ਭਾਜਪਾ ਆਗੂ ਬਲਵਿੰਦਰ ਗਿੱਲ ਕਾਂਗਰਸ ਵਿੱਚ ਸ਼ਾਮਲ

ਇਸ ਮੌਕੇ ਬਲਵਿੰਦਰ ਗਿੱਲ ਨੇ ਕਿਹਾ ਕਿ ਉਹ ਹਮੇਸ਼ਾ ਮੁੱਦੇ-ਆਧਾਰਿਤ ਰਾਜਨੀਤੀ ਵਿੱਚ ਵਿਸ਼ਵਾਸ ਰੱਖਦੇ ਹਨ। ਕਾਂਗਰਸ ਨੇ ਉਨ੍ਹਾਂ ਨੂੰ ਜਨਤਕ ਹਿੱਤਾਂ ਲਈ ਇਮਾਨਦਾਰੀ ਨਾਲ ਲੜਨ ਲਈ ਪਲੇਟਫਾਰਮ ਦਿੱਤਾ ਹੈ। ਉਨ੍ਹਾਂ ਇਹ ਵੀ ਸਪੱਸ਼ਟ ਕੀਤਾ ਕਿ ਇਹ ਫੈਸਲਾ ਕਿਸੇ ਨਿੱਜੀ ਮੱਤਭੇਦ ਦਾ ਨਤੀਜਾ ਨਹੀਂ ਹੈ, ਸਗੋਂ ਦ੍ਰਿਸ਼ਟੀਕੋਣ ਅਤੇ ਵਿਚਾਰਧਾਰਾ ਵੱਲ ਇੱਕ ਕਦਮ ਹੈ। ਇਸ ਸਮਾਗਮ ਵਿੱਚ ਵੱਡੀ ਗਿਣਤੀ ਵਿੱਚ ਪਾਰਟੀ ਵਰਕਰ ਮੌਜੂਦ ਸਨ ਅਤੇ ਸਾਰਿਆਂ ਨੇ ਗਿੱਲ ਦੇ ਫੈਸਲੇ 'ਤੇ ਆਪਣੀ ਖੁਸ਼ੀ ਦਾ ਪ੍ਰਗਟਾਵਾ ਕੀਤਾ। ਗਿੱਲ ਨੇ ਕਿਹਾ ਉਹ ਨੇੜਲੇ ਭਵਿੱਖ ਵਿੱਚ ਖੇਤਰ ਦੇ ਵਿਕਾਸ, ਨੌਜਵਾਨਾਂ ਦੇ ਮੁੱਦਿਆਂ ਅਤੇ ਸਮਾਜਿਕ ਸਦਭਾਵਨਾ ਬਾਰੇ ਇੱਕ ਵਿਸਤ੍ਰਿਤ ਰੋਡਮੈਪ ਜਾਰੀ ਕਰਨਗੇ। ਬਲਵਿੰਦਰ ਗਿੱਲ ਦੇ ਨਾਲ ਭਾਜਪਾ ਛੱਡ ਕੇ ਕਾਂਗਰਸ ਵਿੱਚ ਸ਼ਾਮਲ ਹੋਣ ਵਾਲਿਆਂ ਵਿੱਚ ਕੇਵਲ ਸਿੰਘ ਦੇਊ ਮੰਡਲ ਪ੍ਰਧਾਨ ਭਾਜਪਾ, ਵੀਰ ਸਿੰਘ ਲਾਡੀ ਜ਼ਿਲ੍ਹਾ ਪ੍ਰਧਾਨ ਭਾਜਪਾ ਐੱਸਸੀ ਮੋਰਚਾ ਤਰਨ ਤਾਰਨ, ਪ੍ਰਦੀਪ ਕੌੜਾ ਉਪ ਪ੍ਰਧਾਨ ਭਾਜਪਾ ਰਈਆ ਮੰਡਲ, ਰਾਜਵੀਰ ਕੰਗ ਜਨਰਲ ਸਕੱਤਰ ਭਾਜਪਾ ਐੱਸਸੀ ਮੋਰਚਾ ਤਰਨ ਤਾਰਨ, ਦਿਨੇਸ਼ ਬੰਟੀ ਮੰਡਲ ਪ੍ਰਧਾਨ ਭਾਜਪਾ ਤਰਨ ਤਾਰਨ, ਅਮਰਜੀਤ ਸਿੰਘ ਮੰਡਲ ਪ੍ਰਧਾਨ ਅਤੇ ਕਸ਼ਮੀਰ ਸਿੰਘ ਸ਼ਾਮਲ ਹਨ।