‘ਲੀਲਾ-ਹੰਸ ਸਾਹਿਤਕ ਸੁਸਾਇਟੀ’ ਦੀ ਸ਼ੁਰੂਆਤ
ਖੇਤਰੀ ਪ੍ਰਤੀਨਿਧ
ਲੁਧਿਆਣਾ, 21 ਅਪਰੈਲ
ਹਿੰਦੀ ਲੇਖਕ ਮਨੋਜ ਧੀਮਾਨ ਨੇ ਆਪਣੇ ਮਰਹੂਮ ਮਾਤਾ-ਪਿਤਾ ਦੀ ਯਾਦ ਵਿੱਚ ‘ਲੀਲਾ-ਹੰਸ ਲਿਟਰੇਰੀ ਸੁਸਾਇਟੀ’ ਸਾਹਿਤਕ ਸੰਸਥਾ ਬਣਾਈ ਹੈ ਜਿਸ ਦਾ ਉਦੇਸ਼ ਵੱਖ-ਵੱਖ ਭਾਸ਼ਾਵਾਂ ਵਿੱਚ ਸਾਹਿਤਕ ਗਤੀਵਿਧੀਆਂ ਨੂੰ ਉਤਸ਼ਾਹਿਤ ਕਰਨਾ ਹੈ। ਮਨੋਜ ਧੀਮਾਨ ਨੇ ਇਸ ਪਹਿਲ ਨੂੰ ਪਿਤਾ ਐੱਚਆਰ ਧੀਮਾਨ ਤੇ ਮਾਤਾ ਲੀਲਾਵਤੀ ਲਈ ਸ਼ਰਧਾਂਜਲੀ ਦੱਸਿਆ। ਉਨ੍ਹਾਂ ਕਿਹਾ ਕਿ ਐੱਲਐੱਚਐੱਲਐੱਸ ਕਿਸੇ ਇੱਕ ਭਾਸ਼ਾ ਤੱਕ ਸੀਮਤ ਹੋਏ ਬਿਨਾਂ ਸਾਹਿਤਕ ਯਤਨਾਂ ਨੂੰ ਉਤਸ਼ਾਹਿਤ ਕਰਨ ਲਈ ਕੰਮ ਕਰੇਗੀ। ਉਨ੍ਹਾਂ ਇਹ ਵੀ ਖੁਲਾਸਾ ਕੀਤਾ ਕਿ ਉਨ੍ਹਾਂ ਦੇ ਮਾਪਿਆਂ ਨੇ ਹਮੇਸ਼ਾ ਉਨ੍ਹਾਂ ਦੀ ਸਿਰਜਣਾਤਮਕ ਯਾਤਰਾ ਨੂੰ ਪ੍ਰੇਰਿਤ ਅਤੇ ਸਮਰਥਨ ਦਿੱਤਾ ਹੈ। ਸੁਸਾਇਟੀ ਦੇ ਅਹੁਦੇਦਾਰਾਂ ਦੇ ਨਾਵਾਂ ਦਾ ਐਲਾਨ ਜਲਦੀ ਹੀ ਕੀਤਾ ਜਾਵੇਗਾ।
ਮਨੋਜ ਧੀਮਾਨ ਨੇ ਕਈ ਕਿਤਾਬਾਂ ਲਿਖੀਆਂ ਹਨ, ਜਿਨ੍ਹਾਂ ਵਿੱਚ ਲੇਟ ਨਾਈਟ ਪਾਰਟੀ (ਲਘੂ ਕਹਾਣੀਆਂ, 2007), ਬਾਰਿਸ਼ ਕੀ ਬੂੰਦੇਂ (ਕਵਿਤਾ ਸੰਗ੍ਰਹਿ, 2009), ਸ਼ੂਨਯ ਕੀ ਓਰ (ਨਾਵਲ, 2012), ਯੇ ਮਕਾਨ ਬਿਕਾਉ ਹੈ (ਲਘੂ ਕਹਾਣੀਆਂ, 2021), ਖੋਲ ਕਰ ਦੇਖੋ (ਲਘੂ ਕਹਾਣੀਆਂ, 2022), ਬਿਰਜੂ ਨਾਈ ਕੀ ਦੁਕਾਨ (ਨਾਵਲ, 2024), ਜਾਗਤੇ ਰਹੋ (ਲਘੂ ਕਹਾਣੀਆਂ, 2024) ਅਤੇ ਧਰਤੀ ਪਰ ਲੌਟੇ ਆਭਾਸੀ ਦੁਨੀਆ ਕੇ ਅਵਤਾਰ (ਨਾਵਲ, 2025) ਸ਼ਾਮਲ ਹਨ। ਮਨੋਜ ਧੀਮਾਨ ਇਸ ਵੇਲੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ (ਜੀਐਨਡੀਯੂ), ਅੰਮ੍ਰਿਤਸਰ ਵਿਖੇ ਹਿੰਦੀ ਅਧਿਐਨ ਬੋਰਡ (ਪੋਸਟ ਗ੍ਰੈਜੂਏਟ) ਦੇ ਮੈਂਬਰ ਵੀ ਹਨ।
