰਸਿਟੀ ਦੇ ਕਮਲਜੀਤ ਹੇਅਰ ਨੇ ਟਿਕਾਊ ਖੇਤੀ, ਮਿੱਟੀ ਦੀ ਸਿਹਤ, ਖੁਰਾਕੀ ਤੱਤਾਂ ਬਾਰੇ ਗੱਲਬਾਤ ਕੀਤੀ। ਅਖੀਰ ’ਤੇ ਪੰਜਾਬ ਦੀ ਮਿੱਟੀ ਨੂੰ ਮੁੜ ਜੀਵੰਤ ਕਰਨ ਦੇ ਸੁਨੇਹੇ ਨਾਲ ਇਹ ਮੇਲਾ ਸਮਾਪਤ ਕੀਤਾ ਗਿਆ।