ਬੀ ਐੱਸ ਐੱਫ ਵਲੋਂ ਤਸਕਰ ਗ੍ਰਿਫ਼ਤਾਰ

ਡਰੋਨ ਅਤੇ ਹੈਰੋਇਨ ਬਰਾਮਦ

nijji patar prerak

ਅੰਮ੍ਰਿਤਸਰ, 05:54 AM Dec 13, 2025 IST

ਪਿਛਲੇ 24 ਘੰਟਿਆਂ ਦੌਰਾਨ ਅੰਮ੍ਰਿਤਸਰ ਸਰਹੱਦ ’ਤੇ ਕੀਤੇ ਗਏ ਸਫਲ ਅਪਰੇਸ਼ਨ ਵਿੱਚ ਬੀ ਐੱਸ ਐੱਫ ਨੇ ਨਾਰਕੋ-ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਅਤੇ ਦੋ ਡਰੋਨ ਤੇ ਹੈਰੋਇਨ ਬਰਾਮਦ ਕੀਤੀ ਹੈ ।

ਬੀ ਐੱਸ ਐੱਫ ਅਧਿਕਾਰੀ ਨੇ ਦਸਿਆ ਕਿ ਬੀ ਐੱਸ ਐੱਫ ਇੰਟੈਲੀਜੈਂਸ ਵਿੰਗ ਅਤੇ ਏ ਐੱਨ ਟੀ ਐੱਫ ਅੰਮ੍ਰਿਤਸਰ ਦੁਆਰਾ ਕੀਤੇ ਗਏ ਸਾਂਝੇ ਅਪਰੇਸ਼ਨ ਵਿੱਚ ਤਸਕਰ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਉਸ ਕੋਲੋਂ 300 ਗ੍ਰਾਮ ਵਜ਼ਨ ਦਾ ਪੈਕੇਟ ਹੈਰੋਇਨ ਅਤੇ ਕਾਰ ਬਰਾਮਦ ਕੀਤੀ ਗਈ। ਗ੍ਰਿਫ਼ਤਾਰ ਕੀਤਾ ਗਿਆ ਵਿਅਕਤੀ ਲੋਹਰੀਮਲ ਪਿੰਡ ਦਾ ਰਹਿਣ ਵਾਲਾ ਹੈ , ਜਿਸ ਨੂੰ ਹੋਰ ਜਾਂਚ ਲਈ ਏਐਨਟੀਐਫ ਅੰਮ੍ਰਿਤਸਰ ਦੀ ਹਿਰਾਸਤ ਵਿੱਚ ਭੇਜ ਦਿੱਤਾ ਹੈ। ਇਸ ਦੌਰਾਨ ਬੀ ਐੱਸ ਐੱਫ ਜਵਾਨਾਂ ਨੇ ਪਿੰਡ ਹਰਦੋ ਰਤਨ ਵਿੱਚ ਇੱਕ ਖੇਤ ਤੋਂ ਡੀ ਜੇ ਆਈ ਮੈਵਿਕ 3 ਡਰੋਨ ਅਤੇ 545 ਗ੍ਰਾਮ ਵਜ਼ਨ ਦਾ ਪੈਕੇਟ ਹੈਰੋਇਨ ਬਰਾਮਦ ਕੀਤਾ।

ਇਸੇ ਤਰ੍ਹਾਂ ਬੀ ਐੱਸ ਐੱਫ ਇੰਟੈਲੀਜੈਂਸ ਵਿੰਗ ਤੋਂ ਮਿਲੀ ਜਾਣਕਾਰੀ ਦੇ ਆਧਾਰ 'ਤੇ ਇੱਕ ਹੋਰ ਕਾਰਵਾਈ ਵਿੱਚ ਬੀ ਐੱਸ ਐੱਫ ਦੇ ਜਵਾਨਾਂ ਨੇ ਪਿੰਡ ਰਾਏਪੁਰ ਕਲਾਂ ਦੇ ਨਾਲ ਲੱਗਦੇ ਖੇਤਾਂ ਵਿੱਚੋਂ ਇੱਕ ਡੀਜੇਆਈ ਮੈਵਿਕ 4 ਪ੍ਰੋ ਡਰੋਨ ਅਤੇ 570 ਗ੍ਰਾਮ ਹੈਰੋਇਨ ਦਾ ਪੈਕੇਟ ਬਰਾਮਦ ਕੀਤਾ।