ਗ਼ਰੀਬਾਂ ਨੂੰ ਨਿਆਂ ਦੇਣ ਲਈ ਅੱਧੀ ਰਾਤ ਤੱਕ ਬੈਠ ਸਕਦਾਂ: ਚੀਫ ਜਸਟਿਸ

ਸੁਪਰੀਮ ਕੋਰਟ ਦੇ ਚੀਫ ਜਸਟਿਸ ਸੂਰਿਆਕਾਂਤ ਨੇ ਅੱਜ ਕਿਹਾ ਕਿ ਗ਼ਰੀਬਾਂ ਲਈ ਨਿਆਂ ਯਕੀਨੀ ਬਣਾਉਣਾ ਉਨ੍ਹਾਂ ਦੀ ਪਹਿਲੀ ਤਰਜੀਹ ਹੈ ਅਤੇ ਉਹ ਉਨ੍ਹਾਂ ਲਈ ਅਦਾਲਤ ’ਚ ਅੱਧੀ ਰਾਤ ਤੱਕ ਬੈਠ ਸਕਦੇ ਹਨ। ਚੀਫ ਜਸਟਿਸ ਨੇ ਤਿਲਕ ਸਿੰਘ ਡਾਂਗੀ ਵੱਲੋਂ ਕੇਂਦਰ...

PTI

ਨਵੀਂ ਦਿੱਲੀ, 04:44 AM Nov 29, 2025 IST

ਸੁਪਰੀਮ ਕੋਰਟ ਦੇ ਚੀਫ ਜਸਟਿਸ ਸੂਰਿਆਕਾਂਤ ਨੇ ਅੱਜ ਕਿਹਾ ਕਿ ਗ਼ਰੀਬਾਂ ਲਈ ਨਿਆਂ ਯਕੀਨੀ ਬਣਾਉਣਾ ਉਨ੍ਹਾਂ ਦੀ ਪਹਿਲੀ ਤਰਜੀਹ ਹੈ ਅਤੇ ਉਹ ਉਨ੍ਹਾਂ ਲਈ ਅਦਾਲਤ ’ਚ ਅੱਧੀ ਰਾਤ ਤੱਕ ਬੈਠ ਸਕਦੇ ਹਨ। ਚੀਫ ਜਸਟਿਸ ਨੇ ਤਿਲਕ ਸਿੰਘ ਡਾਂਗੀ ਵੱਲੋਂ ਕੇਂਦਰ ਤੇ ਹੋਰਾਂ ਖ਼ਿਲਾਫ਼ ਦਾਇਰ ਪਟੀਸ਼ਨ ਖਾਰਜ ਕਰਦਿਆਂ ਇਹ ਟਿੱਪਣੀ ਕੀਤੀ। ਚੀਫ ਜਸਟਿਸ ਨੇ ਕਿਹਾ, ‘‘ਮੇਰੀ ਅਦਾਲਤ ’ਚ ਕੋਈ ਗ਼ੈਰਜ਼ਰੂਰੀ ਜਾਂ ਅਦਾਲਤ ਦਾ ਸਮਾਂ ਬਰਬਾਦ ਕਰਨ ਵਾਲਾ ਮੁਕੱਦਮਾ ਨਹੀਂ ਹੈ। ਅਜਿਹੇ ਕੇਸ ਅਮੀਰ ਧਿਰਾਂ ਲੜਦੀਆਂ ਹਨ।’’ ਆਪਣੀ ਸਭ ਤੋਂ ਵੱਡੀ ਤਰਜੀਹ ਦੱਸਦਿਆਂ ਉਨ੍ਹਾਂ ਕਿਹਾ, ‘‘ਮੈਂ ਤੁਹਾਨੂੰ ਦਸ ਦੇਵਾਂ। ਮੈਂ ਇੱਥੇ ਸਭ ਤੋਂ ਕਮਜ਼ੋਰ ਤੇ ਸਭ ਤੋਂ ਗਰੀਬ ਧਿਰਾਂ ਲਈ ਹਾਂ। ਜੇ ਲੋੜ ਪਈ ਤਾਂ ਮੈਂ ਉਨ੍ਹਾਂ ਲਈ ਅੱਧੀ ਰਾਤ ਤੱਕ ਇੱਥੇ ਬੈਠਾਂਗਾ।’’