ਜ਼ਹਿਰੀਲੀ ਵਸਤੂ ਖਾਣ ਕਾਰਨ ਆਜੜੀ ਦੀਆਂ 22 ਭੇਡਾਂ ਦੀ ਮੌਤ

ਮਾਨਸਾ ਦੇ ਨੇੜਲੇ ਪਿੰਡ ਮਾਖੇਵਾਲਾ ਵਿਖੇ ਜ਼ਹਿਰੀਲੀ ਵਸਤੂ ਖਾਣ ਕਾਰਨ ਆਜੜੀ ਦੀਆਂ 22 ਭੇਡਾਂ ਦੀ ਮੌਤ ਹੋ ਗਈ ਹੈ। ਆਜੜੀ ਨੇ ਦੱਸਿਆ ਕਿ ਉਸ ਕੋਲ 40 ਭੇਡਾਂ ਸਨ, ਜਿੰਨਾਂ ਨਾਲ ਉਹ ਆਪਣਾ ਗੁਜ਼ਾਰਾ ਚਲਾਉਂਦਾ ਸੀ। ਵੱਡੀ ਗਿਣਤੀ ਵਿੱਚ ਮਰੀਆਂ...

joginder singh mann

ਮਾਨਸਾ, 02:56 PM Oct 27, 2025 IST

ਮਾਨਸਾ ਦੇ ਨੇੜਲੇ ਪਿੰਡ ਮਾਖੇਵਾਲਾ ਵਿਖੇ ਜ਼ਹਿਰੀਲੀ ਵਸਤੂ ਖਾਣ ਕਾਰਨ ਆਜੜੀ ਦੀਆਂ 22 ਭੇਡਾਂ ਦੀ ਮੌਤ ਹੋ ਗਈ ਹੈ। ਆਜੜੀ ਨੇ ਦੱਸਿਆ ਕਿ ਉਸ ਕੋਲ 40 ਭੇਡਾਂ ਸਨ, ਜਿੰਨਾਂ ਨਾਲ ਉਹ ਆਪਣਾ ਗੁਜ਼ਾਰਾ ਚਲਾਉਂਦਾ ਸੀ। ਵੱਡੀ ਗਿਣਤੀ ਵਿੱਚ ਮਰੀਆਂ ਭੇਡਾਂ ਦੇ ਮਾਮਲੇ ’ਚ ਨਾ ਪਸ਼ੂ ਪਾਲਣ ਵਿਭਾਗ ਅਤੇ ਨਾ ਕਿਸੇ ਪ੍ਰਸ਼ਾਸਨ ਅਧਿਕਾਰੀ ਨੇ ਸਾਰ ਲਈ ਹੈ। ਪਿੰਡ ਵਾਸੀਆਂ ਨੇ ਗਰੀਬ ਆਜੜੀ ਦੀ ਮਦਦ ਕਰਨ ਦੀ ਸਰਕਾਰ ਤੋਂ ਮੰਗ ਕੀਤੀ ਹੈ।

ਵੇਰਵਿਆਂ ਅਨੁਸਾਰ ਪਿੰਡ ਮਾਖੇਵਾਲਾ ਦਾ ਆਜੜੀ ਨਿਰਮਲ ਸਿੰਘ ਭੇਡਾਂ-ਬੱਕਰੀਆਂ ਪਾਲਕੇ ਆਪਣਾ ਗੁਜ਼ਾਰਾ ਕਰਦਾ ਸੀ, ਪਰ ਹੁਣ ਉਸ ਦੀਆਂ 40 ਚੋਂ 22 ਭੇਡਾਂ ਦੀ ਜ਼ਹਿਰੀਲੀ ਚੀਜ਼ ਖਾਣ ਨਾਲ ਮੌਤ ਹੋ ਗਈ ਹੈ। ਪਰ ਨਾਲ ਹੀ ਉਨਾਂ ਦੀ ਮੌਤ ਲਈ ਕੋਈ ਬਿਮਾਰੀ ਹੋਣਾ ਵੀ ਮੰਨਿਆ ਜਾ ਰਿਹਾ ਹੈ।

ਆਜੜੀ ਨਿਰਮਲ ਸਿੰਘ ਨੇ ਦੱਸਿਆ ਕਿ ਇਕ ਭੇਡ ਬਿਮਾਰ ਹੋਣ ਉਪਰੰਤ ਬਾਕੀਆਂ ਵੀ ਲਗਾਤਾਰ ਜ਼ਮੀਨ ’ਤੇ ਡਿੱਗਦੀਆਂ ਰਹੀਆਂ ਅਤੇ ਕੁੱਲ 22 ਭੇਡਾਂ ਦੀ ਮੌਤ ਹੋ ਗਈ। ਉਨਾਂ ਦੱਸਿਆ ਕਿ ਡਾਕਟਰਾਂ ਨੇ ਕੁੱਝ ਬਚੀਆਂ ਭੇਡਾਂ ਦੇ ਟੀਕੇ ਲਾਏ ਹਨ, ਪਰ ਉਹ ਚਾਹੁੰਦਾ ਸੀ ਮਰੀਆਂ ਭੇਡਾਂ ਦਾ ਪੋਸਟਮਾਰਟਮ ਕਰਵਾਇਆ ਜਾਵੇ ਤਾਂ ਕਿ ਉਨ੍ਹਾਂ ਦੀ ਮੌਤ ਦੀ ਵਜ੍ਹਾ ਪਤਾ ਲੱਗੇ ਅਤੇ ਹੋਰ ਪਸ਼ੂਆਂ ਦਾ ਧਿਆਨ ਰੱਖਿਆ ਜਾ ਸਕੇ। ਉਸ ਨੇ ਕਿਹਾ ਕਿ ਉਹ ਇੰਨਾਂ ਭੇਡਾਂ ਤੋਂ ਹੀ ਆਪਣੀ ਰੋਜ਼ੀ-ਰੋਟੀ ਕਮਾਉਂਦਾ ਸੀ, ਉਸ ਦੀਆਂ ਆਪਣੀਆਂ 20 ਭੇਡਾਂ ਹੀ ਸਨ, ਬਾਕੀ ਦਿਹਾੜੀ ’ਤੇ ਲਈਆਂ ਸਨ।

ਪਿੰਡ ਦੇ ਸਾਬਕਾ ਸਰਪੰਚ ਰਣਜੀਤ ਸਿੰਘ ਨੇ ਪੰਜਾਬ ਸਰਕਾਰ ਤੋਂ ਗਰੀਬ ਆਜੜੀ ਲਈ ਮੁਆਵਜੇ ਦੀ ਮੰਗ ਕੀਤੀ।