ਸੋਨੇ ਦੀਆਂ ਚੂੜੀਆਂ ਲਾਹੀਆਂ

ਥਾਣਾ ਦੁੱਗਰੀ ਦੇ ਇਲਾਕੇ ਪੱਖੋਵਾਲ ਰੋਡ ਸ਼ਹੀਦ ਭਗਤ ਸਿੰਘ ਨਗਰ ਵਿੱਚ ਦੋ ਅਣਪਛਾਤੇ ਵਿਅਕਤੀ ਇੱਕ ਔਰਤ ਨੂੰ ਗੱਲਾਂ ਵਿੱਚ ਲਾ ਕੇ ਉਸ ਦੀਆਂ ਸੋਨੇ ਦੀਆਂ ਵੰਗਾਂ ਲਾਹ ਕੇ ਲੈ ਗਏ ਹਨ। ਜਾਣਕਾਰੀ ਮੁਤਾਬਕ ਹਾਊਸਫੈੱਡ ਫਲੈਟ ਸ਼ਹੀਦ ਭਗਤ ਸਿੰਘ ਨਗਰ ਵਾਸੀ ਰਾਮਾ ਸ਼ਰਮਾ ਅਤੇ ਉਸ ਦਾ ਪਤੀ ਰਵੀ ਸ਼ਰਮਾ ਪੱਖੋਵਾਲ ਰੋਡ ਸਥਿਤ ਸ਼ਹੀਦ ਭਗਤ ਸਿੰਘ ਨਗਰ ਕੱਟ ਕੋਲ ਅਮਰੂਦ ਦੀ ਰੇਹੜੀ ਕੋਲ ਅਮਰੂਦ ਖਰੀਦਣ ਲਈ ਖੜ੍ਹੇ ਸਨ ਕਿ ਦੋ ਅਣਪਛਾਤੇ ਲੜਕੇ ਮੋਟਰਸਾਈਕਲ ’ਤੇ ਆਏ। ਉਨ੍ਹਾਂ ਪਤੀ-ਪਤਨੀ ਨੂੰ ਗੱਲਾਂ ਵਿੱਚ ਲਗਾ ਲਿਆ ਅਤੇ ਰਾਮਾ ਸ਼ਰਮਾ ਦੀ ਖੱਬੀ ਬਾਂਹ ਵਿੱਚ ਪਾਈਆਂ ਉਸ ਦੀਆਂ ਸੋਨੇ ਦੀਆਂ ਦੋ ਵੰਗਾਂ ਲਾਹ ਕੇ ਆਪਣੇ ਮੋਟਰਸਾਈਕਲ ’ਤੇ ਪੱਖੋਵਾਲ ਨਹਿਰ ਵੱਲ ਫ਼ਰਾਰ ਹੋ ਗਏ। ਹੌਲਦਾਰ ਬਲਜੀਤ ਕੁਮਾਰ ਨੇ ਦੱਸਿਆ ਕਿ ਪੁਲੀਸ ਵੱਲੋਂ ਕੇਸ ਦਰਜ ਕਰਕੇ ਕਾਰਵਾਈ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਦੱਸਿਆ ਕਿ ਘਟਨਾ ਵਾਲੀ ਥਾਂ ਨੇੜੇ ਲੱਗੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਵੀ ਪ੍ਰਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।