DT
PT
Subscribe To Print Edition About The Punjabi Tribune Code Of Ethics Download App Advertise with us Classifieds
search-icon-img
search-icon-img
Advertisement

ਸੜਕ ਹਾਦਸੇ ’ਚ ਫ਼ੌਜੀ ਜਵਾਨ ਦੀ ਮੌਤ

ਛੁੱਟੀ ਕੱਟ ਕੇ ਡਿਊਟੀ ’ਤੇ ਪਰਤਦਿਆਂ ਹਾਦਸਾ

  • fb
  • twitter
  • whatsapp
  • whatsapp
featured-img featured-img
ਫੌਜੀ ਠਾਣਾ ਸਿੰਘ ਦੀ ਫਾਈਲ ਫੋਟੋ।
Advertisement
ਪਿੰਡ ਛੱਤਿਆਣਾ ਦੇ ਰਹਿਣ ਵਾਲੇ ਫ਼ੌਜੀ ਠਾਣਾ ਸਿੰਘ ਦੀ\B \Bਬੀਤੇ ਦਿਨ\B \Bਛੁੱਟੀ ਕੱਟ ਕੇ ਵਾਪਸ ਡਿਊਟੀ ’ਤੇ ਪਰਤਦੇ ਸਮੇਂ ਸੜਕ ਹਾਦਸੇ ’ਚ ਮੌਤ ਹੋ ਗਈ। ਬੀਤੀ ਦੇਰ ਸ਼ਾਮ ਗਮਗੀਨ ਮਾਹੌਲ ’ਚ ਫ਼ੌਜੀ ਠਾਣਾ ਸਿੰਘ ਦਾ ਸਸਕਾਰ ਉਨ੍ਹਾਂ ਦੇ ਜੱਦੀ ਪਿੰਡ ਛੱਤਿਆਣਾ ਵਿੱਚ ਫ਼ੌਜੀ ਸਨਮਾਨਾਂ ਨਾਲ ਕਰ ਦਿੱਤਾ ਗਿਆ। ਉਹ 15 ਸਿੱਖ ਐੱਲਆਈਟੀ ਤਹਿਤ ਸਿੱਕਮ ਵਿੱਚ ਤਾਇਨਾਤ ਸੀ। ਛੁੱਟੀ ਕੱਟ ਕੇ ਡਿਊਟੀ ’ਤੇ ਵਾਪਸ ਜਾਂਦੇ ਸਮੇਂ ਉਨ੍ਹਾਂ ਦੀ ਕਾਰ ਛੱਤਿਆਣਾ-ਭਲਾਈਆਣਾ ਲਿੰਕ ਰੋਡ ’ਤੇ ਅਵਾਰਾ ਪਸ਼ੂ ਨਾਲ ਟਕਰਾਉਣ ਤੋਂ ਬਾਅਦ ਬੇਕਾਬੂ ਹੋ ਕੇ ਇੱਕ ਦਰੱਖਤ ਨਾਲ ਟਕਰਾ ਗਈ, ਜਿਸ ਕਾਰਨ ਉਹ ਗੰਭੀਰ ਜ਼ਖਮੀ ਹੋ ਗਿਆ। ਉਸ ਨੂੰ ਬਠਿੰਡਾ ਦੇ ਹਸਪਤਾਲ ਪਹੁੰਚਾਇਆ ਗਿਆ ਸੀ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਸਿਵਲ ਹਸਪਤਾਲ ਗਿੱਦੜਬਾਹਾ ਵਿੱਚ ਪੋਸਟਮਾਰਟਮ ਕਰਵਾਉਣ ਤੋਂ ਬਾਅਦ ਮ੍ਰਿਤਕ ਫ਼ੌਜੀ ਦੀ ਰੈਜੀਮੈਂਟ ਦੇ 12 ਜਵਾਨ ਉਸ ਦੀ ਦੇਹ ਨੂੰ ਤਿਰੰਗੇ ਝੰਡੇ ਵਿੱਚ ਲਪੇਟ ਕੇ ਪਿੰਡ ਛੱਤਿਆਣਾ ਲਿਆਏ, ਜਿੱਥੇ ਸਾਥੀ ਫ਼ੌਜੀਆਂ ਵੱਲੋਂ ਉਨ੍ਹਾਂ ਨੂੰ ਸਲਾਮੀ ਦਿੱਤੀ ਗਈ। ਮ੍ਰਿਤਕ ਫ਼ੌਜੀ ਠਾਣਾ ਸਿੰਘ ਆਪਣੇ ਪਿੱਛੇ ਪਿਤਾ ਗੁਰਚਰਨ ਸਿੰਘ ਤੋਂ ਇਲਾਵਾ ਪਤਨੀ ਗਗਨਦੀਪ ਕੌਰ, ਬੇਟੀ ਨਵਜੋਤ ਕੌਰ (9) ਅਤੇ ਬੇਟੀ ਹਰਮਨਪ੍ਰੀਤ ਕੌਰ (8) ਛੱਡ ਗਏ ਹਨ। ਮ੍ਰਿਤਕ ਦੇ ਸਸਕਾਰ ਸਮੇਂ ਸਾਬਕਾ ਸਰਪੰਚ ਸੁਖਮੰਦਰ ਸਿੰਘ, ਸਾਬਕਾ ਸੂਬੇਦਾਰ ਜਸਵਿੰਦਰ ਸਿੰਘ ਗੰਧੜ, ਸੂਬੇਦਾਰ ਸੁਰਿੰਦਰ ਸਿੰਘ ਭੁੱਲਰ, ਹੌਲਦਾਰ ਬੋਹੜ ਸਿੰਘ ਸੁਖਨਾ, ਹੌਲਦਾਰ ਗੁਲਾਬ ਸਿੰਘ ਸੁਖਨਾ, ਸੂਬੇਦਾਰ ਬਲਕੌਰ ਸਿੰਘ 15 ਸਿੱਖ ਐੱਲਆਈਟੀ, ਸੂਬੇਦਾਰ ਮਨਜੀਤ ਸਿੰਘ ਸ਼ੇਖਾਵਤ ਸਮੇਤ ਵੱਖ ਵੱਖ ਰਾਜਨੀਤਕ, ਧਾਰਮਿਕ ਅਤੇ ਸਮਾਜ ਸੇਵੀ ਸੰਸਥਾਵਾਂ ਦੇ ਨੁਮਾਇੰਦਿਆਂ ਤੋਂ ਇਲਾਵਾ ਵੱਡੀ ਗਿਣਤੀ ’ਚ ਨਗਰ ਨਿਵਾਸੀ ਮੌਜੂਦ ਸਨ।

Advertisement
Advertisement
×