ਫੋਰਟਿਸ ਹਸਪਤਾਲ ਲੁਧਿਆਣਾ ਵੱਲੋਂ ਲਿਵਰ ਟਰਾਂਸਪਲਾਂਟ ਓਪੀਡੀ ਸ਼ੁਰੂ
ਫੋਰਟਿਸ ਹਸਪਤਾਲ ਲੁਧਿਆਣਾ ਨੇ ਇੱਕ ਨਵੀਂ ਜਿਗਰ ਟ੍ਰਾਂਸਪਲਾਂਟ ਓਪੀਡੀ ਦੀ ਸ਼ੁਰੂਆਤ ਕੀਤੀ ਹੈ। ਇਸ ਨਾਲ ਮਰੀਜ਼ਾਂ ਨੂੰ ਹੁਣ ਜਿਗਰ ਦੀਆਂ ਬਿਮਾਰੀਆਂ ਦਾ ਇਲਾਜ ਅਤੇ ਟ੍ਰਾਂਸਪਲਾਂਟ ਸੇਵਾਵਾਂ ਲੁਧਿਆਣਾ ਵਿੱਚ ਹੀ ਉਪਲਬਧ ਹੋਣਗੀਆਂ। ਇਹ ਓਪੀਡੀ ਹਰ ਮਹੀਨੇ ਦੇ ਤੀਜੇ ਵੀਰਵਾਰ ਨੂੰ ਦੁਪਹਿਰ 2 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਹੋਵੇਗੀ। ਇਸ ਦੀ ਅਗਵਾਈ ਡਾ. ਅਸ਼ੀਸ਼ ਜਾਰਜ (ਪ੍ਰਿੰਸੀਪਲ ਕੰਸਲਟੈਂਟ ਅਤੇ ਯੂਨਿਟ ਹੈੱਡ, ਲਿਵਰ ਟਰਾਂਸਪਲਾਂਟ ਫੋਰਟਿਸ ਸ਼ਾਲੀਮਾਰ ਬਾਗ, ਨਵੀਂ ਦਿੱਲੀ) ਕਰਨਗੇ। ਇੱਥੇ ਜਿਗਰ ਸਿਰੋਸਿਸ, ਜਿਗਰ ਫੇਲ੍ਹ ਹੋਣਾ ਅਤੇ ਗੰਭੀਰ ਹੈਪੇਟੋਬਿਲਰੀ ਬਿਮਾਰੀਆਂ ਵਾਲੇ ਮਰੀਜ਼ਾਂ ਨੂੰ ਖ਼ਾਸ ਸਲਾਹ ਅਤੇ ਇਲਾਜ ਦਿੱਤਾ ਜਾਵੇਗਾ।
ਇਸ ਓਪੀਡੀ ਵਿੱਚ ਗੈਸਟ੍ਰੋਐਂਟਰੋਲੋਜੀ ਵਿਭਾਗ ਦੀ ਮਾਹਰ ਟੀਮ ਵੀ ਸ਼ਾਮਲ ਹੋਵੇਗੀ, ਜਿਸ ਵਿੱਚ ਡਾ. ਰਾਜੂ ਸਿੰਘ ਛੀਨਾ (ਐੱਚਓਡੀ ਅਤੇ ਡਾਇਰੈਕਟਰ, ਗੈਸਟ੍ਰੋਐਂਟਰੋਲੋਜੀ), ਡਾ. ਨਿਤਿਨ ਸ਼ੰਕਰ ਬਹਿਲ (ਡਾਇਰੈਕਟਰ, ਗੈਸਟ੍ਰੋਐਂਟਰੋਲੋਜੀ), ਡਾ. ਅਮਿਤ ਬਾਂਸਲ (ਸੀਨੀਅਰ ਕੰਸਲਟੈਂਟ, ਗੈਸਟ੍ਰੋਐਂਟਰੋਲੋਜੀ), ਡਾ. ਵਿਵੇਕ ਪ੍ਰਕਾਸ਼ (ਕੰਸਲਟੈਂਟ, ਗੈਸਟ੍ਰੋਐਂਟਰੋਲੋਜੀ) ਸ਼ਾਮਿਲ ਹੋਣਗੇ।
ਨਿਰਦੇਸ਼ਕ ਸਨਵੀਰ ਸਿੰਘ ਭਾਂਬਰਾ ਨੇ ਕਿਹਾ ਕਿ ਇਸ ਓਪੀਡੀ ਨਾਲ ਲੋਕਾਂ ਨੂੰ ਹੁਣ ਲੀਵਰ ਦੇ ਇਲਾਜ ਲਈ ਦੂਰ ਜਾਣ ਦੀ ਲੋੜ ਨਹੀਂ ਰਹੇਗੀ। ਮਰੀਜ਼ਾਂ ਨੂੰ ਵਿਸ਼ਵ ਪੱਧਰੀ ਮਾਹਰ ਡਾਕਟਰਾਂ ਤੋਂ ਸਲਾਹ ਅਤੇ ਮਾਰਗਦਰਸ਼ਨ ਇੱਥੇ ਹੀ ਮਿਲੇਗਾ।
ਡਾ. ਅਸ਼ੀਸ਼ ਨੇ ਵੀ ਕਿਹਾ ਕਿ ਭਾਰਤ ਵਿੱਚ ਲੀਵਰ ਦੀਆਂ ਬਿਮਾਰੀਆਂ ਤੇਜ਼ੀ ਨਾਲ ਵੱਧ ਰਹੀਆਂ ਹਨ। ਹਸਪਤਾਲ ਅਕਸਰ ਮਰੀਜ਼ ਉਸ ਸਮੇਂ ਆਉਂਦੇ ਹਨ ਜਦੋਂ ਬਿਮਾਰੀ ਕਾਫੀ ਅੱਗੇ ਵਧ ਚੁੱਕੀ ਹੁੰਦੀ ਹੈ ਅਤੇ ਟ੍ਰਾਂਸਪਲਾਂਟ ਹੀ ਇਕੱਲਾ ਵਿਕਲਪ ਰਹਿ ਜਾਂਦਾ ਹੈ। ਇਸ ਓਪੀਡੀ ਦਾ ਮਕਸਦ ਹੈ ਬਿਮਾਰੀਆਂ ਨੂੰ ਜਲਦੀ ਪਛਾਣਨਾ, ਸਮੇਂ ਸਿਰ ਇਲਾਜ ਕਰਨਾ ਅਤੇ ਮਰੀਜ਼ਾਂ ਨੂੰ ਬਿਹਤਰ ਜੀਵਨ ਦੀ ਉਮੀਦ ਦੇਣਾ।
